चक्रब्यूहमा फस्दै प्रधानमन्त्री ओली : २१ केन्द्रीय सदस्यले दिए चुनौती, सोधे– जे गरेपनि हुने ?


पत्रपत्रिकाबाट प्रकाशित: २०७५-८-६ गते
चक्रब्यूहमा फस्दै प्रधानमन्त्री ओली : २१ केन्द्रीय सदस्यले दिए चुनौती, सोधे– जे गरेपनि हुने ?

काठमाडौं । कम्युनिस्ट प्रधानमन्त्री केपी शर्मा ओलीको स्वेच्छाचारिता र मनपरीविरुद्ध नेपाल कम्युनिस्ट पार्टी (नेकपा) का २१ केन्द्रीय सदस्यले कडा चुनौती दिएका छन् ।

आफ्नै पार्टी अध्यक्ष एवम् प्रधानमन्त्री केपी शर्मा ओलीतिर गम्भीर प्रश्न तेस्र्याएका छन् । उनीहरूकोे प्रश्न छ – ‘प्रधानमन्त्री वा पार्टी अध्यक्षले जे गरे पनि मान्य हुने ?

पूर्वएमाले र माओवादी पार्टीबीच एकता भएको सात महिना बितिसक्दा समेत नेतृत्वले सही गति लिन नसकेको आरोप लगाई उनीहरूले पार्टीको शीर्ष नेतृत्वलाई बुधबार ज्ञापन बुझाउँदै यस्तो असन्तुष्टि पोखेका हुन् ।

केपी पक्षले भने २१ जना केन्द्रीय सदस्यलाई माधवकुमार नेपाल पक्षले नियोजितरूपमा उचालेको आरोप लगाएको छ । उक्त पक्षका एक वरिष्ठ नेताले आफ्नो नाम नराखी उल्लेख गर्ने शर्तमा भने, ‘यो माधवकुमारकै उक्साहटमा भएको हो, पार्टीभित्र समीक्षा हुन्छ । भोलिको सचिवालय बैठकलाई प्रभावित पार्ने खेल हो ।’

स्मरणीय छ, केही दिनअघि उक्त पार्टीका वरिष्ठ नेता माधवकुमार नेपालले संसद्बाटै सरकार र पार्टी नेतृत्वको कटाक्ष गर्नुभएको थियो । 
‘प्रधानमन्त्रीले वा पार्टी अध्यक्षले जे गरे पनि मान्य हुने, पार्टीको केन्द्रीय कमिटी, स्थायी समिति कतैबाट पनि निर्णय नै गर्नु नपर्ने स्वेच्छाचारी प्रणालीको विकास गर्ने कि कमिटीगत निर्णय गरेर हामीले अभ्यास गर्दै आएको जनवादलाई सम्मृद्ध गर्ने ?’ ज्ञापनपत्रमा भनिएको छ, ‘संसदीय दलमा पनि लोकतान्त्रिक अभ्यास छैन । संसदीय दलको हरेक बैठक केही नेताको भाषण सुनाएर समापन गर्ने गरिएको छ । कुनै छलफल, समीक्षा वा आलोचना नै हुन नदिएपछि कसरी गल्ती–कमजोरी पत्ता लाग्छन् ? कसरी सुधार हुन्छ ?’

पार्टी महासचिव विष्णु पौडेलमार्फत् प्रधानमन्त्री ओलीलाई बुझाइएको ज्ञापनपत्रमा एकीकरण, सरकारसँगको सम्बन्ध, केन्द्रीय समितिको बैठक, प्रधानमन्त्रीको कार्यशैलीलगायतका विषय केन्द्रित गरेर ज्ञापनपत्र बुझाइएको केन्द्रीय सदस्य ठाकुर गैरेले पुष्टि गरे ।

पूर्वमाओवादी पक्षले भने उनीहरूले हतारिएर ज्ञापनपत्र बुझाएको प्रतिक्रिया दिएको छ । पूर्वमाओवादीबाट एकीकरणमा जानुभएका नेकपाका स्थायी समिति सदस्य मणि थापाले भने, ‘साथीहरूले भोलिको सचिवालय बैठकसम्म धैर्यता गर्नुपर्दथ्यो । एक दिन पनि नपर्खी ज्ञापनपत्र बुझाउनुको अर्थ छैन ।’

पार्टीका शीर्ष नेताद्वय झलनाथ खनाल र वामदेव पक्षबाट भने यसबारे कुनै प्रतिक्रिया आएको छैन । उक्त पक्ष मौन देखिएको छ । नेपाल समाचारपत्र दैनिकले लेखेको छ ।

