भारतले पाम आयलमा प्रतिबन्ध लगाएपछी काँग्रेसले यसरि जनायो आपति !

  |   प्रकाशित :

काठमाडौं । नेपाली कांग्रेसले प्रशोधित पाम आयलमा भारतले रोक लगाएपछि नेपालमा प्रशोधित पाम आयल भारतमा निर्यात नहुने अवस्था सृजना भएको भन्दै समस्याको समाधान खोज्न खड्गप्रसाद ओली नेतृत्वको कम्युनिस्ट सरकारसँग आग्रह गरेको छ ।

नेपाली कांग्रेस संसदीय दलका प्रमुख सचेतक बालकृष्ण खाँणले शुक्रबार साँझ विज्ञप्ति जारी गरेर नेपालमा उत्पादित पाम आयल खेर जाने र उद्योगी व्यवसायीहरूको लगानी जोखिममा पर्नुका साथै उद्योगका श्रमिक तथा कर्मचारीहरूको रोजगारीमा समेत संकट उत्पन्न हुने अवस्थाप्रति कांग्रेसको गम्भीर ध्यानाकर्षण भएको जनाएका छन् ।

‘नेपालबाट निर्यात हुने प्रमुख वस्तु मध्ये पाम आयल पनि एक हो’, विज्ञप्तिमा खाँणले भनेका छन्, ‘जसले राष्ट्रको अर्थतन्त्रलाई समेत टेवा पुर्‍याइरहेको छ ।’

‘यस सम्बन्धमा नेपाल सरकारले कुटनीतिक पहल गरी नेपालमा प्रशोधित पाम आयल अन्य मुलुकमा निर्यातका लागि सहज वातावरण गराउन ध्यानाकर्षण गराउँदछौं’, नेपाली कांग्रेस संसदीय दलका प्रमुख सचेतक खाँणले भनेका छन् ।

© Copyright Nepalpana.com 2020. All rights reserved.
Design & Developed By : Journey For Tech