प्रकाशमान अब देउवालाई नमान्ने: कोइराला परिवारलाई पनि आउट गर्दै बनाए आफ्नै गुट(को-को छन् गुटमा)

युनाइटेड पोष्ट प्रकाशित: २०७४-९-२७ गते | 11133 पटक हेरिएको
प्रकाशमान अब देउवालाई नमान्ने: कोइराला परिवारलाई पनि आउट गर्दै बनाए आफ्नै गुट(को-को छन् गुटमा)

काठमाडौं । गुटको राजनीतिबाट माथि उठेर कम्युनिष्टहरूको मुकाबिला गर्नुपर्ने बेला नेपाली कांग्रेसभित्र विभिन्न थरिका गुटउपगुटहरू सल्बलाइ रहेका छन् । निर्वाचनमा पराजित भएको चन्द्र भण्डारीसहितको गुट केही मत्थर भएका बेला अर्को गुटले फेरि टाउको उठाएको छ ।

नवीन्द्रराज जोशी, प्रकाशमान सिंहसहितको अर्को गुटले नेपाली कांग्रेसमा सुद्धीकरण भनेर भेला गर्न थालेको छ । सिंहको निर्देशनमा सोमबार र मंगलबार दुई दिन काठमाडौंमा गोप्य भेला भएका छन् । सिंहको योजनामा भएको भेलामा वरिष्ठ नेता रामचन्द्र पौडेल, महामन्त्री डा.शशांक कोइराला, डा.रामशरण महतसहितका नेताहरू उपस्थित रहेका थिए । जोशीसहितका नेताहरूको यो गुटले सभापतिबाट शेरबहादुर देउवालाई हटाएर सिंहलाई अगाडि बढाउने योजना बनाएको स्रोतको भनाई छ । भेलामा देउवालाई हटाउने प्रस्ताव नआए पनि देउवाले बनाएको संसदीय समिति र केन्द्रीय कार्यसम्पादन समितिबाट राजीनामा दिएर असहयोग गर्ने सम्मको योजना बनेको छ ।

केन्द्रीय कार्यसमितिको बैैठक बोलाउन लगाएर देउवालाई महासमिति बैठक तथा विशेष महाधिवेशनसम्मका लागि दवाव दिने योजनामा सिंह समूह लागेको छ । सिंहले अबको संसदमा आफू संसदीय दलको नेता बन्ने गरेर अर्को गुट जन्माएको आरोप पनि लागेको छ । यो गुटमा जोशी, दीपक गिरी, धनराज गुरुङ, सुरेन्द्र पाण्डे, बद्री पाण्डे, प्रदीप पौडेल, सरिता प्रसाइँसहितका नेताहरू सक्रिय भएर लागेका छन् । सिंहको समूहले भण्डारीलाई भने मिसाएको छैन ।

कोइराला परिवार निकट रहेका भण्डारीले गुट परिवर्तन गरेर देउवा गुटमा प्रवेश गरेकाले विश्वास नगरि सिंहको गुटले ‘नो इन्ट्री’ गरेको हो ।

गुल्मीबाट नराम्रोसँग पराजित भएका भण्डारीले सभापति देउवाका कारण हार्नुपरेको भनेर हिँडेका छन् । भण्डारीलाई गगन थापा, विश्वप्रकाश शर्मासहितका केही नेताहरूलाई साथ दिएका छन् ।

एमाले–माओवादी केन्द्रले कांग्रेसविरुद्ध विभिन्न लाञ्छना लगाएर कमजोर बनाउने प्रयास गरिरहेका बेला एक भएर त्यसको मुकाविला गर्नुपर्ने बेला सिंहले समेत अर्को गुट निर्माण गरेकोमा धेरैले रहस्यका साथ हेरेका छन् । यो समूहमाथि कांग्रेसको हितभन्दा पनि आफ्नो हित कसरी हुन्छ भनेर सक्रिय भएको आरोप लागेको छ ।


कम्युनिस्ट शासनमा सुनको मूल्य पनि आकाशियो, ६ वर्ष यताकै उच्च
कम्युनिस्ट शासनमा सुनको मूल्य पनि आकाशियो, ६ वर्ष यताकै उच्च

काठमाडौं । प्रधानमन्त्री केपी शर्मा ओली नेतृत्वको कम्युनिस्ट सरकार मूल्यबृद्धि नियन्त्रणमा असफल भएपछि बजारमूल्य आकाशिँदै भइरहेको छ । दैनिक उपभोग्य वस्तुदेखि विलासिताका सामा..

ओली सरकारलाई बाइपास गर्दै प्रहरीपछि कर्मचारी पनि प्रदेशले आफैं भर्ना गर्ने
ओली सरकारलाई बाइपास गर्दै प्रहरीपछि कर्मचारी पनि प्रदेशले आफैं भर्ना गर्ने

काठमाडौं  । कम्युनिस्ट प्रधानमन्त्री केपी शर्मा ओली नेतृत्वको सरकारले संघीयता कार्यान्वयनमा ढिलासुस्ती गरिरहेका कारण प्रदेश सरकारहरू संघीय सरकारलाई बाइपास गर्दै अगाडि बढ्न थाल..

यसरी मनाउँदैछन शीर्ष नेताले दशै
यसरी मनाउँदैछन शीर्ष नेताले दशै

काठमाडौं । प्रधानमन्त्री, पूर्वप्रधानमन्त्री तथा विभिन्न राजनीतिक दलका अधिकांश शीर्ष नेताले काठमाडौंमै दसैं मनाउने भएका छन् । दसैं मनाउन राष्ट्रपति विद्यादेवी भण्डारी, प्रधानम..

ओली सरकारको अर्काे कुटनीतिक असफलता, छिमेकी भारतलाई मनाउन नसक्दा यत्रो घाटा
ओली सरकारको अर्काे कुटनीतिक असफलता, छिमेकी भारतलाई मनाउन नसक्दा यत्रो घाटा

काठमाडौं । कम्युनिस्ट प्रधानमन्त्री केपी शर्मा ओली नेतृत्वको सरकार छिमेकसँग कुटनीतिक सम्बन्ध सुमधुर गर्नमा पनि असफल भएको छ । कुटनीतिक असफलताका कारण केही दिनअघि छिमेकी भारतस..