अध्यक्षसमेत रहेका प्रधानमन्त्री ओलीलाई नै उक्त ज्ञापनपत्र बुझाउने तयारी भएपनि कार्यव्यस्तताका कारण महासचिवमार्फत् बुझाएका थिए । अध्यक्ष ओली र प्रचण्डको किटानी नगरी ‘कमरेड अध्यक्ष’ मात्रै सम्बोधन गरेर लेखिएको पाँच पृष्ठ लामो ज्ञापनपत्रमा भनिएको छ, ‘पार्टीका विभिन्न तहगत कमिटीका बैठकले नै पार्टीका काम र गतिविधिको समीक्षा गर्नुपर्दछ, नेतृत्वमा इमानदारिता र जवाफदेहिताको अठोट छ भने मात्र यस्तो समीक्षा सम्भव छ ।’

‘पार्टीमा गम्भीर विषय उठ्दा महसुस गरेको अभिनय गर्ने, तत्कालका लागि असन्तुष्टि र आवेगलाई शान्त बनाउनका लागि ‘कमजोरी भएको र अब नगर्ने’ मौखिक बाचा गर्ने, समस्यालाई अल्पकालीन रुपमा पन्छाउने तर व्यवहारमा मिचाहा शैलीलाई नै पुनरावृत्ति दिने काम गर्दै जाने हो भने समाधान निस्किँदैन,’ उक्त पत्रमा भनिएको छ ।

पार्टीको नेतृत्वले स्वेच्छाचारी ढंगले काम गर्ने तथा सरकारलाई निजी तथा मन पर्ने मानिसको मात्र घेराबन्दीमा राख्दा पार्टीपंक्ति र जनतामा असन्तुष्टि झन्झन् बढ्दै जाने र पार्टीलाई गम्भीर क्षति गर्ने चेतावनी दिँदै ज्ञापनपत्रमा भनिएको छ, ‘व्यक्तिगत वा गुटगत तुष्टीकरणको प्रक्रियाले समग्र कार्यकर्ता पंक्तिलाई सन्तुष्ट बनाउन सक्दैन भने विधि, पद्धति र पारदर्शी मापदण्डका आधारमा गरिने कार्यहरुले मात्र अधिकतम स्वीकार्यता प्राप्त गर्न सक्दछ ।’

पार्टी एकतापछि आजसम्म केन्द्रीय सदस्यदेखि स्थानीय कमिटी सदस्यलाई कामविहीन बनाउनु पार्टी कामप्रतिको हदैसम्मको लापरबाही र असफलता भएको आरोप लगाउँदै ज्ञापनपत्रमा थप भनिएको छ, ‘यस्तो अवस्था तत्काल अन्त्य गरी यसका लागि पार्टी केन्द्रले पारदर्शी विधि र मापदण्ड तयार गरी सबै तहमा त्यसअनुसारको एकीकरण सम्पन्न गर्ने तरिका अवलम्बन गर्नुपर्दछ ।’

को कोले गरे हस्ताक्षर ?

१. डा. विजयकुमार पौडेल
२. जगन्नाथ खतिवडा
३. शत्रुधन महतो
४. ममता गिरी
५. जयन्ती राई
६. गरिमा शाह
७. भाष्कर काफ्ले
८. रामकुमारी झाँक्री
९. निरज आचार्य
१०. पे्रमलकुमार खनाल
११. माधव अर्याल
१२. विजय गुरुङ
१३. तुलबहादुर गुरुङ
१४. यदुवंश झा
१५. रचना खड्का
१६. विरोध खतिवडा
१७. रविन कोइराला
१८. पशुपति चौलागाईं
१९. मेटमणि चौधरी
२०. विश्वनाथ प्याकुरेल
२१. ठाकुर गैरे



मन्त्री बीनाको छुद्रतामाथि प्रकाशको पहिलो पत्नी प्रभाको कुटनीतिक प्रहार, सिर्जनाको पीडामा मलमपट्टी

योगी आदित्यनाथ भ्रमण प्रकरणः जनकपुर पुगेर राजेन्द्र महतोले दिए निधिलाई यस्तो चेतावनी !

सुरक्षा संयन्त्रको ब्रिफिङपछि प्रधानमन्त्रीको फोन: प्रचण्ड जी पहिलेकै जस्तो त हुन्न नी, के गराैं ?

प्रकाशको पहिलो पूण्यतिथिमा मन्त्री बीनाले गरिन सिर्जनाको अपमान, मेयर रेणु समेत बीनासंगै !

सुजाताको लञ्च मिटिङः कोइराला परिवारको विरासतसंगै गगन थापालाई कार्यकारी जिम्मेवारीको तयारी !

