कांग्रेसी सभापतिले थाले मन्त्री रविन्द्र अधिकारीमाथि छानबिन, ठूलो भ्रष्टाचारको पर्दाफास हुने


पत्रपत्रिकाबाट प्रकाशित: २०७५-८-५ गते
कांग्रेसी सभापतिले थाले मन्त्री रविन्द्र अधिकारीमाथि छानबिन, ठूलो भ्रष्टाचारको पर्दाफास हुने

काठमाडौं । नेपाली कांग्रेसका सांसद भरत साहले नेतृत्व गरेको संघीय संसद्को सार्वजनिक लेखा समितिले नेपाल वायुसेवा निगमको दुईवटा वाइड बडी विमान ल्याउँदाको अनियमितताबारे छलफल गर्न सरकारलाई डाकेको छ ।

विमान खरिदमा ठूलो भ्रष्टाचार भएको चर्चा चलेपछि कांग्रेस नेतृत्वको समितिले छानबिन शुरू गरेको हो । समितिले छानबिन गरेपछि भ्रष्टाचारको पर्दाफास हुने भएको छ । मंगलबारको समिति बैठकले दुवै विमान ल्याउँदा व्यापक अनियमितता भएको ठहर गर्दै सरोकारवाला मन्त्रालयसहित निगमका पदाधिकारीलाई बोलाउने निर्णय गरेको हो ।

समितिका सभापति भरत साहले दुवै ठूला जहाज ल्याउँदाका सम्पूर्ण प्रक्रियाको कागजातसहित पर्यटन तथा नागरिक उड्डयन मन्त्री रवीन्द्र अधिकारी, सचिव कृष्णप्रसाद देवकोटा, निगमका कार्यकारी अध्यक्ष मदन खरेल तथा प्रबन्ध निर्देशक सुगतरत्न कंसाकारलाई आउँदो आइतबार दिउँसो १ बजे बोलाएको छ ।

सभापति साहले निगमले ल्याएका विमान वास्तवमा ‘खरिद’ भएका हुन् वा ‘भाडा’मा लिइएका हुन् तथा विमानको स्वामित्वधारी को हो भन्ने विषय निकै जटिल भएकाले उक्त विषयमा गहन रूपमा छलफल गर्न लागेको बताए । उनले आवश्यक परे छानबिनका लागि उपसमितिसमेत गठन गर्न सकिने जनाए ।

महालेखा परीक्षकको कार्यालयले मूल्य र प्रक्रियाबारे बारम्बार गम्भीरताका साथ विषय उठाइरहँदा पनि निगमले अटेरी गरेको समितिको ठहर छ । कार्ययोजनामार्फत विमान भित्र्याएर निगमलाई ‘हरियाली’ बनाउने उल्लेख गरे पनि अन्ततः निगम अधिकारीहरू संस्थालाई टाट पल्टाउन ठूलो भूमिका खेलेको साहले बताए ।

निगमले आफ्नै आर्थिक विनियमावलीविपरीत विमान खरिद प्रक्रिया अपनाएको भन्दै बहुमत सांसदहरूले महालेखा परीक्षक प्रतिवेदनले औंल्याएको अनियमितताबारे प्रस्ट हुन सभापतिसमक्ष छलफलको प्रस्ताव गरेका थिए । सभापति साहकाअनुसार तत्कालीन समयमा सेनामार्फत राजा वीरेन्द्रले बिरामीलाई समेत सहज हुने गरी अत्याधुनिक विमान खरिद गर्न खोजेका थिए । अन्नपूर्ण पोस्ट दैनिकले लेखेको छ ।

‘उनी आफैं बिरामी हुँदा विमान खरिद प्रक्रिया अघि बढाएका थिए । तर तत्कालीन समयमा सार्वजनिक लेखा समितिले विमान खरिद अनुचित भएको निष्कर्ष निकालेपछि वीरेन्द्रले खरिद प्रक्रिया नै स्थगित गरे,’ साहले भने ।

राष्ट्रपति विद्यादेवी भण्डारीका लागि खरिद गर्न लागिएको १८ करोड मूल्यबराबरको गाडीबारे पनि समितिमा छलफल प्रस्ताव आएको साहले जानकारी दिए । समितिले उक्त गाडी खरिदबारे पनि छलफल गर्न सक्ने साहको ठहर छ ।

