साग: १० हजार मिटर दौडको स्वर्ण पदक सन्तोषीले जितिन्

  |   प्रकाशित :

काठमाडौं । नेपाली धाविका सन्तोषी श्रेष्ठले १३ औं दक्षिण एसियाली खेलकुद अन्तर्गत महिला १० हजार मिटर दौडमा स्वर्ण पदक जितेकी छिन् । उनले ३५ मिनेट ७.९४ सेकेन्डमा निर्धारित दुरी पूरा गर्दै स्वर्ण पदक जितेकी हुन् । भारतकी कविता यादवलाई उछिन्दै उनले स्वर्ण जितेकी हुन् ।

सुरुबाटै अग्रता बनाएकी उनले अन्तिमसम्म त्यसलाई कायम गर्दै स्वर्ण जितिन् । लगातार पछ्याए पनि कविताले रजत जितिन् । उनले नेपालकी सन्तोषीलाई अन्तिममा उछिन्दै अग्रता बनाए पनि केही सेकेन्डले स्वर्ण नेपालको पक्षमा आयो । उनलाई १ मिलिसेकेन्डले उछिन्दै सन्तोषीले स्वर्ण जितिन् । १५ सय मिटरमा कास्य नेपालका लागि धावक टंक कार्कीले पुरुष १५ सय मिटर दौडमा कास्य पदक जितेका छन् ।

मंगलबार भएको फाइनलमा टंकले निर्धारित दौड ३ मिनेट ५९.२० सेकेन्डमा पूरा गर्दै कास्य जिते । दौडमा लामो समय पाँचौ स्थानमा रहेका उनले अन्तिम ल्यापमा उत्कृष्ट पुनरागमनसहित कास्य जिते । यसतर्फ भारतका अजयकुमार सरो ३ मिनेट ५४.८१ सेकेन्डमा दौड पूरा गर्दै स्वर्णका हकदार भए भने भारतकै अजीत कुमारले ३ मिनेट ५७.१८ सेकेन्डमा दुरी पुरा गर्दै रजत जिते ।

महिलातर्फ सरस्वती भट्टराई पाँचौ बनिन् । उनले दौडको १२ सय मिटरसम्म अग्रता बनाएर अन्तिम ल्यापमा पछि परिन् । श्रीलंकाकी कुबुरालागेले स्वर्ण जितिन् भने भारतकी चद्नाले रजत जितिन् । महिलाको १ सय मिटर दौडमा सरस्वती चौधरीले अन्तिम चरणमा प्रतिस्पर्धा गरे पनि पदकविहीन भइन् । उनले हिट चरणमा १२।५७ सेकेन्डमा दुरी पुरा गरेर शीर्ष आठमा समेटिइन् ।

© Copyright Nepalpana.com 2020. All rights reserved.
Design & Developed By : Journey For Tech