गगन थापादेखि गल्यो सरकार, आजैदेखि हट्यो जोर विजोर प्रणाली !

निधिललाई जनकपुरको ‘माटो’को पाप लाग्यो, हिन्दूलाई दुश्मन देख्दा यसरी भए बर्बाद




देउवाले बनाए यी पाँच जनालई महासमिति सदस्य

काठमाडौं । नेपाली कांग्रेसका सभापति शेरबहादुर देउवाले पार्टीको महासमिति बैठकका लागि पाँच जना सदस्य थपेका छन् । उनले सांसद विनोद चौधरी, गोरखाका स्वर्णिम वाग्ले, पर्साका अनिलकु..

लेखक खगेन्द्र संग्रौलाको प्रश्न: शितल निवास राष्ट्रपति निवास कि बडामहारानी निवास ? 

काठमाडौ । लेखक खगेन्द्र संग्रौलाले शितल निवास दरबार राष्ट्रपति निवास नभएर बडामहारानी निवास भएको उल्लेख गरेका छन् । सामाजिक सञ्जाल फेशबुकमा स्ट्याटश पोष्ट गर्दै उनले लेखेका..

आगलागीले पार्यो सखाप, ६ घर खरानी, १० लाखको क्षति

लहान । गाईगोठबाट सल्केको आगो फैलिएर सप्तरीको बोदे बर्साइन नगरपालिका–७ बगबिरा टोलमा गए राति भएको आगलागीमा ६ वटा घर जलेर खरानी भएको छ । आगलागीबाट करीब रु १० लाख बराबरको क..

झलनाथ खनालको आक्रोसः प्रधानमन्त्री ओली राजा महाराजा हो र ? कि सन्त महन्त हो ?

काठमाडाैं । नेपाल कमयुनिष्ट पार्टीका नेता एवं पूर्वप्रधानमन्त्री झलनाथ खनालले प्रधानमन्त्री केपी शर्मा आेलीको कार्यशैली सहि ढंगले गतिमा नगएको भन्दै आलोचना गरेका छन् । एक रे..


ओली सरकारको उपहार : राष्ट्रपतिलाई एक अर्ब ५० करोडको हेलिकोप्टर
ओली सरकारको उपहार : राष्ट्रपतिलाई एक अर्ब ५० करोडको हेलिकोप्टर

काठमाडौं । कम्युनिस्ट सरकारले राष्ट्रपति विद्यादेवी भण्डारीलाई एक अर्ब ५० करोड खर्च गरेर सुविधा सम्पन्न हेलिकोप्टर खरिद गरेको छ । प्रधानमन्त्री खडगप्रसाद ओली नेतृत्वको कम्युनि..

मुख्यमन्त्री गुरुङ भन्छन्: ‘राजतन्त्र पुर्नस्थापनाको ग्राइन्ड डिजाइनमा कांग्रेस र भारत लागेका छन्’
मुख्यमन्त्री गुरुङ भन्छन्: ‘राजतन्त्र पुर्नस्थापनाको ग्राइन्ड डिजाइनमा कांग्रेस र भारत लागेका छन्’

गण्डकी प्रदेशका मुख्यमन्त्री पृथ्वीसुब्बा गुरुङले नेपाली कांग्रेस र भारतले राजतन्त्रको पुर्नस्थापनाको गृहकार्य गरिरहेको बताएका छन्। नेपाल कम्युनिष्ट पार्टी म्याग्दीले शनिबा..

‘निर्मलाको हत्यारालाई सरकारको संरक्षण’
‘निर्मलाको हत्यारालाई सरकारको संरक्षण’

काठमाडौं । नेत्रविक्रक चन्द विप्लव नेतृत्व नेकपाका प्रवक्ता खड्गबहादुर विश्वकर्माले निर्मला पन्तको बलात्कारपछि हत्याको घटनामा संलग्नलाई सरकारले संरक्षण गरेको आरोप लगाए । ने..

दुई तिहाईको शक्तिशाली प्रधानमन्त्रीलाइ टेर्दैन ‘ब्युरोक्रेसी’ले, कार्यन्वयन हुनसकेन सयकडौ निर्णय !
दुई तिहाईको शक्तिशाली प्रधानमन्त्रीलाइ टेर्दैन ‘ब्युरोक्रेसी’ले, कार्यन्वयन हुनसकेन सयकडौ निर्णय !

काठमाडौं । सरकारका अधिकांश निर्णय कार्यान्वयन नहुँदा नागरिकमा निराशा छाउन थालेको छ । सरकार गठन भएको आठ महिना पूरा हुँदा पनि नतिजामुखी कामको शुरुवात हुन सकेको छैन । प्रधानमन्त्..