राष्ट्रपति ट्रम्पद्वारा आफ्नो एसिया भ्रमणको बचाउ, उहाँले भन्नुभयो– अब उत्तर कोरियाको आणविक दादागिरी चल्दैन

नेपाल पाना ३० कार्तिक २०७४, बिहीबार १३:२९ मा प्रकाशित

वासिङ्टन (रासस÷एएफपी) : अमेरिकी राष्ट्रपति डोनाल्ड ट्रम्पले आफ्नो एसिया भ्रमणको बचाउगर्दै आफ्नो उक्त भ्रमणले उत्तर कोरियामाथि दबाब उत्पन्न गरेको बताउनुभएको छ ।

उहाँले भन्नुभयो– मेरो एसिया भ्रमणबाट उत्तर कोरियामाथि ठूलो दबाब श्रृजना भएको छ, अब उसले विश्वमा आणविक दादागिरी देखाउन सक्दैन ।

उहाँ करिब दुई हप्ताको एसिया भ्रमणपछि मङ्गलबार मात्र अमेरिका फर्किनुभएको छ । बुधबार अमेरिकी एक टेलिभिजनमा दिनुभएको वक्तव्यमा उहाँले सो धारणा राख्नसुभएको हो ।

उहाँले आफ्नो एसिया भ्रमणबाट उत्तर कोरियाका विरुद्धमा जनमत निर्माण गर्न सघाउ पुगेको पनि सो सम्बोधनका बताउनुभयो ।

आफ्नो २५ मिनेट लामो टेलिभिजन सम्बोधनका क्रममा उहाँले पटक पटक पानी पिउनुभयो र त्यति नै पटक उहाँले उत्तर कोरियाको विरोधमा आफ्नो भ्रमणको अनुभव पनि सुनाउनुभयो ।

उहाँ एसियाका पाँच देश दक्षिण कोरिया, जापान, चीन, भियतनाम र फिलिपिन्सको भ्रमणमा जानुभएको थियो । उहाँले १२ दिनसम्म लगातार ती देशको भ्रमणमा बिताउनुभएको थियो ।

उहाँले सो सम्बोधनमा भन्नुभएजस्तै उहाँको एसिया भ्रमणमा उत्तर कोरिया नै प्रमुख विषय बनेको थियो । उत्तर कोरियाको आणविक कार्यक्रमलाई उहाँले विभिन्न देशमा बोल्ने क्रममा निकै आलोचना गर्नुभएको थियो ।

विश्वले शान्ति र समृद्धि खोजिरहेको बेला उत्तर कोरियाले भने आणविक क्षेप्यास्त्रको होडबाजी चलाएको भन्दै उत्तर कोरियाली शासकलाई क्रुर र तानाशाहको संज्ञा पनि उहाँले दिनुभएको थियो ।

उहाँले आपूm पुगेका प्रत्येक स्थानमा त्यहाँका नागरिकले आफू र अमेरिकी नागरिकलाई ठूलो सम्मान र सद्भाव दर्साएको अनुभव पनि सो अवसरमा व्यक्त गर्नुभयो ।

साथै ती देशका जनताले उत्तर कोरियाको आणविक होडबाजीको पछिल्लो क्रियाकलापको पनि कडा शब्दमा निन्दा गरेको अनुभव पनि उहाँले सो सम्बोधनका क्रममा व्यक्त गरेको समाचारमा जनाइएको छ ।

सोही कारण पनि अहिले समग्र विश्व नै अमेरिकी नागरिकको साथमा रहेको, उत्तर कोरियाको सो क्रियाकलापको विरुद्धमा रहेकोले अब उसको हतियार र आणविक क्षेप्यास्त्रको दादागिरी नचल्ने निष्कर्ष आपूmले निकोले पनि उहाँले बताउनुभएको थियो ।

राष्ट्रपति ट्रम्पले उत्तर कोरियालाई आफ्ना सबै परमाणु हतियारहरु परित्याग गरेर वार्ताको टेबलमा आउन र सबै विषयमा छलफल गर्न दक्षिण कोरियाबाट आह्वान गर्नुभएको थियो । त्यसपछि भने उहाँ उत्तरको निकै आलोचक बन्नुभयो ।

