सांसदकै छोरा पप्पु कन्स्ट्रक्सनको मालिक, आर्थिक चलखेल गरी ठेक्का पार्ने योजनाको पर्दाफास

नेपाल पाना प्रकाशित: २०७५-३-३२ गते | 161347 पटक हेरिएको
सांसदकै छोरा पप्पु कन्स्ट्रक्सनको मालिक, आर्थिक चलखेल गरी ठेक्का पार्ने योजनाको पर्दाफास

काठमाडौँ । २०४० सालमा स्थपना भएको पप्पु कन्ट्रक्सनले आर्थिक चलखेल गरी अहिले देशभरिको नै ठेक्का हात पार्ने गरेका छन् ।

देशभरिको ठेक्का हात परेर समयमा काम नगर्नु र जुन काम गरे त्यो कमसल खालको बस्तु प्रयोग गरेर गर्दै आएको छ, जुन कुरा हालै महालेखा नियन्त्रक कार्यालयले सार्वजानिक गरेको प्रतिवेदनले पुष्टि गरेको छ।

पप्पु कन्ट्रक्सनले १० वर्ष वित्दा पनि लिएको ठेक्को निर्माण काम सम्पन्न गर्न सकेको छैन् । तर नियमन गर्ने सम्बन्धित निकायले केही कारवाही गर्ने आँट गरेको छैन् ।

स्रोतका अनुसार पप्पु कन्ट्रक्सन संस्थापक बाबु (सांसद) हरि नारायण रौनियार पप्पु कन्ट्रक्सनकै संचालक सुमित रौनियार छोरा मिलेर आर्थिक चलखेल गरी देशभरि नै आफ्नो सिक्का जमाइरहेका छन् । पप्पु  पश्चिमसम्मको लागि पर्ने टेण्डर पप्पु कन्ट्रक्सनले भर्न छुटाउँदैन् । किनभने आर्थिक चलखेलमा जसरी पनि ठेक्का हात परी नै हाल्छन् । पप्पु कन्ट्रक्सनको लापरवाहीहरुको पर्दाफाश हुन र आलोचना हुन थालेपछि संसद रौनियारले आफ्नो संग्लनता नरहेको भन्दै पत्रकार सम्मेलन गरेर झुठो प्रचार गरेका थिए । जबकि सुमित रौनियार संसद रौनियारकै छोरा हुन् ।

केहि समय अघि गृहमन्त्री रामबहादुर थापा बादल ‘कामचोर’ ठेकेदारहरुलार्इ कारवाही गर्ने भाषण गर्दै आएका थिए। जसका लागि जिल्ला-जिल्लाबाट सूची मगाएका उनी आजभोलि जहाँ पुग्छन्, ‘कामचोर’ ठेकेदारहरुलाई जेल हाल्ने चेतावनी दिन छाड्दैनन् तर यो चेतावनी आवाजमा मात्र सिमित छ ।

स्रोतका अनुसार प्रधानमन्त्री केपी ओलीको निर्देशनमा गृहमन्त्री थापाले यो अभियानलार्इ सेलाउँदै लगेका छन् । १० अर्ब भन्दा बढीको ठेक्का हत्याएर बसेको पप्पु कन्स्ट्रक्सनका संस्थापक रौनियार हाल उपेन्द्र यादव नेतृत्वको संघिय समाजवादी फोरम नेपालका तर्फ बाट पर्सा क्षेत्र नं ३ का प्रतिनिधि सभा सदस्य छन् ।  पार्टीलाई सहयोगको नाममा मोटो रकम दिएर टिकट लिएका थिए रौनियारले । 

कुनै पनि काम समयमा नगरेका र काममा सन्तोषजनक प्रगति समेत देखाउन नसकेका बरु कामको गुणस्तरीयतामाथि पटकरपटक प्रश्न उठेको छ ।

सडक बिभागका कर्मचारीहरुलाई डर र धम्की देखाउने रौनियारको पुप्पु कन्स्ट्रक्सनले ‘लोएष्ट बिडर’ बनेर सडक तथा पुलको ठेक्काहरु हात पार्छ र कहिल्यै तोकिएको समयमा काम सम्पन्न गर्दैन ।

