पुराना काँग्रेसी नेता भन्छन, ‘गुटमा नलाग्नेको अस्तित्व खै ?’

भीष्मराज ओझा (रासस) प्रकाशित: २०७५-३-२५ गते | 2010 पटक हेरिएको
पुराना काँग्रेसी नेता भन्छन, ‘गुटमा नलाग्नेको अस्तित्व खै ?’

काठमाडौँ ।  पार्टीका पुराना तथा अग्रज नेता एवं पदाधिकारीसँगको भेटघाट तथा अन्तक्र्रियामा नेपाली काँग्रेसको ६३ वर्ष राजनीति गरेका नेता ओमकार श्रेष्ठले प्रश्न गर्नुभयो, “गुट नभएका हामी जस्ताको अस्तित्व खै ?” 

पार्टी सभापति शेरबहादुर देउवा, वरिष्ठ नेता रामचन्द्र पौडेल, नेता विजयकुमार गच्छदार, उपसभापति विमलेन्द्र निधि, महामन्त्री डा शशांक कोइराला, सहमहामन्त्री डा प्रकाशशरण महत, कोषाध्यक्ष सीतादेवी यादवलगायत पदाधिकारी तथा केन्द्रीय सदस्य उपस्थित कार्यक्रममा नेता श्रेष्ठले आफूले पार्टी सभापति देउवालाई भेट्न दर्जनौँ पटक प्रयास गरेपनि भेट नपाएको गुनासो गर्नुभयो । 

अर्का पुराना नेता उत्तमनारायण श्रेष्ठले जीवनभर आफू र आफ्नो परिवारले काँग्रेसलाई नै भोट हालेको तर यस पटकको निर्वाचनमा पार्टीको निर्देशनमा पूर्वपञ्चलाई भोट हाल्नुपरेको दुःखेसो गर्नुभयो । उहाँले २०१४ सालमा आफूले काँग्रेसको सदस्यता लिएको बताउँदै अहिले सक्रिय सदस्यता लिन नेताहरुको चाकडी गर्नुपर्ने विडम्बनापूर्ण अवस्था रहेको भन्दै दुःख व्यक्त गर्नुभयो । 

उहाँहरुले निर्वाचनमा पार्टीको लोकप्रिय मत कम नभएकाले काँग्रेसलाई अझै जनताको साथ रहेको भन्दै निर्वाचनमा व्यक्तिमात्र पराजय भएकाले यसमा सुधारको आवश्यकता रहेकोमा जोड दिनुभएको थियो । साथै, लोकतन्त्रको रक्षाका लागि काँग्रेसले सशक्त प्रतिपक्षको भूमिका निर्वाह गर्नुपर्ने उहाँहरुको सुझाव थियो । 

पूर्वमहामन्त्री एवं पूर्वसभामुख तारानाथ रानाभाटले हालै सम्पन्न निर्वाचनमा काँग्रेस पार्टीका रुपमा नभई गुट उपगुटको मोर्चाका रुपमा प्रस्तुत भएको आरोप लगाउँदै बामगठबन्धनको असर र प्रभावका बारेमा नबुझी प्रतिक्रियास्वरुप काँग्रेसले राष्ट्रिय प्रजातन्त्र पार्टीसँग गठबन्धन गर्नु गलत थियो भनी टिप्पणी गर्नुभयो । 

पार्टीका पूर्वसहमहामन्त्री गोविन्दराज जोशीले पार्टीमा अति गुटबाद बढेको बताउँदै नेतृत्वमा ‘काँग्रेस भनेको म हुँ, मलाई सहयोग गर्ने मात्र काँग्रेस हुन्छ’ भन्ने गलत दम्भ हाबी भएको आरोप लगाउनुभयो । 

पूर्वकेन्द्रीय सदस्य विनयध्यज चन्दले निर्वाचनमा डन, पैसावाल र नेताका परिवारले मात्र टिकट पाएको टिप्पणी गर्दै विपीको नाम भजाउनुभन्दा विपीको विचारलाई आत्मसात् गर्न नेतृत्वलाई सुझाव दिनुभयो । 

पूर्वमन्त्री चिरिन्जीवी वाग्लेले काँग्रेसमा आमूल सुधार नभएसम्म यही अवस्था रहिरहने बताउँदै अब जनतालाई प्रत्यक्ष छुने नीति र कार्यक्रमका साथ पार्टी अघि बढ्नुपर्ने सुझाव दिनुभयो । 

पार्टीका पुराना नेता तीर्थराम डंगोलले कुनै नेताले दबाबमा आफूलाई निर्वाचनमा टिकट नदिएको गुनासो गर्दै बंशानुगत राजनीति अन्त्य गर्न मुलुकमा गणतन्त्र ल्याएको भएपनि पार्टीमा बंशानुगत राजनीति दोहोरिएको आरोप लगाउनुभयो । 

