कम्युनिष्टहरूलाई धक्का दिन सुरु भयो कांग्रेसको ५० दिने अभियान, अब दलित र गरिवको घरमा बास

नेपाल पाना प्रकाशित: २०७५-१-२ गते | 7515 पटक हेरिएको
कम्युनिष्टहरूलाई धक्का दिन सुरु भयो कांग्रेसको ५० दिने अभियान, अब दलित र गरिवको घरमा बास

गुल्मी । स्थानीय तह, प्रदेश र प्रतिनिधि सभा निर्वाचनमा हार व्यहोर्न पुगेको नेपाली कांग्रेस गुल्मीले संगठन सुदृढीकरण अभियान सुरु गरेको छ ।

गुल्मी कांग्रेसले ‘गाउँ जाऔं, गाउँमै रमाऔं’ अभियान सुरु गरेको हो । जनतासँग प्रत्यक्ष घुलमिल गर्ने र दुःख–सुख साट्ने उद्देश्यले ५० दिने अभियान नयाँ वर्षको पहिलो दिनबाट सुरु गरिएको कांग्रेस गुल्मीका सभापति भुवनप्रसाद श्रेष्ठले जानकारी दिए ।

अभियानबाट जनतासँगको सम्बन्ध सुधार हुने र देशभरकै लागि प्रेरणादायी बन्ने कांग्रेसको विश्वास छ । गुल्मी जिल्ला पार्टीले सुरु गरेको यो महाअभियानले देशभरकै सिंगो कांग्रेसलाई भिटामिनको क्याप्सुलको जस्तै काम गर्ने सभापति श्रेष्ठले बताए ।

गुल्मी कांग्रेसले अभियानको क्रममा जिल्लाका ९३ वटै वडामा पुग्ने योजना बनाएको छ । चुनावको बेला मात्रै गाउँ घरमा पुग्ने र चुनाव जितेपछि गाउँमै नफर्किने गर्दा जनतासँगको सम्बन्ध टाढिएको निष्कर्षसहित कांग्रेसले सम्बन्ध सुधारको अभियान थालेको हो ।

गरिव, दलित र अति सिमान्तकृत जनता कांग्रेससँग नजिक नरहेको निश्कर्ष निकाल्दै अभियान सुरु गरिएको सभापति श्रेष्ठले बताए ।

नेता, कार्यकर्ताहरू पाहुनाको रुपमा होइन गरिव सर्वसाधारण, जनताको लवाइ खुवाइ र बसाइ जस्तो छ त्यस्तै भएर ५० दिनसम्म खट्ने छन् ।

विशेषगरी गरिव, दलितको घरमा बस्ने, उनीहरूले जस्तो खान्छन् त्यस्तै खाने, उनीहरूको कामलाई सघाउने, जातीय विभेद, सामाजिक विकृति विसंगति र कुरितीलाई हटाउने काममा सक्रिय हुने गरी योजना बनाइएको छ । 

कांग्रेस कार्यकर्ताले जातीय छुवाछुत वा विभेद गरेमा पार्टी सदस्यता नै खारेज गर्ने कांग्रेस गुल्मीका सचिव खिलध्वज पन्थीले बताए ।

अभियानको पहिलो हप्तासम्म पार्टी शुद्धृढीकरण, सम्पूर्ण जनवर्गीय संगठनको पुनर्गठन, पार्टी सदस्यता नवीकरण गर्ने कार्ययोजना बनाइएको छ । त्यस अवधीमा प्रत्येक वडामा ७ सदस्यीय छायाँ सरकार पनि गठन गरिनेछ ।

दोस्रो र तेस्रो हप्तासम्म कांग्रेस नेता कार्यकर्ताहरू सामाजिक कार्यमा सहभागी हुनेछन् । पोखरी, चौतारी, विद्यालय जस्ता सार्वजनिक स्थान निर्माण गर्ने, सरसफाइ गर्ने र सामाजिक विकृति, विसंगतिविरुद्ध चेतनामुलक कार्यक्रम गर्ने गुल्मी कांग्रेसले जनाएको छ । 

विकास निर्माणमा हुने अनियमितता, भ्रष्टाचार, ढिलासुस्तीको भण्डाफोर गर्दै जनतालाई जागरुक बनाउने योजना पनि बनाइएको छ ।

जिल्लाभरका सबै स्थानीय तहहरूमध्ये ९३ वडामा ८६ जना कांग्रेसका नेताहरू गाउँगाउँमा पुगेर शनिवार बिहानैबाट शुभकामना आदानप्रदान कार्यक्रम गरिरहेको कांग्रेस गुल्मीकी प्रवक्ता बिष्णुकुमारी सापकोटाले जानकारी दिइन् ।


दशैंका बेला कम्युनिस्ट प्रधानमन्त्री ओलीले निकाले जनता ढाँट्ने नयाँ उपाय !
दशैंका बेला कम्युनिस्ट प्रधानमन्त्री ओलीले निकाले जनता ढाँट्ने नयाँ उपाय !

भद्रपुर – चुनावका बेला बृद्धभत्ता ५ बजार पुर्याउने भनेर बजेट ल्याउँदा जनतालाई झुक्याएका कम्युनिस्ट प्रधानमन्त्री केपी शर्मा ओलीले गृहजिल्ला झापा पुगेर फेरि जनतालाई ढाँट्..

दशैंमा गन्हाउँदैछ काठमाडौं, कम्युनिस्ट मेयर निकम्मा सावित
दशैंमा गन्हाउँदैछ काठमाडौं, कम्युनिस्ट मेयर निकम्मा सावित

काठमाडौं । काठमाडौं महानगरपालिकामा निर्वाचित मेयर विद्यासुन्दर शाक्यले चुनावका बेला मोनोरेलदेखि स्मार्ट सिटीसम्मका गफ दिएका थिए । तर, मेयरको शासन निकम्मा हुँदा महानगरपालिका दश..

भारतले बनाएको रेलमार्ग हेरेपछि भारतको गुणगानमा उत्रिए कम्युनिस्ट मन्त्री
भारतले बनाएको रेलमार्ग हेरेपछि भारतको गुणगानमा उत्रिए कम्युनिस्ट मन्त्री

धनुषा । नक्कली राष्ट्रवाद देखाउन भारतको आलोचना गर्दै चुनाव जितेका कम्युनिस्ट नेताहरू अहिले भारतकै सहयोगमा नेपालमा विकास भएपछि भारतको गुणगान गाउन थालेका छन् । भौतिक पूर्वाधा..

आज महाअष्टमी मनाइँदै, त्रिशक्तिको पूजाआजासहित देशभरका शक्तिपीठमा मेला
आज महाअष्टमी मनाइँदै, त्रिशक्तिको पूजाआजासहित देशभरका शक्तिपीठमा मेला

काठमाडौं – नेपालीको महान् पर्व विजयादशमी अन्तर्गत आश्विन शुक्ल अष्टमीका दिनमा मनाइने महाअष्टमी पर्व बुधबार महाकाली, महालक्ष्मी र महासरस्वतीको विशेष पूजाआजा गरी मनाइँदैछ..