शक्ति केन्द्रहरु पार्टी एकता भाँड्न सक्रिय छन्, तर हामी सबै एकता गरेरै छाड्छौँ : गोकर्ण विष्ट

प्रकाशित: २०७४-९-१५ गते | 187 पटक हेरिएको
शक्ति केन्द्रहरु पार्टी एकता भाँड्न सक्रिय छन्,  तर हामी सबै एकता गरेरै छाड्छौँ : गोकर्ण विष्ट

राष्ट्रपतिले राष्ट्रियसभा चुनावसम्बन्धी अध्यादेश जारी गरेकी छिन् । एमालेले अब प्रतिनिधिसभातर्फको समानुपातिक नतिजा सार्वजनिक भएलगत्तै नयाँ सरकार गठन प्रक्रिया अगाडि बढ्ने दाबी गरेको छ । अर्कोतिर कांग्रेसले भने राष्ट्रियसभाको चुनाव नभै नयाँ सरकार बनाउन मिल्दैन भनेको छ । यसअर्थमा राष्ट्रिय राजनीतिमा विवाद कायमै छ । एमाले र माओवादीबिचको पार्टी एकता प्रक्रिया लम्बिदा पनि सरकार गठन प्रभावित हुने देखिएको छ । यिनै विषयमा केन्द्रित रहेका पत्रकार ऋषि धमलाले एमालेका सचिव गोकर्ण विष्टसँग कुरा गरेका छन् । नेपाली रेडियो नेटवर्कको कार्यक्रम नेपाली बहसका लागि गरिएको कराकानीको सम्पादित अंश यहाँ प्रस्तुत गरिएको छ ।

 

सरकार निर्माणको प्रक्रिया कसरी सुरु हुन्छ?
निर्वाचन आयोगले समानुपातिक निर्वाचनको परिणाम छिटै गर्नु आवश्यक छ । परिणाम प्राप्त हुनासाथ नयाँ सरकार निर्माणको प्रक्रिया अगाडि बढ्छ ।

राष्ट्रियसभाको चुनाव पहिला हुन्छ कि सरकार निर्माण पहिला हुन्छ ?
कानुनी हिसाबले नयाँ सरकार निर्माणका लागि राष्ट्रियसभाको चुनाव गर्नु आवश्यक हुँदैन । निर्वाचन आयोगले परिणाम दिन ढिला गरेकाले मात्रै सरकार निर्माण प्रक्रिया अगाडि बढ्न नसकेको हो ।

राष्ट्रपतिले अध्यादेश जारी गरेपछि पनि नयाँ सरकार निर्माणमा विवाद देखिएको छ नि ?
प्रतिनिधिसभाको नतिजा घोषणा गर्नका लागि कुनै पनि कारणले रोक्दैन । तर सार्वजनिक गरिएको छैन । त्यसैले अब समानुपातिकतर्फको नतिजा आएपछि सरकार निर्माण हुन्छ ।

नेपाली कांग्रेसले त राष्ट्रियसभाको चुनाव नभएसम्म सरकार निर्माण गर्न मिल्दैन भनेको छ नि ?
जनताले निर्वाचनमा पराजित गरिसकेपछि फेरी पनि सत्ता लम्बाउनका लागि चौतर्फी प्रयास गरिएको छ । यो लोकतन्त्रको उपहास हो । कांग्रेसले लोकतन्त्रको खिल्ली उँडाइरहेको छ । एक महिना सत्ताको आयु लम्ब्याउनु सक्नुहोला । तर यो लोकतान्त्रिक आन्दोलनको भविष्यका लागि खतरा हो ।

माओवादी र एमालेबिचमा पनि एकमत छैन नि । माओवादीले पनि राष्ट्रियसभाको चुनाव र सरकार निर्माण सँगसँगै गर्नुपर्छ भनेको छ ।
माओवादी र एमालेबिचमा समस्या छैन । समस्या त कांग्रेसमा छ । उसले लोकतन्त्रका परिणामलाई स्विकार गर्न सकेको छैन ।

