सर्बोच्चको आदेशलाई लत्याउँदै मन्त्री महासेठले गर्दैछन यस्तो खतरनाक खेल, प्रशासनको पनि मिलेमत्तो

नेपाल पाना प्रकाशित: २०७५-२-२४ गते | 11032 पटक हेरिएको
सर्बोच्चको आदेशलाई लत्याउँदै मन्त्री महासेठले गर्दैछन यस्तो खतरनाक खेल, प्रशासनको पनि मिलेमत्तो

काठमाडौं । भौतिक पूर्वाधार तथा यातायातमन्त्री रघुवीर महासेठले कानून विपरित फेरि माल कमाउने योजना फेरि कार्यान्वयनमा ल्याएका छन् ।

सर्वोच्चको अन्तरिम आदेशलाई अवज्ञा गर्दै स्थानीय प्रशासनले निर्वाधरुपमा बढी भारवहन क्षमताका मालवाहक तथा यात्रुवाहक सवारी साधनलाई मिलेमतोमा सञ्चालन गर्न दिएको छ ।

बीपी राजमार्गमा बढी भरवहन भएका सवारी साधनलाई रोक लगाउन परेको रिटमा सर्वोच्चका न्यायाधीश सपना मल्ल प्रधानको एकल इजलासले जेठ २० गते अन्तरिम आदेश जारी गर्दै बढी भरवहन क्षमताका ठूला सवारीलाई रोक लगाएको थियो । भौतिक पूर्वाधार तथा यातायातमन्त्री रघुवीर महासेठले गत जेठ १३ मा बीपी राजमार्गमा ठूला सवारी साधन समेत चल्न पाउने निर्णय गरेका थिए । त्यसविरुद्ध अधिवक्ता कैलाश दाहालले सर्वोच्च अदालतमा रिट निवेदन दर्ता गरेका थिए ।

यातायात व्यवस्था विभागले बीपी राजमार्गमा बढी भारवहन क्षमता भएका सवारी साधनलाई चल्न दिने निर्णय गरेको थियो । भौतिक पूर्वाधार तथा यातायात मन्त्रालयले गरेको आदेशअनुसार सूचना नै प्रकाशन गरेर मापदण्ड तोकी बढी भारवहन क्षमता भएका सवारी साधनलाई चल्न दिने यातायात व्यवस्था विभागले निर्णय गरेकामा कानुनविपरीत भएको भन्दै रिट परेको हो । यातायात व्यवस्था विभागले यात्रुवाहक सवारी साधन ह्लिवेस चार हजार दुइसय २५ एमएमको चालकसहित ३२ सिट भएको विहान ५ देखि बेलुका ८ बजेसम्म चल्न दिने नयाँ निर्णय गरेको थियो ।

यातायात व्यवस्था विभागले मालबाहक सवारी साधनमा समेत ६ टन भारवहन क्षमता वृद्धि गरी चल्न दिने निर्णय गरेको छ । मालवाहक सवारी जिभिडव्लु ९कुल वजन० १६२०० किलो ९१६।२ टन० ह्लिवेस चार हजार दुइसय २५ एमएमसम्मका सवारी साधन प्रति एक्सल भार १०।२ टन नबढ्ने गरी राति ९ देखि बिहान ५ बजेसम्मका लागि अनुमति दिएको थियो ।
अन्तरिम आदेश भएको चार दिन बित्दा समेत स्थानीय प्रशासनले जानकारी नभएको भन्दै निर्वाध बढी भारवहन क्षमता भएका सवारी साधन सञ्चालन गर्न दिएको छ । आधिकारिक पत्र प्राप्त नभएकाले बढी भारवहन क्षमताका सवारी साधनलाई रोक नलगाइको कामु प्रजिअ ज्ञानप्रसाद ढकालले बताए ।

सुनकोसी नदी आसपासमा खोलिएका क्रसर नेताको भएकाले उनलाइ दवाव भएको जानकारी प्राप्त भएको छ । बुधबार निर्वाध बढी भारवहन भएका सवारी साधन दिउँसो र राति सञ्चालनमा छन् । व्यवसायीका अनुसार प्रतिसवारी साधन एक हजार पाँच सयदेखि दुइ हजार पाँच सयसम्म लिने गरिएको छ । स्रोतका अनुसार दिउँसो र राति गरी बढी भारवहन क्षमताका दुई हजार सवारी साधन बीपी राजमार्गमा चल्ने गरेका छन् । यो समाचार तयार गर्दासम्म बढी भारवहन क्षमता भएका सयौं सवारी साधन राजमार्गमा निर्वाध सञ्चालन भइरहेका छन् ।

प्रजिअको आदेश अनुसार सवारी साधन सञ्चालनमा रोक नलगाएको प्रहरी उपरीक्षक रामेश्वरप्रसाद यादवले बताए ।

स्थानीय दीपक मिश्रका अनुसार प्रशासनले अन्तरिम आदेशको पत्र लुकाएर रकम असुल गरि राजमार्गलाइ तहस नहस बनाउन खोजेको छ ।


कम्युनिस्ट शासनमा सुनको मूल्य पनि आकाशियो, ६ वर्ष यताकै उच्च
कम्युनिस्ट शासनमा सुनको मूल्य पनि आकाशियो, ६ वर्ष यताकै उच्च

काठमाडौं । प्रधानमन्त्री केपी शर्मा ओली नेतृत्वको कम्युनिस्ट सरकार मूल्यबृद्धि नियन्त्रणमा असफल भएपछि बजारमूल्य आकाशिँदै भइरहेको छ । दैनिक उपभोग्य वस्तुदेखि विलासिताका सामा..

ओली सरकारलाई बाइपास गर्दै प्रहरीपछि कर्मचारी पनि प्रदेशले आफैं भर्ना गर्ने
ओली सरकारलाई बाइपास गर्दै प्रहरीपछि कर्मचारी पनि प्रदेशले आफैं भर्ना गर्ने

काठमाडौं  । कम्युनिस्ट प्रधानमन्त्री केपी शर्मा ओली नेतृत्वको सरकारले संघीयता कार्यान्वयनमा ढिलासुस्ती गरिरहेका कारण प्रदेश सरकारहरू संघीय सरकारलाई बाइपास गर्दै अगाडि बढ्न थाल..

यसरी मनाउँदैछन शीर्ष नेताले दशै
यसरी मनाउँदैछन शीर्ष नेताले दशै

काठमाडौं । प्रधानमन्त्री, पूर्वप्रधानमन्त्री तथा विभिन्न राजनीतिक दलका अधिकांश शीर्ष नेताले काठमाडौंमै दसैं मनाउने भएका छन् । दसैं मनाउन राष्ट्रपति विद्यादेवी भण्डारी, प्रधानम..

ओली सरकारको अर्काे कुटनीतिक असफलता, छिमेकी भारतलाई मनाउन नसक्दा यत्रो घाटा
ओली सरकारको अर्काे कुटनीतिक असफलता, छिमेकी भारतलाई मनाउन नसक्दा यत्रो घाटा

काठमाडौं । कम्युनिस्ट प्रधानमन्त्री केपी शर्मा ओली नेतृत्वको सरकार छिमेकसँग कुटनीतिक सम्बन्ध सुमधुर गर्नमा पनि असफल भएको छ । कुटनीतिक असफलताका कारण केही दिनअघि छिमेकी भारतस..