आर्थिक समृद्धिलाई बल पुर्याउने गरी बजेट बनाउन सुझाव

रासस प्रकाशित: २०७५-१-२४ गते | 2496 पटक हेरिएको
आर्थिक समृद्धिलाई बल पुर्याउने गरी बजेट बनाउन सुझाव

काठमाडौँ । मितव्ययितासहितको द्रुत आर्थिक वृद्धि गर्ने गरी आगामी आर्थिक वर्ष २०७५र/०७६ को बजेट तयार गर्न सरकारलाई सुझाव दिइएको छ ।

नेपाल राष्ट्र बैंकले आज यहाँ आयोजना गरेको पूर्वबजेटकालीन अन्तक्र्रियामा सहभागीले देश संघीय शासन प्रणालीमा अगाडि बढेको र जनतामा आर्थिक समृद्धिको उत्कृट चाहना भएकाले त्यसलाई सम्बोधन गर्ने गरी बजेट तयार गर्नुपर्नेमा जोड दिनुभयो ।

नेपाल राष्ट्र बैंकका गभर्नर डा चिरञ्जीवी नेपालले संघीयता कार्यान्वयनका लागि रु तीनदेखि पाँच खर्ब दायित्व थपिएको, त्यसका लागि राजश्व संकलन र दातृ निकायसँग ऋण तथा सहुलियत लिएर स्रोत जुटाउनुपर्ने अवस्था रहेको बताउँदै आगामी आर्थिक वर्षमा सात प्रतिशतको आर्थिक वृद्धि हुने तर्क गर्नुभयो । उहाँले भन्नुभयो, “राजनीतिक स्थायित्वले आर्थिक वृद्धिदरलाई सघाउनेमा हामी आशावादी छौँ ।”

नेपाल उद्योग वाणिज्य महासंघका वरिष्ठ उपाध्यक्ष शेखर गोल्छाले अर्थतन्त्रमा औद्योगिक क्षेत्रको योगदान वृद्धि गर्नका लागि यस क्षेत्रको प्रवद्र्धन गर्नुपर्नेमा जोड दिँदै अस्थिर बैंक व्याजदरका कारण वैदेशिक लगानी ल्याउन कठिनाइ भएकाले त्यस्ता विषयलाई सम्बोधन गर्ने गरी र पूर्वाधार निर्माणमा बजेट केन्द्रित गर्नुपर्नेमा जोड दिनुभयो । नेपाल धितोपत्र बोर्डका अध्यक्ष डा रेवतबहादुर कार्कीले सहकारीलाई वित्तीय र गैरवित्तीय क्षेत्र छुट्याउने र त्यसलाई फरक फरक निकायले नियमन गर्नुपर्ने धारणा राख्नुपर्ने बताउनुभयो ।

घरेलु तथा साना उद्योग महासंघका अध्यक्ष श्याम गिरीले पारिवारिक पूँजीबाट सञ्चालित साना उद्योगलाई बैंकले ऋण दिनुपर्ने व्यवस्था बजेटले ल्याउनुपर्ने र उद्योगलाई धितो मान्नुपर्नेमा जोड दिनुभयो । बीमा समितिका अध्यक्ष चिरञ्जीवी चापागाईंल सबै क्षेत्रका बीमालाई एकीकृत नेतृत्वमा ल्याउनुपर्ने विषयलाई बजेटमा समावेश गराउनुपर्ने बताउनुभयो ।

राष्ट्रिय सहकारी महासंघका अध्यक्ष केशवप्रसाद बडाल, नेपाल बैंकर्स संघका अध्यक्ष ज्ञानेन्द्र ढुंगाना र चेम्बर्स अफ कमर्शका तर्फबाट व्यवसायी इच्छाराज तमाङले तरलता व्यवस्थापन तथा कर्जा सुरक्षण नीतिलाई परिमार्जन गर्नुपर्नेमा जोड दिनुभएको थियो । राष्ट्र बैंकले सात वटै प्रदेशमा अन्तक्र्रिया गरेर आएका सुझाव समेटेर अर्थ मन्त्रालयलाई बुझाउनेछ ।


घट्यो सूनको मुल्य, अति पुग्यो?
घट्यो सूनको मुल्य, अति पुग्यो?

काठमाडौं । आइतबार सूनको मुल्य घटेको छ । सूनको मुल्य तोलामा २ सय रुपैयाँले घटेको हो । अघिल्लो दिन ६० हजार रुपैयाँ प्रतितोला रहेको सूनको मुल्य आइतबार ५९ हजार ड सय कायम गरि..

सून पाँच वर्षयताकै महंगो, दशैंको समयमा किन बढ्यो मुल्य?
सून पाँच वर्षयताकै महंगो, दशैंको समयमा किन बढ्यो मुल्य?

काठमाडौं । सूनको पछिल्लो समय पाँच वर्षयताकै महंगो भएको छ । शुक्रबार र शनिबार सूनको मुल्य प्रतितोला ६० हजार रुपैयाँ रहेको सूनचाँदी व्यवसायी महासंघले जानकारी दिएको छ ।..

५ सय प्रतिशतसम्म नाफा खाने कोरियन सपमा सिलबन्दी
५ सय प्रतिशतसम्म नाफा खाने कोरियन सपमा सिलबन्दी

काठमाडौं । उपभोक्ताबाट चर्को मुल्य लिएर व्यापक ठगी गर्दै आएको जमलको द कोरियन सपमा सिलबन्दी गरेको छ । वाणिज्य, आपूर्ति तथा उपभोक्ता संरक्षण विभागले उपभोक्तासँग चर्को मूल्य ल..

पशुपन्छी मन्त्रीले भने काठमाडौंमा राँगाँको मासु नखानुस्
पशुपन्छी मन्त्रीले भने काठमाडौंमा राँगाँको मासु नखानुस्

काठमाडौं । कृषि तथा पशुपन्छी विकास मन्त्री चक्रपाणी खनालले काठमाडौं उयपत्यकामा  हुने गरेको राँगाको मासु खान योग्य नरहेको बताएका छन् । काठमाडौं उपत्यकामा राँगाको मासु ध..