‘रक्सी खाएर मनपरी बोल्ने प्रचण्डको बानी छ, उनका नजिककाले त्यहि सिकेर त्यसै अनुसार व्यवहार गर्थे’


प्रकाशित: २०७५-८-१९ गते
‘रक्सी खाएर मनपरी बोल्ने प्रचण्डको बानी छ, उनका नजिककाले त्यहि सिकेर त्यसै अनुसार व्यवहार गर्थे’

कारबाही गरेर बन्दी बनाइएपछि पनि बाबुराम भाग्न सक्छ अथवा दुस्मनले हेलिकोप्टर लिएर लैजान सक्छ जस्ता उटपट्याङ हल्ला चलाईयो । जनसेनालाई थप सतर्क बनाइयो । ठाउँ ठाउँमा पुरै चेक गर्न लगाइयो । बाबुरामलाई पीएलए भित्र माया गर्ने पनि थिए, उनीहरुले यस्ता सूचना दिन्थे ।

कारबाही गरेपछि बैठकबाट निस्केका बाबुरामलाई मिरुल पुर्याइएको थियो । बैठक सकेर प्रचण्डहरु आएपछि बाबुराम, हिसिलालगायतलाई दुम्लानजिकै पुर्याइयो ।
बाबुराम भट्टराई आफ्नै पार्टीको बन्दी बनिसकेका थिए । जुन पार्टीमा उनले २० वर्षभन्दा बढी लगानी गरेका थिए, जीवन अर्पेका थिए, अन्ततः त्यहि पार्टीले उनलाई थुन्यो । दीनानथ शर्मा र हिसिला यमीको हालत पनि उस्तै थियो । एउटा कुर्सी र एक बाकस किताब साथमा लिएर हिँडेका बाबुरामलाई हिउँले ढाकेका पहाडहरु छिचोल्दै २०६१ माघ २५ गते रोल्पाको मिरुल गाउँ पुर्याइयो ।

प्रचण्डले बाबुरामलाई कहिल्यै कटु शव्द बोलेनन् । प्रचण्डको आफैँले केही नभन्ने तर अरुलाई उचाल्ने शैली थियो । यसबारेमा प्रचण्डको भनाई फरक रहेको छ । साँचोचाहिँ त्यति धेरै होइन । उहाँसँग वैचारिक मतभेद सुरुदेखि नै भयो । तर, फेरि उहाँ चाहिन्छ आन्दोलनमा भनेर बढी सोच्ने म नैं थिएँ । बाबुरामलाई जसरी पनि लिएर जानुपर्छ भन्ने मैले हो । मैले नैं उहाँलाई र्ढीभन्दा बढी संरक्षण गर्न बल गर्थेँ । प्रचण्ड भन्छन्,– मैले ननिजकका साथीहरुसँग अलिकति वैचारिक कुरा गर्दा कलिकति हुने त सामान्य भयो होला तर त्यही कारणले उहाँलाई प्रताडित गरियो भन्ने सत्य होइन ।

एउटा सिनियर लिडरलाई त्यसरी काराबाही गरिने होइन, पहिले त त्यो गलत हो, दोस्रो कुरा युद्धमा दुस्मनको घेराबन्दीमा छौँ, मलाई त प्रचण्डकै हाराहारीमा मान्थे मान्छेहरुले, अझै कैयाँैले त मलाई बढी चिन्थे, मलाई ठूलो खतरा थियो । मलाई त प्रचण्डकै हाराहारीको सुरक्षा दिनुपथ्र्यो । त्यसै पनि उनको भन्दा कम सुरक्षा दिइएको थियो, त्यो पनि झिकियो, बाबुराम भन्छन्,–कुनै पनि मान्छेले मारिदिन सक्थे मलाई, त्यो त चरम लापरबाही थियो ।

बाबुरामलाई कारबाही गरेपछि राष्ट्रिय÷अन्तराष्ट्रिय सञ्चारमाध्यममा खबर फैलियो । त्यसैबेला माओवादीले खारा आक्रमणको तयारी गरिरहेको थियो । आक्रमणको तयारिका लागि दुम्लावरिपरि अभ्यास भइरहेको थियो । त्यसैबेला बाबुरामलाई बन्दी बनाएको खबर बाहिर आएपछि प्रचण्डले होइन भनेर समाचारको खण्डन गर्न बाबुरामलाई दबाब दिए । बाबुराम भन्छन्, होइन भनौँ, त्यत्रो अपमान गरेको छ, बन्दी बनाएको छ, हो भन्दा पनि उपयुक्त नहोला भनेर बीचको बाटो अपनाएर वक्तव्य निकालेँ । अश्वत्थामा हतोहतः शैलीको वक्तव्य दिन बाध्य भएँ ।

म सुरक्षित छु, खतरा छैन भनेर वक्तव्य निकाल्न प्रचण्ड र उनी नजिकका नेताहरुले दबाब दिइरहेका थिए । यत्रो आक्रमण गर्न गइरहेका छौँ, जनसेनाको मनोबल उठाउनुपर्छ, समाचारको खण्डन गर्नुपर्यो भन्ने निर्देशन थियो । आन्दोलनलाई घाटा पार्न म पनि चाहँदैनथेँ । प्रचण्डले मूर्खता गरेका छन्, धैर्य गर्नुपर्छ, बेलामा चेत्छन भन्ने मेरो बुझाई भएकाले बीचको भाषामा म आफैँले लेखेर वक्तव्य दिएको हुँ , बाबुरामले पुराना दिन सम्झिए ।