सांसद हृदयेश त्रिपाठीले अघिल्लो सार्वजनिक लेखा समितिले दिएको निर्देशनविपरीत निगमले रकमको चलखेलका आधारमा ती दुवै विमान ल्याएको जानकारी दिए । उनका अनुसार अघिल्लो सार्वजनिक लेखा समितिले धेरै यात्रु अटाउने प्रयोजनका लागि विमान खरिद गर्दा उक्त विमान कसरी सञ्चालन गर्ने, नाफा कसरी लिने, विमानको मर्मत सम्भार कसरी गर्नेलगायत विषयमा रणनीतिक साझेदार खोज्न निर्देशन दिइएको थियो । रणनीतिक साझेदारको सहकार्यमा आन्तरिक तथा बाह्य ठूला जहाजमात्र खरिद गर्न निर्देशन दिइएको थियो ।

‘हामीले दिएको निर्देशनलाई कुनै पनि प्रकारले संस्कृति पर्यटन तथा नागरिक उड्डयन मन्त्रालय र निगमअधिकारीले पालना गरेनन्,’ सांसद त्रिपाठीले भने, ‘निगम उच्च पदाधिकारी र मन्त्रालयका उच्च अधिकारीलाई जसरी पनि मोटो कमिसन चाहिएको थियो। कमिसनकै लागि सबै निर्देशन र आधारलाई मिचेर दुवै वाइड बडी खरिद गरिएको हाम्रो ठहर छ । यो विषयमा हाम्रो गम्भीर ध्यानाकर्षण भएको छ ।’

वाइड बडी प्रकरणलाई निकै नजिकबाट र सुक्ष्म रूपमा हेरिरहेको जिकिर गर्दै सांसद त्रिपाठीले दोषी देखिनेलाई कारवाहीको दायरामा ल्याउन सरकारलाई निर्देशन दिने तयारी भएको बताए ।

खरिद गरिने विमानले कस्तो बिजनेस दिन सक्छ, नाफा दिन्छ–दिँदैन, गन्तव्य स्थान कसरी छनौट गर्ने, व्यवस्थापन कसरी गर्ने, खरिद गर्न विभिन्न निकायबाट लिइएको ऋण कसरी तिर्ने जस्ता विषयमा अध्ययनै नगरी सीमित समूहलाई ‘आर्थिक लाभ’ पुर्याउने गरी विमान ल्याइएको त्रिपाठीको ठहर छ ।

‘दुवै जहाज ल्याउँदा टाट पल्टिन्छ भन्ने कुरा पक्कै खरिदकर्तालाई जानकारी थियो,’ त्रिपाठीले भने, ‘टाट पल्टिने जान्दाजान्दै गैरजिम्मेवार भएर खरिद गरी आफूसँगै राष्ट्रलाई डुबाएका छन् ।’

कांग्रेस सांसद मिनेन्द्र रिजालले वाइड बडी ल्याउँदा ठूलो अनियमितता भएको जानकारी दिए । रिजालले कांग्रेसले उक्त खरिद प्रक्रियामा आर्थिक चलखेल भएको ठहर गर्दै छानबिन हुनुपर्ने निर्णय गरेको जानकारी बैठकमा गराएका थिए । उनले भने, ‘प्रतिपक्षी पार्टी भएकाले विमान खरिद प्रक्रियामा चुप लागेर बस्न सक्दैनौं । हाम्रो पार्टीले यसमा अनियमितता भएको ठहर गरेको छ । यसबारे सुक्ष्म छानबिन हुनुपर्ने र दोषी देखिनेमाथि कारवाही हुनुपर्ने हाम्रो पार्टीको माग छ ।’



मन्त्री बीनाको छुद्रतामाथि प्रकाशको पहिलो पत्नी प्रभाको कुटनीतिक प्रहार, सिर्जनाको पीडामा मलमपट्टी

योगी आदित्यनाथ भ्रमण प्रकरणः जनकपुर पुगेर राजेन्द्र महतोले दिए निधिलाई यस्तो चेतावनी !

सुरक्षा संयन्त्रको ब्रिफिङपछि प्रधानमन्त्रीको फोन: प्रचण्ड जी पहिलेकै जस्तो त हुन्न नी, के गराैं ?

प्रकाशको पहिलो पूण्यतिथिमा मन्त्री बीनाले गरिन सिर्जनाको अपमान, मेयर रेणु समेत बीनासंगै !

सुजाताको लञ्च मिटिङः कोइराला परिवारको विरासतसंगै गगन थापालाई कार्यकारी जिम्मेवारीको तयारी !

गगन थापादेखि गल्यो सरकार, आजैदेखि हट्यो जोर विजोर प्रणाली !