‘पप्पुलाई बेलैमा काम भएन भनेर कारवाही गर्ने चेतावनी दिनै हुन्न, अदालत पुगेर स्टेअर्डर ल्याइहाल्छ,’ एक अधिकारीले भने, ‘पावरवाला सांसदको कम्पनी भन्ने भएपछि त झन् डिभिजनका हाकिमहरु पप्पुविरुद्ध बोल्दै बोल्दैनन् ।’

सडक विभागको तथ्यांकअनुसार सडकका अधिकांश पुलको ठेक्का पप्पु कन्स्ट्रक्सनले हात पारेको छ । सार्वजनिक खरिद ऐनमा भएको व्यवस्थालाई टेकेर उनी सबैभन्दा कम बोलकबोलसहित टेण्डर हाल्छन् । सडकका हाकिमहरु पनि उनको क्षमतामाथि प्रश्न उठाएर क्रस गर्ने आँट गर्दैनन् र पप्पुले ठेक्का पाउँछ । तर, जब ठेक्का पाएर १० प्रतिशत मोबिलाइजेशन खल्तीमा पर्छ, पप्पुले काम गर्न छाड्छ ।


पप्पु कन्ट्रक्सनको खराब रेकर्ड

सडक विभागका अधिकारीहरुका अनुसार पप्पु कन्स्ट्रक्सनले बनाउनु पर्ने सबै पुलको लम्बाइ जोड्ने हो भने सात किलोमिटर नाघ्छ । काठमाडौंको तीनकुनेको पुल होस् वा टेकु र कालिमाटीलाई जोड्ने पुल होस्, पप्पुले नै ठेक्का पाएको छ ।

पप्पु कन्स्ट्रक्सनले पर्सामा नौरन्जीया, तिलाव, बेदाहा र  हेरियाडी नदीमा पुल बनाउँदैछ । यसमध्ये नौरन्जीया र तिलाव ०७० सालमै सक्नुपर्ने थियो भने बेदाहा र हेरियाडीको निर्माण ०७३ मै । तर, अझै काम सकिएको छैन ।

रौतहटमा निर्माण हुँदै गरेको चाँदी नदी पुलको म्याद असारमा सकिँदैछ । तर, भौतिक प्रगतिले भने पुल बन्न अझै लामो समय लाग्ने देखिएको छ । रौतहटकै लमाहखोला र तरहरा झाँद्ध नदीपुल पनि म्याद गुज्रि सकेको छ ।

कञ्चनपुरको दाईजीखोला पुलमा पनि पप्पुले यस्तै लापर्वाही दोहोर्याकएको छ । यो पुल ०७४ को पुसमै निर्माण सक्ने गरी सम्झौता भएको थियो ।

पप्पु कन्स्ट्रक्सनले बाँके, सिराहा, धनुषा, सुर्खेत, सप्तरीलगायतका जिल्लामा पनि पुलका ठेक्का लिएर अलपत्र पारेको विभागका अधिकारीहरु बताउँछन् ।

हुलाकी मार्गमा पर्ने झापाको कन्काई पुलको निर्माणमा पनि पप्पुको लापरवाही कायमै छ । २०७२ जेठ मसान्तसम्ममा निर्माण सक्नुपर्ने पुल अझै बनिसकेको छैन । त्यस्तै सिन्धुली–सिन्धुलीको कमला नदीमा पक्की पुल निर्माण कार्य अलपत्र परेको छ ।

सिन्धुलीको दुधौली नगरपालीका वडा नम्बर ३ मा विगत करिब ८ वर्ष अघिदेखि निर्माण कार्य सुरु भएको कमला नदीको पक्की पुलको निर्माण कार्य अलपत्र परेको हो ।

बि.सं. २०६७ मा  पप्पु कन्ट्रक्सनले निर्माणको जिम्मा लिएको सो पक्की पुल बि।सं २०७३ सालमा सम्पन्न गर्ने पप्पु कन्ट्रक्सन र नेपाल सरकारबीच सहमती भएको थियो । तर  निर्माण समय अवधीी सकिदा समेत पुलको निर्माण कार्य सम्पन्न भएको छैन ।

