अमेरिकी राजदूत र्‍यान्डी बेरी पशुपतिनाथ मन्दिरमा, यस्तो छ उनको १० वर्षे च्यालेन्ज !

  |   प्रकाशित :

काठमाडौं । शिवरात्रीको अवसरमा आज विहान अमेरिकी राजदूत र्‍यान्डी बेरी पशुपतिनाथ मन्दिर पुगेका छन् । 

धार्मिक आस्था राख्ने र्‍यान्डी बेरीले ट्वीटमा २ वटा फोटो अपलोड गर्दै शुक्रबार घुम्नका लागि पशुपतिनाथ मन्दिर पुगेको जनाइएको छ । यसअघि सन् २००७ देखि २००९ सम्म काठमाडौँस्थित अमेरिकी दूतावासमा डेप्युटी चिफ अफ मिसनको पदमा कार्यरत हुदाँ पनि र्‍यान्डी बेरीले पशुपतिनाथ मन्दिर भ्रमण गरेका थिए । त्यसवेला नै उनी च्यालेन्जका साथ फेरी पशुपतिनाथ मन्दिर भ्रमण गर्न आउने सोच बनाएका थिए । 

शिवरात्रि पर्व फागुन कृष्ण चतुर्दशीका दिन पूजा, आराधना, दर्शन गरे सुख शान्ति र मृत्युपछि सद्गति प्राप्त हुने हिन्दु धर्मावलम्बीहरुको विश्वास रहेको छ । हिन्दू धर्मावलम्बी आज बिहानैदेखि नदी, कुण्ड र तलाउमा स्नान गरेर शिवालयमा गई श्रद्धाभक्तिपूर्वक पूजा/आराधना गरिरहेका छन् । 

पशुपतिनाथ मन्दिरमा शुक्रबार बिहानैदेखि दर्शनार्थीको घुईँचो लागेको छ । पशुपतिनाथको दर्शन गर्न आज बिहान तीन बजे नै पशुपतिका चार ढोका खोलिएको थियो । यस वर्ष शिवरात्रिका दिन १० लाखभन्दा धेरै दर्शनार्थीले लाइन लागेको २ घण्टामै दर्शन गरिसक्ने गरि व्यवस्था मिलाइएको पशुपति क्षेत्र विकास कोषका सदस्य सचिव डाक्टर प्रदीप ढकालले बताए। 

अहिले पशुपतिमा दर्शनका लागि पाँचवटा लाइन लगाइएको छ । मित्रपार्क तथा गौरीघाट भएर उमाकुण्ड–दक्षिणामूर्ति हुँदै रूद्रगाडेश्वर उत्तरढोका, जयवागेश्वरी–ईंटापाखा भएर भुवनेश्वरीमा रहेको फलामको सानो ढोका हुँदै पश्चिम ढोका, बत्तीसपुतली–गौशाला तथा एयरपोर्ट–तिलगङ्गा भएर पिङगलास्थान–सुमार्गी भवन हुँदै चार शिवालय–पञ्चदेवल दक्षिण ढोकाबाट एकरएक लाईन गरी दर्शन गर्ने व्यवस्था मिलाइएको सदस्य सचिव ढकालले जानकारी दिए । 

© Copyright Nepalpana.com 2020. All rights reserved.
Design & Developed By : Journey For Tech