देशमा देशभक्त सरकार छ, एक इन्च भूमि पनि कसैलाई मिच्न दिदैँन: प्रधानमन्त्री 

  |   प्रकाशित :

काठमाडौं । राजधानीमा नेपाल कम्युनिष्ट पार्टीको भातृ संगठन युवा संघको राष्ट्रिय भेलालाई सम्बोधन गर्दै प्रधानमन्त्री केपी शर्मा ओलीले देशको एक इन्च भूमि मिचिन नदिने बताएका छन् । 

उनले आफ्नो नेतृत्वको सरकारलाई देशभक्त भन्दै भूमि मिचिन नदिने बताएका हुन् । ‘देशमा देशभक्त सरकार छ’ ओलीले भने, ‘यो सरकारले एक इन्च भूमि पनि कसैलाई मिच्न दिदैन र अरुको भूमि पनि लिदैन ।’

ओलीले नेपाली भूमिबाट विदेशी सेना फिर्ता हुनुपर्ने बताए । उनको संकेत भारतीय सेनातर्फ थियो जो कालापानी क्षेत्रमा बसेको छ । निकै जोसका साथबोलेका ओलीले भाषणका क्रममा संवादबाट कालापानीको समस्या समाधान गर्ने बताए । उनले कुटनीतिक पहल शुरु गरिएको समेत बताए ।

कालापानीलाई समावेश गरी भारतले नयाँ नक्शा जारी गरेको बारे देशभर विरोध प्रदर्शन भइरहँदा ओलीको भनाई पहिलोपटक आएको हो । उनले नेपालले छिमेकसँग तनाव नचाहेको समेत बताए ।

© Copyright Nepalpana.com 2020. All rights reserved.
Design & Developed By : Journey For Tech