चीनमा उत्पादित मास्क गुणस्तरहिन, नेदरल्याण्डसले छ लाख मास्क फिर्ता गर्यो

  |   प्रकाशित :

काठमाडौं । नेदरल्याण्डस सरकारले आफ्ना अस्पतालहरूबाट चीनमा उत्पादित ६ लाख मास्क फिर्ता मागेको छ । चीनमा उत्पादित मास्क गुणस्तर मापदण्ड पूरा गर्न नसकेपछि नेदरल्याण्डस सरकारले ६ लाख मास्क फिर्ता गर्न लागेको हो । 

स्थानीय सञ्चारमाध्यमहरूका अुनसार ती मास्कहरू चीनबाट आयात गरी कोभिड–१९ महामारीलाई नियन्त्रण गर्न नेदरल्याडसका अस्पतालहरूमा पठाइएको थियो । अहिले ती मास्कहरू फिर्ता लिने निर्णय गरिएको छ ।

नेदरल्याडसले २१ मार्चमा चिनियाँ निर्माताबाट मास्क आयात गरेको थियो । चिनियाँ निमार्ताबाट एफएफपी २ श्रेणीका मास्कहरूको अर्डर दिइएको थियो ।जसले हावामा रहेको ९४ प्रतिशत ठोस र तरल कण फिल्टर गर्नुपर्दछ ।

चीनबाट पठाइएको मास्कको गुणस्तर मापन गर्ने क्रममा ती मास्कहरूको त्यस स्तरमा कणहरूको फिल्टर गर्न नसकेको पाइएपछि नेदरल्याडसको सरकारले माक्सहरू कोभिड–१९ को संक्रमण सार्न सक्ने कणहरूको फिल्टर गर्न नसक्ने भन्दै अस्पतालहरूबाट फिर्ता मागेको छ ।

यसरी चीनबाट आयातित मेडिकस सामाग्रीमा खोट देखिएको नेदरल्यान्डस तेश्रो मुलुक हो । चिनियाँ किटहरू ३० प्रतिशत बिरामीको मात्रै सही पहिचान गर्न सकेको र संक्रमितमध्ये ७० प्रतिशत व्यक्तिमा संक्रमण पत्ता लगाउन नसकेको भन्दै स्पेनले चिनियाँ किटको प्रयोगमा प्रतिबन्ध लगाएको थियो ।

स्पेन आयात गरिसकेको किटहरू फिर्ता पठाउने निर्णय समेत गरिसकेको छ । यसअघि चीनले चेक रिपब्लिकमा पठाएको किटहरुले पनि सही नतिजा नदिएको पाइएको थियो ।

© Copyright Nepalpana.com 2020. All rights reserved.
Design & Developed By : Journey For Tech