नेपाल र चीनको सीमा हिल्सामा बिओपी स्थापना हुदैँ, पुग्यो सशस्त्रको टोली

  |   प्रकाशित :

सिमकोट । नेपाल र चीनको सिमाना हिल्सामा सशस्त्र प्रहरी बलको सीमा सुरक्षा चौकी (बिओपी) स्थापना हुने भएको छ । 

बिओपी स्थापनाको बन्दाबस्ती गर्नका लागि सशस्त्र प्रहरी बलको एक टोली हिल्सा पुगेको जनाएको छ । हिल्सामा सशस्त्र प्रहरी बलको सीमा सुरक्षाा चौकी  स्थापनाको बन्दाबस्ती गर्नका लागि चार हजारभन्दा अग्लो नारा लेक काटेर एक टोली हिल्सामा पुगेको हो ।

गत वर्ष नै निर्णय भएर पनि विभिन्न कारणले स्थापना गर्न नसकिएको नेपाल र चीनको सिमाना हिल्सामा बिओपी स्थापनाका लागि सशस्त्र प्रहरीको एक टोली हिल्सामा पुगेको प्रमुख जिल्ला अधिकारी बिनिता भट्टराईले बताए ।

टोलीले आवश्यक पूर्वाधारदेखि सबै व्यवस्था गर्ने र त्यसपछि बिओपीको औपचारिक रुपमा स्थापना हुने उनले बताए । सशस्त्र प्रहरी बल ४४ नम्बर गुल्मका सशस्त्र प्रहरी नायब उपरीक्षक मोहन विष्टको नेतृत्वमा दश जनाको टोली हिल्सा पुगेको थियो ।

टोलीले कार्यालयका लागि घर भाडामा लिनेदेखि अन्य व्यवस्था गरिरहेको छ । बिओपीका लागि सबै तयारी भएपछि औपचारिक रुपमा कार्यालय स्थापना हुनेछ । सशूत्र प्रहरी निरीक्षकको नेतृत्वमा ३५ जनाको टोली हाललाई हिल्सामा बस्नेछ ।

© Copyright Nepalpana.com 2020. All rights reserved.
Design & Developed By : Journey For Tech