अर्का नेता दामोदर गौतमले विगतदेखि नै काँग्रेसले कम्युनिष्टसँग गरेको सहकार्य गलत भएको टिप्पणी गर्दै संस्थापक नेता विपीले अपनाएको बाटो पार्टीले आत्मसात् गर्नुपर्ने सुझाव दिनुभयो । 

पार्टीका पुराना नेता एवं नेपाल विद्यार्थी संघका संस्थापक अध्यक्ष विपिन कोइरालाले कसैको व्यक्तिगत पदका लागि पार्टीलाई जुवामा खेल्ने अधिकार कसैलाई नभएको भन्दै पार्टीलाई बनाउन नेतृत्वमा त्यागको आवश्यकता रहेकोमा जोड दिनुभयो । 

नेता रामबहादुर गुरुङले पार्टी बलियो भयो भने मात्र नेता बलियो हुने बताउँदै पार्टीको आमूल सुधारका लागि गुटउपगुटमा नलागेका नेता कार्यकर्ताको सुरक्षा हुनुपर्ने माग गर्नुभयो । 

नेता श्यामलाल श्रेष्ठले वर्तमान नेतृत्वले बाटो विराएकाले पार्टीको अहिलको अवस्थामा आइपुगेको आरोप लगाउँदै निर्वाचनमा गाई (राप्रपा) र हसिया हथौँडा (नेकपा, माओवादी केन्द्र) मा भोट हाल्नुपर्दा काँग्रेसका इमान्दार कार्यकर्ताको आात्मसम्मानमा चोट पुगेको बताउनुभयो । 

पूर्वसांसद हिरादत्त भट्टले पार्टीमा ६०÷४० को भागबण्डा शुरु भएदेखि नै पार्टी ‘कम्पनी’का रुपमा परिणत भएको टिप्पणी गर्दै गुट चिर्नका लागि नयाँ गुट जन्मिएको आरोप लगाउनुभयो । पार्टी बलियो भयो भने मात्र नेता बलियो हुने नेता भट्टको भनाइ थियो । 

नेता तिलकप्रसाद न्यौपानेले सरकारका कदमले लोकतन्त्रमाथि संकट आउनसक्ने इंगित गर्दै नेतृत्वलाई मिलेर अघि बढ्न सुझाव दिनुभयो । 

नेताहरुले आफ्नै घरमा कार्यकर्तालाई भेट्दा गुट हाबी हुने भन्दै उहाँहरुले पार्टी कार्यालयमा नियमित उपस्थित भई भेटघाट गर्न नेतृत्वलाई सुुझाव दिनुभएको थियो । 

कार्यक्रममा पार्टी सभापति देउवा, वरिष्ठ नेता पौडेललगायतले अन्तक्र्रियाबाट प्राप्त सुझाव कार्यान्वयन गर्न पहल गर्ने प्रतिबद्धता व्यक्त गर्नुभएको थियो । कार्यक्रमको व्यस्थापन पार्टीका नेता डा नारायण खड्काले गर्नुभएको थियो । 


सरकारको असफलतामाथि टोपबहादुर रायमाझीको घुमाउरो व्यङग्य, दिए यस्तो दनक !
सरकारको असफलतामाथि टोपबहादुर रायमाझीको घुमाउरो व्यङग्य, दिए यस्तो दनक !

काठमाडाैं । सत्तारुढ दल नेपाल कम्युनिष्ट पार्टी (नेकपा)का स्थायी सदस्य टोपबहादुर रायमाझीले प्रधानमन्त्री केपी शर्मा आेली नेतृत्वको सरकार रकेट जस्तै स्पिडमा जाने भन्दै 'पिक..

'नेटवर्क आर्क ब्रिज' निर्माणमा मोटो रकम झ्वाम पार्दै पप्पुको चरम ढिलासुस्ती !
'नेटवर्क आर्क ब्रिज' निर्माणमा मोटो रकम झ्वाम पार्दै पप्पुको चरम ढिलासुस्ती !

काठमाडाैं । नेपाल मै पहिलो पटक बन्न लागेको 'नेटवर्क आर्क ब्रिज'को निर्माणमा समेत पप्पु कन्ट्रक्सनले ढिलासुस्ति गर्दै आएको पाइएको छ ।  ठेक्काको मिति सकिए पनि ति..

पोखरामा छठ पर्वको तयारी शुरु
पोखरामा छठ पर्वको तयारी शुरु

पोखरा । यमपञ्चक पर्व सम्पन्न हुनासाथ पोखरामा छठ पर्व मनाउनेहरु उत्साहका साथ तयारीमा जुटेका छन् ।  पोखरी, तलाउ, नदी, खोला वा जलाशय भएको क्षेत्रमा यो पर्व मनाइने गरिएकाल..

आइतबार सार्बजनिक बिदा
आइतबार सार्बजनिक बिदा

बनियानी । झापाको दमक नगरपालिकाले आइतबार फाल्गुनन्द जयन्तीको अवसरमा सार्वजनिक बिदा दिने भएको छ ।  नगरपालिकाको नगरसभाबाटै फाल्गुनन्द जयन्तीका दिन सार्वजनिक बिदा दिने निर..