गगनले गरे प्रधानमन्त्रीको भण्डाफोर, पोल खुलेपछि बालुवाटार ९ रेक्टरको भुइँचालो !

नेपाल पाना प्रकाशित: २०७५-२-२९ गते | 26782 पटक हेरिएको
गगनले गरे प्रधानमन्त्रीको भण्डाफोर, पोल खुलेपछि बालुवाटार ९ रेक्टरको भुइँचालो !

काठमाडौं । नेपाली कांग्रेसका युवा नेता गगन थापाले संघीयताका लागि पूर्वराजा नभई प्रधानमन्त्री केपी शर्मा ओली सबैभन्दा ठूलो खतरा भएको खुलासा गरेका छन् । संघीय लोकतान्त्रिक गणतन्त्रलाई जोगाउने ड्युटी कांग्रेसको भएको उनको भनाई छ। 

नेविसंघ काठमाडौंको भेलालाई सम्बोधन गर्दै नेता थापाले प्रधानमन्त्री ओलीलाई संघीयता नै मन नपरेको दाबी गरे । यो व्यवस्थालाई ठूलो खतरा को बाट छ भन्ने प्रश्न गर्दै उनले भने, ‘पूर्वराजाबारे टिप्पणी गर्न आश्वयक ठान्दिनँ । नागरिक भएर बस्नु भएको छ, आफ्नो स्वतन्त्रता प्रयोग गर्नु भएको छ । स्वतन्त्र नागरिकले उपयोग गर्ने अधिकार प्रयोग गर्ने छुट पूर्वराजा ज्ञानेन्द्र शाहलाई पनि छ । विप्लव माओवादीबाट पनि खतरा देखेको छैन। जनताबाट सबैभन्दा बढी मत प्राप्त गरेर दुई तिहाई बहुमतका साथमा जसले सरकार चलाइरहेको छ, व्यवस्थालाई ठूलो खतरा त्यहाँबाट छ।’

उनले प्रधानमन्त्री ओली नै कसरी संघीय व्यवस्थाका लागि खतरा हुने भन्ने उदाहरण सहित प्रष्ट पारे। पार्टीमा ३३ प्रतिशत महिला सहभागिता नभएको भन्दै गुनासो गर्न पुगेका नेताहरुलाई प्रधानमन्त्री ओलीले ‘ट्याउँट्याउँ कराउने होइन’ भनेको सुनाउँदै थापाले भने, ‘यो संविधानको आधारभूत कुरालाई नै प्रधानमन्त्रीले स्वीकार नगरेको प्रमाण हो ।’

उनले संघीयता सबैभन्दा मन नपराउने चित्रबहादुर केसी नभई प्रधानमन्त्री ओली भएको दाबी गरे । उनले भने, नेपालमा सबैभन्दा संघीयता मन नपराउने मानिस दुर्भाग्यवश प्रधानमन्त्री केपी शर्मा ओली हो । चित्रबहादुर केसीले त बाहिर भन्नुभएको छ । प्रधानमन्त्री ओलीलाई त संघीयता भन्ने व्यवस्था नै मन पर्दैन ।’

त्यही कारण प्रदेशको मन्त्री र मुख्यमन्त्रीले नै संघीयता कतैबाट लादिएको भन्न थालेको उनको दाबी छ । कांग्रेसकै कतिपय नेतालाई पनि संघीयता मन नपर्ने भन्दै उनले भने, ‘समावेशीता र संघीयताविरुद्ध बोल्ने अधिकार नागरिकलाई दिएको छ तर, नेपालको प्रधानमन्त्रीलाई यसबारे सोच्ने अधिकार पनि दिएको छैन ।’ प्रधानमन्त्रीलाई नै संघीयता, समावेशीता मन नपरेका कारण खतरामा पर्न सक्ने उनको विश्लेषण छ । कांग्रेस सशक्त रुपमा उभिए प्रधानमन्त्रीले चाहे पनि संघीयता र समावेशीताविरुद्ध केही गर्न नसक्ने उनले विश्वास गरे।

सरकारले संस्थाहरु बलियो बनाउनुपर्छ, कानुनबाट शासन गर्नुपर्छ भन्ने विश्वास नगरेको थापाको आरोप छ । ३० वर्षको स्थिर पञ्चायतले विकास गर्न नसकेको उदारहरण दिँदै उनले संस्थाहरु बलियो नभई विकास सम्भव नहुने बताए । कांग्रेस नेता थापाले राजश्व अनुसन्धानदेखि थुप्रै विभागलाई प्रधानमन्त्रीको मातहतमा लैजानु स्वभाविक भए पनि यसको मक्सद के हो बुझ्नुपर्ने बताए । प्रधानमन्त्री ओलीले ‘अब स्थिरता भयो, संस्था, अड्डा अदालत केही काम लाग्दैन, काम गर्न सक्ने व्यक्ति म मात्र हो भन्ने सोच राखेका छन्, यो कस्तो संकेत हामीले समयमै बुझ्नुपर्छ।’ 


मोदीखोलाको उत्पादन पूर्ण क्षमतामा
मोदीखोलाको उत्पादन पूर्ण क्षमतामा

–लक्ष्मीप्रसाद सापकोटा  पर्वत। लामो समयदेखि बिग्रिएका यन्त्र मर्मतपछि मोदी गाउँपालिकामा सञ्चालित मोदीखोला जलविद्युत् आयोजनाबाट क्षमतानुसारको विद्युत् उत्पादन शुरु..

मन्त्री बन्ने चर्चा चलेपछि योगेश भट्टराईले यसरी गरे सरकार र पार्टीको बचाउ
मन्त्री बन्ने चर्चा चलेपछि योगेश भट्टराईले यसरी गरे सरकार र पार्टीको बचाउ

ताप्लेजुङ । कम्युनिस्ट प्रधानमन्त्री केपी शर्मा ओलीले वर्तमान सरकारका केही मन्त्रीलाई हटाएर युवा नेता योगेश भट्टराईलाई मन्त्री बनाउने चर्चा चलेसँग नेता भट्टराई सरकार र पार्टीक..

राजाको शासनलाई झूटो, स्वार्थी र अहंकारी भन्दै ओली कुदे श्रीपेचको पछाडि
राजाको शासनलाई झूटो, स्वार्थी र अहंकारी भन्दै ओली कुदे श्रीपेचको पछाडि

काठमाडौं । कम्युनिस्ट प्रधानमन्त्री केपी शर्मा ओलीले राजाको शासनलाई झूटो, स्वार्थी र अहंकारी भएको आरोप लगाएका छन् । राजतन्त्रका प्रतिक चिह्न श्रीपेच लगायतलाई संग्रहालयमा सा..

रामबहादुर थापा र मातृका यादवको मन्त्री पद धरापमा, तिहार लगत्तै माधव नेपाल पक्षबाट दुई जना थप्ने ओलीको तयारी
रामबहादुर थापा र मातृका यादवको मन्त्री पद धरापमा, तिहार लगत्तै माधव नेपाल पक्षबाट दुई जना थप्ने ओलीको तयारी

काठमाडौं । केपी शर्मा ओली नेतृत्वको सरकारले दुई जना मन्त्री थप्ने तयारी थालेको छ । विभिन्न कारणबाट असन्तुष्ट रहेका माधवकुमार नेपाललाई सन्तुष्ट बनाउने उद्येश्यले ओलीले नेता..