राष्ट्रपति ट्रम्पले दक्षिण कोरियाको संसदमा गर्नुभएको सम्बोधनमा अमेरिकाले प्योङयाङका विरुद्धमा सेना परिचालन गर्ने अवस्था नआओस भनेर पनि सोचिरहेको स्पष्ट गर्नुभएको थियो ।

पछि उहाँले चीन भ्रमणका क्रममा पनि कोरियाली प्रायद्वीपको मुद्दाका बारेमा समन्वय गर्न चिनियाँ राष्ट्रपति सि चिनीफङलाई पनि आग्रह गर्नुभएको थियो ।

सो आग्रहपछि राष्ट्रपति चिनफिङले पनि कोरियाली प्रायद्वीप र अफगानिस्तानको मुद्दामा चीनले अमेरिकासँग समन्वय गर्ने बताउनुभएको समाचारमा जनाइएको थियो ।

अमेरिकी राष्ट्रपति डोनाल्ड ट्रम्पसँगको भेटपछि राष्ट्रपति चिनफिङले भन्नुभएको थियो– ती विषयमा राष्ट्रपति ट्रम्पसँग कुराकानी भएको छ र हामी त्यसमा साथसाथमै काम गर्न तयार छौँ ।

बिहीबार उहाँहरुबीचको भेटवार्ताका क्रममा राष्ट्रपति ट्रम्पले उत्तर कोरियाको आणविक कार्यक्रम विश्वकै लागि समस्या बनेकोले समाधानका लागि पहल गर्न चीनलाई आग्रह गर्नुभएको बताइएको थियो ।

उत्तर कोरियाका विषयमा विश्वका दुई प्रमुख शक्तिराष्ट्र अमेरिका र चीनले गरेको यस वार्तालाई विश्वमा निकै चासोपूर्ण रुपमा हेरिएको छ । उहाँहरुबीचको सो सहकार्यले आगामी दिनमा उत्तर कोरियाको यो आणविक होडको वातावरणमा परिवर्तन आउन पनि सक्ने अनुमानहरु गरिएका छन् ।

प्रतिकृया दिनुहोस

सम्बन्धित समाचार

मुगाबेले राजिनामा नदिने, आफ्नै दल र विपक्षीदलद्वारा उहाँको विरोध हरारे (रासस÷एएफ्पी) : जिम्बावेका राष्ट्रपति रोबर्ट मुगाबेले आफ्नो पदबाट राजीनामा नदिने धारणा आइतबार सार्वजनिक […]
अफगानिस्तानका बालबालिकाको अवस्थाबारे युनिसेफ चिन्तित् काबुल (रासस÷सिन्ह्वा) : अफगानिस्तानका बालबालिकाको स्वास्थ्य तथा शिक्षाको अवस्थाको विषयलाई लिएर संयुक्त राष्ट्रसंघीय एजेन्सी, […]
प्रहरी चौकीमा आक्रमण, २२ प्रहरीे र ४५ आतङ्ककारी मारिए ग्राडेज, अफगानिस्तान (रासस÷सिन्ह्वा) अफगानिस्तानको दक्षिणी प्रान्त कान्दाहारमा गएराति रातभर भएको आक्रमणमा परी कम्तीमा २२ […]
राष्ट्रपति ट्रम्प मनिला पुग्नुभयो मनिलामा सोमबार एसियाली सम्मेलन शुरु हँुदै मनिला (रासस÷एएफपी) : एसियाका पाँच देशको १२ दिने भ्रमणको अन्तिम पाइलाका रुपमा अमेरिकी राष्ट्रपति […]
उत्तर कोरियाको आणविक कार्यक्रम विश्वलाई नै खतरा– राष्ट्रपति ट्रम्प टोकियो (रासस÷एएफपी) : अमेरिकी राष्ट्रपति डोनाल्ड ट्रम्पले उत्तर कोरियाको आणविक कार्यक्रम विश्वकै लागि चुनौती […]
अमेरिकी राष्ट्रपति ट्रम्प जापानमा टोकियो । अमेरिकी राष्ट्रपति डोनाल्ड ट्रम्प एसियाको नौ दिने भ्रमणको क्रममा आइतबार जापान पुग्नुभएको […]