राष्ट्रपतिले अध्यादेश जारी गरेपछि एमाले किन असन्तुष्ट बनेको हो ?
एमालेले कानुनी आधार र औचित्यका आधारमा एकल संक्रमणीय मतको विरोध गरेको हो । किनकी अहिलेको संविधानमा बहुमतीय प्रणाली उल्लेख गरेको छ । कांग्रेसले नै निर्वाचन आयोगले ड्राफ्ट गरेको बहुमतीय प्रणालीमार्फत राष्ट्रियसभाको चुनाव गर्ने गरी विधेयक बनाएको थियो । तर स्थानीय निकायको चुनावपछि आफू हार्ने थाहा पाएर एकल संक्रमणीय मत राखेर विधेयक बनाएको हो । यो राजनीतिक बैमानी हो । राष्ट्रपतिले अध्यादेश जारी गर्नु त संवैधानिक वाध्यता हो ।

एमालेले अध्यादेश असंवैधानिक छ भनेर अडान लिएको थियो । तर राष्ट्रपतिले अध्ययनपश्चात संवैधानिक छ भन्ने ठहर गरेर अध्यादेश जारी गर्नुभयो । यसमा त एमाले चुक्यो नि ?
एमाले चुकेको होइन । कांग्रेसले राजनीतिक बेइमानी गरेको हो । राष्ट्रपतिले त सरकारले ल्याएको अध्यादेश संविधान अनुसार कर्तव्य पूरा गर्नुपर्ने भएकाले जारी गर्नुभएको हो । कांग्रेसले सत्ताको चरम दुरुपयोग गरेर असंवैधानिक अध्यादेश जारी गर्न राष्ट्रपतिलाई बाध्य बनाएको हो ।

अब नयाँ सरकार गठनका लागि एमाले र माओवादीबिचमा विवाद हुन्छ कि हुँदैन ?
के समस्या छ र ? एमाले अध्यक्ष केपी ओली र माओवादी अध्यक्ष प्रचण्डबिच पटकपटक छलफल भएको छ । कुनै पनि समस्या आउँदैन । केही दिनभित्रमा नै सरकार बन्छ । षडयन्त्रका बिचमा पनि हाम्रो अभियान सफल हुन्छ ।

प्रधानमन्त्री र पार्टी अध्यक्ष को बन्ने भन्नेमा विवाद छ । कसरी मिलाउनुहुन्छ ?
आन्दोलनको आवश्यकता र परिस्थिती सबै सन्दर्भमा व्यवस्थापन भइहाल्छ । यसमा कुनै समस्या छैन । हामीले पार्टी संचालन र सरकार संचालनका लागि आवश्यकताअनुसार जिम्मेवार बाँडफाँट गछौँ ।

प्रचण्डलाई पार्टी अध्यक्ष नबनाइकन त कसरी पार्टी एकता हुन्छ ?
मिडियामा जुन ढंगका चर्चा भएका छन्, हामीले त्यतातिर भरोसा राखेका छैनौँ । ओली र प्रचण्डबिचको सम्वादद्धारा नै सहमति खोजिन्छ । विभिन्न शक्ति केन्द्रहरु पार्टी एकता भाँड्न सक्रिय छन् । तर हामी सबै समस्याको समाधान खोजेर पार्टी एकता गर्छौँ ।

अब तपाई मन्त्री बन्ने होला नि । गुल्मीका जनताले विकास र समृद्धिका लागि तपाईलाई चाहेका छन् नि ?
म मन्त्री बन्ने र नबन्ने मुख्य कुरा होइन । हामीले जे घोषणा गरेर चुनावमा गएका छौँ, ति कुरा पूरा गर्नका लागि सबै नेता प्रतिबद्ध छन् ।

ओली र हिमानी बिहीबार नेपाल आउँदै, बैंककमा के–के भयो कुराकानी ? यस्तो छ खुलाशा !

काठमाडौं । पूर्व युवराज्ञी हिमानी शाह बिहिबार स्वदेश फर्कदै छिन् । गत पुस २१ गते थाइल्याण्डको बैंकक गएकी उनी बिहीबार फर्कन लागेकी हुन् । छोरी पूर्णिकालाई लिएर उनी बैंकक गएक..

यी हुन कांग्रेसका प्रदेश प्रमुख, एमाले–माओवादी आउट, उपेन्द्र–महन्थले पाए एक–एक प्रदेश प्रमुख

काठमाडौं । सरकारले आज प्रदेश प्रमुख नियुक्त गर्दै छ । संघीय समाजवादी फोरम, राष्ट्रिय जनता पार्टी र कांग्रेसको भागबन्डामा सात प्रदेशमा प्रमुख नियुक्त हुन लागेका हुन् । यसबारेमा..