पुलसँगै सडकको अवस्था पनि त्यस्तै छ । कम्पनीले पर्साको सिर्सिया सुख्खा बन्दरगाह९परवानीपुर सडकसहित दुई वटा खण्ड निर्माणको ठेक्का पनि लिएको छ । हुलाकी राजमार्गको एउटा खण्डमा डेढ अर्बको ठेक्का पनि पप्पुकै जिम्मामा छ ।

समयमा काम नसक्ने तथा गुणस्तरीयता कायम गर्न नसक्ने ठेकेदार कम्पनीका रुपमा आलोचित बन्दै आएको छ पप्पु कन्स्ट्रक्सन। सडक विभागका अधिकारीहरु नै उक्त कम्पनीको कामप्रति असन्तुष्ट छन्। तर कालोसुचीमा राख्ने र कारबाही गर्ने आँट कसैले गर्न सकेको छैन ।

पप्पु कन्स्ट्रक्सनसँग अहिले १० अर्ब बढीको ठेक्का छ । तर, कुनै पनि काम न समयमा भएको छ, न प्रगति सन्तोषजनक छ । बरु कामको गुणस्तरीयतामाथि पटक-पटक प्रश्न उठेको छ ।


बुद्ध नेपालमा जन्मेका हुन, मेरो चरित्र हत्या गर्न गलत कुरा गरिदैछः अभिषेकप्रताप साह
बुद्ध नेपालमा जन्मेका हुन, मेरो चरित्र हत्या गर्न गलत कुरा गरिदैछः अभिषेकप्रताप साह

काठमाडाैं । नेपालमा जन्मिएका गाैतम बुद्धलाई भारतमा जन्मिएको भन्ने कार्यक्रममा सांसद गयो भन्दै नेपालका केहि मानिसहरु भारतको गुलामी गर्न खोजेको भन्दै कपिलवस्तु क्षेत्र..

डा. सिके राउत भन्छन्ः इयुको बलियो समर्थन छ म देश टुक्र्याएरै छाड्छु !
डा. सिके राउत भन्छन्ः इयुको बलियो समर्थन छ म देश टुक्र्याएरै छाड्छु !

काठमाडाैं । विखण्डनकारी सिके राउतले देश टुक्र्याएरै छाड्ने चेतावनी दिएका छन् ।  मधेस नेपाल होइन र हुने छैन भन्दै हिडेका राउतले आफूलाई युरोपिएन यूनियनको बलियो साथ रहेका..

मधेसमा मदरसा बोर्ड गठनले प्रदेश २ मुख्यमन्त्री राउतको दुर्दशा सुरु, मधेसी र मुस्लिममाथि उपेन्द्रको यस्तो जालसाजी !
मधेसमा मदरसा बोर्ड गठनले प्रदेश २ मुख्यमन्त्री राउतको दुर्दशा सुरु, मधेसी र मुस्लिममाथि उपेन्द्रको यस्तो जालसाजी !

काठमाडाैं । तराई मधेसमा मुस्लिम र मधेसी समुदायमा एकलाैटी राज गर्ने भित्री गेमप्लान रचेका उपप्रधान तथा स्वास्थ्यमन्त्री उपेन्द्र यादवले 'मदरसा बोर्ड' गठन गर्न प्रद..

उपेन्द्र यादवको यस्तो धम्कीपछि सचिवालय बैठक रोकेरै अख्तियार प्रमुखलाई भेटे प्रम आेलीले, दिए यस्तो निर्देशन !
उपेन्द्र यादवको यस्तो धम्कीपछि सचिवालय बैठक रोकेरै अख्तियार प्रमुखलाई भेटे प्रम आेलीले, दिए यस्तो निर्देशन !

काठमाडाैं । नेपाल कम्युनिष्ट पार्टी (नेकपा)को बालुवाटारमा जारी सचिवालय बैठक केहि समयकालागि स्थगित गरिएको छ । प्रधानमन्त्री केपी शर्मा ओली र अख्तियार दुरूपयोग अनुसन्धान आय..