निधिललाई जनकपुरको ‘माटो’को पाप लाग्यो, हिन्दूलाई दुश्मन देख्दा यसरी भए बर्बाद




देउवाले बनाए यी पाँच जनालई महासमिति सदस्य

काठमाडौं । नेपाली कांग्रेसका सभापति शेरबहादुर देउवाले पार्टीको महासमिति बैठकका लागि पाँच जना सदस्य थपेका छन् । उनले सांसद विनोद चौधरी, गोरखाका स्वर्णिम वाग्ले, पर्साका अनिलकु..

लेखक खगेन्द्र संग्रौलाको प्रश्न: शितल निवास राष्ट्रपति निवास कि बडामहारानी निवास ? 

काठमाडौ । लेखक खगेन्द्र संग्रौलाले शितल निवास दरबार राष्ट्रपति निवास नभएर बडामहारानी निवास भएको उल्लेख गरेका छन् । सामाजिक सञ्जाल फेशबुकमा स्ट्याटश पोष्ट गर्दै उनले लेखेका..

आगलागीले पार्यो सखाप, ६ घर खरानी, १० लाखको क्षति

लहान । गाईगोठबाट सल्केको आगो फैलिएर सप्तरीको बोदे बर्साइन नगरपालिका–७ बगबिरा टोलमा गए राति भएको आगलागीमा ६ वटा घर जलेर खरानी भएको छ । आगलागीबाट करीब रु १० लाख बराबरको क..

झलनाथ खनालको आक्रोसः प्रधानमन्त्री ओली राजा महाराजा हो र ? कि सन्त महन्त हो ?

काठमाडाैं । नेपाल कमयुनिष्ट पार्टीका नेता एवं पूर्वप्रधानमन्त्री झलनाथ खनालले प्रधानमन्त्री केपी शर्मा आेलीको कार्यशैली सहि ढंगले गतिमा नगएको भन्दै आलोचना गरेका छन् । एक रे..


ओली सरकारको उपहार : राष्ट्रपतिलाई एक अर्ब ५० करोडको हेलिकोप्टर
ओली सरकारको उपहार : राष्ट्रपतिलाई एक अर्ब ५० करोडको हेलिकोप्टर

काठमाडौं । कम्युनिस्ट सरकारले राष्ट्रपति विद्यादेवी भण्डारीलाई एक अर्ब ५० करोड खर्च गरेर सुविधा सम्पन्न हेलिकोप्टर खरिद गरेको छ । प्रधानमन्त्री खडगप्रसाद ओली नेतृत्वको कम्युनि..

मुख्यमन्त्री गुरुङ भन्छन्: ‘राजतन्त्र पुर्नस्थापनाको ग्राइन्ड डिजाइनमा कांग्रेस र भारत लागेका छन्’
मुख्यमन्त्री गुरुङ भन्छन्: ‘राजतन्त्र पुर्नस्थापनाको ग्राइन्ड डिजाइनमा कांग्रेस र भारत लागेका छन्’

गण्डकी प्रदेशका मुख्यमन्त्री पृथ्वीसुब्बा गुरुङले नेपाली कांग्रेस र भारतले राजतन्त्रको पुर्नस्थापनाको गृहकार्य गरिरहेको बताएका छन्। नेपाल कम्युनिष्ट पार्टी म्याग्दीले शनिबा..

‘निर्मलाको हत्यारालाई सरकारको संरक्षण’
‘निर्मलाको हत्यारालाई सरकारको संरक्षण’

काठमाडौं । नेत्रविक्रक चन्द विप्लव नेतृत्व नेकपाका प्रवक्ता खड्गबहादुर विश्वकर्माले निर्मला पन्तको बलात्कारपछि हत्याको घटनामा संलग्नलाई सरकारले संरक्षण गरेको आरोप लगाए । ने..

दुई तिहाईको शक्तिशाली प्रधानमन्त्रीलाइ टेर्दैन ‘ब्युरोक्रेसी’ले, कार्यन्वयन हुनसकेन सयकडौ निर्णय !
दुई तिहाईको शक्तिशाली प्रधानमन्त्रीलाइ टेर्दैन ‘ब्युरोक्रेसी’ले, कार्यन्वयन हुनसकेन सयकडौ निर्णय !

काठमाडौं । सरकारका अधिकांश निर्णय कार्यान्वयन नहुँदा नागरिकमा निराशा छाउन थालेको छ । सरकार गठन भएको आठ महिना पूरा हुँदा पनि नतिजामुखी कामको शुरुवात हुन सकेको छैन । प्रधानमन्त्..