अजित डोभलको आग्रहमा ओली बैंककमा रोकिए, दिल्लीमा रेणुको ‘खिचडी’ पाक्दै

काठमाडौं । भारतीय राष्ट्रिय सुरक्षा सल्लाहकारका सदस्य अजित डोलको आग्रहमा नेकपा (एमाले)का अध्यक्ष केपी ओलीको बैंकक बसाइ लम्बिएको खुलासा भएको छ । भारतीय प्रधानमन्त्रीका..

ओलीे बैंकक जाँदा ‘रअ’का प्रमुखले दिल्ली छाडे, प्रचण्ड शसंकित

काठमाडौं । माओवादीसँगको पार्टी एकीकरण प्रक्रियालाई एमालेका दोस्रो तहका नेताहरूले नरुचाएपछि अध्यक्ष केपी ओली संकटमा परेका छन् । माओवादी केन्द्रका अध्यक्ष पुष्पकमल दाहाल &lsq..

पूर्वराजा शाह र योगी आदित्यनाथबीच राजसंस्था र हिन्दू राष्ट्रबारे नयाँ सहमति!

काठमाडौं । पूर्वराजा ज्ञानेन्द्र शाह र उत्तर प्रदेशका मुख्यमन्त्री एवं भारतीय जनता पार्टीका नेता योगी आदित्यनाथबीच भेटवार्ता भएको छ। भारतको लखनउस्थित सरकारी निवासमा भएको भेटवा..

एमालेको मतले चुनाव जितेका राजेन्द्र महतोले प्रधानमन्त्री देउवामाथि लगाए यस्तो आरोप

काठमाडौं । राष्ट्रिय जनता पार्टीका नेता राजेन्द्र महतोले यो सरकार संविधान विपरितको बाटोमा हिडेको बताएका छन् । उनले प्रधानमन्त्री शेरबहादुर देउवा संघियता मास्ने काममा लागे..


धुर्मुस–सुन्तली फाउण्डेसनको भ्रष्टाचारबारे के भन्छन् धुर्मुस ? (अन्तर्वार्तासहित)
धुर्मुस–सुन्तली फाउण्डेसनको भ्रष्टाचारबारे के भन्छन् धुर्मुस ? (अन्तर्वार्तासहित)

काठमाडौं । कलाकार तथा समाजसेवी सीताराम कट्टेलले समाजसेवाका लागि अहिलेसम्म उठेको रकम हिनामिना नभएको स्पष्ट पारेका छन् । टेलिभिजन कार्यक्रम धमलाको हमलामा ऋषि धमलासँग कुरा गर्..

राजेश हमाल एमाले प्रवेश गरेर प्रधानमन्त्री बन्ने दाउमा रहेको कलाकार जितु नेपालको दाबी
राजेश हमाल एमाले प्रवेश गरेर प्रधानमन्त्री बन्ने दाउमा रहेको कलाकार जितु नेपालको दाबी

काठमाण्डौ । कलाकार जितु नेपालले व्यवहारिक रुपमा देशमा अझै परिवर्तनको संकेत नदेखिएको भन्दै चिन्ता व्यक्त गरेका छन् । नेपाली रेडियो नेटवर्कको कार्यक्रम नेपाली बहसमा कुरा गर्द..

वाम गठबन्धनबारे झलनाथ खनालको नयाँ खुलासा, एमाले र माओवादीबीच यतिसम्मको विवाद
वाम गठबन्धनबारे झलनाथ खनालको नयाँ खुलासा, एमाले र माओवादीबीच यतिसम्मको विवाद

नेकपा एमाले र नेकपा माओवादी केन्द्रबिचको पार्टी एकता प्रक्रियालाई सबैले चुनौतिपूर्ण मानेका छन् । कतिपयले आगामी चुनावका लागि गरिएको चुनावी तालमेल मात्रै हो भन्ने टिप्पणीसमेत गर..

ओलीजीको हठले देशको समस्या समाधान हुदैन : राजेन्द्र महतो
ओलीजीको हठले देशको समस्या समाधान हुदैन : राजेन्द्र महतो

अहिले देश राष्ट्रिय जनता पार्टीको मागमा अड्किए जस्तै भएको छ । विशेषगरी राजपाको मागका कारण सरकार अलमिलएको छ भने चुनाव प्रभावित बनेको छ । राजपाको मागलाई एमालेले ठाडै अस्विकार गर..