प्रधानमन्त्रीमाथि योगेश भट्टराईको यति ठूलो अविश्वास, संसदमै उठाए कुरा

नेपाल पाना प्रकाशित: २०७५-२-३० गते | 7927 पटक हेरिएको
प्रधानमन्त्रीमाथि योगेश भट्टराईको यति ठूलो अविश्वास, संसदमै उठाए कुरा

काठमाडौं । चुनावका बेला ताप्लेङ पुगेर योगेशलाई जिताएर पठाउनुस् म मन्त्रीको भिल्ला भिराएर पठाउँछु भनेका थिए तत्कालिन नेकपा एमालेका अध्यक्ष केपी शर्मा ओलीले । नभन्दै तत्कालिन एमालेका सचिव योगेश भट्टराई जितेर आए। तर ओलीले केन्द्रमा बहुमतको शक्तिशाली सरकार बनाएपनि योगेशलाई मन्त्री बनाएनन्। यहीदेखि योगेश ओलीसँग रुष्ट मात्र होइन विश्वास गर्न छाडेका छन्। यो सिलसिलामा अहिले पनि जारी छ।

बुधबार संसद बैठकमा बोल्दै योगेशले प्रधानमन्त्री एवं एकीकृत पार्टी नेकपाका अध्यक्ष ओलीमाथि अविश्वास भएझैं प्रश्न उठाए। यो कुरा उनले पार्टी बैठक वा व्यक्तिगत रुपमा भेटेर गर्नसक्थे। तर त्यसरी सुनुवाई नहुने भएपनि अविश्वासको संकेतसहित उनी संसदमै बोले। प्रसंग हो। ओलीको आसन्न चीन भ्रमणको। उनले भ्रमणको  समयमा नेपालको व्यापार घाटामा सन्तुलन कायम गर्न नेपाली अलैंची महत्वपूर्ण माध्यम हुने भएकाले त्यसको निकासीबारे छलफल गर्न संसदबाट सुझाव दिए। वुधबार संसद बैठकमा बोल्दै उनले भने ‘नेपालको वैदेशिक घाटा धेरै छ, त्यसलाई कम गर्न मुलुकको ४७ जिल्लामा एक लाखभन्दा बढी कृषकको संलग्नतामा अहिले १० अर्ब रुपैयाँभन्दा बढी मूल्यको अलैँची उत्पादन भइरहेको छ, चीनमा पनि नेपाली अलैचीको बजार बनाउन सकियो भने व्यापार घटालाई सन्तुलन गर्न योगदान पुग्नेछ।’

ताप्लेजुङलाई अलैँचीको सुपर जोन घोषणा गर्न माग गर्दै भट्टराईले नेपाली अलैँचीको सबैभन्दा ठूलो बजार भारत भए पनि विगतको तुलनामा भारतमा अलैँची निकासी कम भई किसानले लागत मूल्यसम्म पाउन नसकेको तर्फ ध्यानाकर्षण गराए। उनले भने, “बगंलादेशसँग कुराकानी गरेर अलैँचीको निकासीको व्यवस्था मिलाउन सरकारसँग आग्रह गर्दछु। अहिले भुटान हुँदै बंगलादेश पुग्ने गरेको अलैँचीमा ठूलो भन्सार मूल्य लगाइएकाले सीधै बंगलादेशसँग कुराकानी गरेर त्यहाँ पठाउन सकिएमा नेपाली अलैँचीको ठूलो बजार बंगलादेश हुन सक्छ।


बडादशैं हर्षाेल्लासपूर्वक मनाइँदै, दशमीको टीका साइत ०९ बजेर ५१ मिनेटमा
बडादशैं हर्षाेल्लासपूर्वक मनाइँदै, दशमीको टीका साइत ०९ बजेर ५१ मिनेटमा

काठमाडौं । आज आश्विन शुक्ल दशमी अर्थात् नेपालीहरूको महान् चाड विजयादशमी देशभर हर्षोल्लासपूर्वक मनाइँदैछ ।  दशैंघरमा प्रतिपदाको दिनदेखि गरिएको पूजाआराधना विधिपूर्वक आज..

दशैंका बेला कम्युनिस्ट प्रधानमन्त्री ओलीले निकाले जनता ढाँट्ने नयाँ उपाय !
दशैंका बेला कम्युनिस्ट प्रधानमन्त्री ओलीले निकाले जनता ढाँट्ने नयाँ उपाय !

भद्रपुर – चुनावका बेला बृद्धभत्ता ५ बजार पुर्याउने भनेर बजेट ल्याउँदा जनतालाई झुक्याएका कम्युनिस्ट प्रधानमन्त्री केपी शर्मा ओलीले गृहजिल्ला झापा पुगेर फेरि जनतालाई ढाँट्..

दशैंमा गन्हाउँदैछ काठमाडौं, कम्युनिस्ट मेयर निकम्मा सावित
दशैंमा गन्हाउँदैछ काठमाडौं, कम्युनिस्ट मेयर निकम्मा सावित

काठमाडौं । काठमाडौं महानगरपालिकामा निर्वाचित मेयर विद्यासुन्दर शाक्यले चुनावका बेला मोनोरेलदेखि स्मार्ट सिटीसम्मका गफ दिएका थिए । तर, मेयरको शासन निकम्मा हुँदा महानगरपालिका दश..

भारतले बनाएको रेलमार्ग हेरेपछि भारतको गुणगानमा उत्रिए कम्युनिस्ट मन्त्री
भारतले बनाएको रेलमार्ग हेरेपछि भारतको गुणगानमा उत्रिए कम्युनिस्ट मन्त्री

धनुषा । नक्कली राष्ट्रवाद देखाउन भारतको आलोचना गर्दै चुनाव जितेका कम्युनिस्ट नेताहरू अहिले भारतकै सहयोगमा नेपालमा विकास भएपछि भारतको गुणगान गाउन थालेका छन् । भौतिक पूर्वाधा..