जनमुक्ति सेनको भरपर्दो सुरक्षा घेराभित्र रहन पाउँदा हामीलाई कुनै प्रकारको ग्लानि होइन, गौरव र आनन्दको अनुभूति भइरहेछ, भन्दै बाबुरामले घुमाउरो शैलीमा आफूलाई बन्दी बनाइएको सन्देश पनि दबाबमा निकालिएको वक्तव्यमार्फत दिएका थिए ।
कारबाहीमा परेका बाबुरामलाई कुनै सुरक्षा दिइएको थिएन । केही दिनपछि प्रचण्डसँग कुरा भएपछि केही लडाकू खटाइएको भए पनि बाबुरामलाई जनसेनाको घेरामा राखिएको थिएन । सरकारी सुरक्षाकर्मी छिरेको भए बाबुरामलाई सजिलै पक्रिन वा हत्या गर्न सक्थे । बाबुरामले ‘जनमुक्ति सेनाको भरपर्दो सुरक्षा घेराभित्र रहन पाउँदा’ भन्दै वक्तव्य दिएपछि प्रचण्ड दबाबमा परे । सरकारी सुरक्षाकर्मी पसेर बाबुरामको हत्या गरे पनि वा जो कसैले बाबुरामको हत्या गरे पनि प्रचण्डले मारेको सन्देश जाने स्थिति उत्पन्न हुन्थ्यो । त्यसपछि प्रचण्डले बाबुरामको सुरक्षामा ध्यान दिए ।

युद्धकालमा बाबुराम नजिकका जनमुक्ति सेनालई टुथपेष्ट, ब्रसका लागि दिइने मासिक १ सय ५० रुपैयाँ दिन पनि रोक लगाइयो । यस्तै भूगोलमा काम गर्ने बाबुराम पक्षका नेता–कार्यकर्तालाई दैनिक खर्च दिन रोक लगाइयो ।

बाबुरामलाई समर्थन गरेको आरोपमा प्रताडित भए नेता देवेन्द्र पराजुली पनि । निलम्बन गरिएका पराजुलीलाई शारीरिक र मानसिक यातना दियो आफ्नै पार्टीले । पराजुली भन्छन्,– मलाई जे प्रश्न सोधे, ती सबै बाबुराममाथि लगाइएका आरोप रहेछन्, यो कुरा पछि थाहा पाएँ । बौद्धिक दम्भ पालेको भन्दै उनलाई कुटपिट पनि गरिएको थियो । जराजुलीको बयान लिए एक नेताले । उनले आफ्नो पृष्ठभूमि हेर्न आग्रह गरे । त्यसपछि हितमान शाक्यले बयान लिए । शाक्यले शङ्काको तीर तपाईंतिर सोझिएको छ भनेपछि उनले आँखा तरेर हेर्दै बेकारका कुरा नगर्न आग्रह गरे ।

उदयपुरमा उनलाई यति बयान लिएपछि रामेछाप÷सोलुखुम्बुको सिमानामा पुर्याइएको थियो । पुर्वाञ्चलको केन्द्रीकरण नभएकाले रामबहादुर थापा लगायत नेताहरु थिए । त्यहाँ पुर्याएपछि पराजुलीको आँखामा पट्टी बाँधियो । ठमेलका ट्रेकिङ व्यवसायी उनको जेठान दीपक धमला मुलुकमा संकटकाल लागेपछि न्युजिल्याण्ड गएको कुरा झिक्दै तेरो जेठान सीआईएको एजेण्ट हो, तैले नैं नेताहरु पक्राएको होस् भने । प्रश्न सोध्न क्रममा ‘गद्दार’ भनेपछि उनलाई असैह्य भयो । उनले आँैला उठाएर भने,– अरु भने पनि गद्दर नभन ।

शाक्यलाई औँला उठाएपछि पराजुलीका हातमा हान्दै हात पछाडी बाँधिदिएका थिए । त्यो बेलासम्म सँगै रहेकी श्रीमती कल्पना धमला र उनलाई अलग –अलग पारियो । र पुनः उदयपुर पुर्याएर बयान लिइयो ।

माथिको आदेश छ भन्दै उनको कञ्चटमा पेस्तोल सोझ्याइयो, हात पछाडि बाँधिएको थियो । आँखामा पट्टी थियो, खुट्टामा डोरीको सुर्किन गाँठो पारेर तान्दै लडाइयो । पराजुली विगत सम्झिन्छन्,–त्यसपछि मरेको बस्तुभाउ घिसारेजसरी घिसारे । ५० मिटरजति घिसारेपछि घाउ नैं घाउ भएको शरीरमा लाठीले पिट्न थाले । सहन नसकेर चिच्याएका पराजुलीको मुखमा टालो कोचिदिए र बुटले कुल्चिँदै हिँडे ।

‘माथिबाट फाँसी दिने आदेश आएको छ’ भन्दै कमाण्डरले पराजुलीको अन्तिम इच्छासमेत सोधेका थिए । नेताहरु पक्राउने काम बाबुरामले गरेको हो भन्ने मबाट कबुल गराएर उता बाबुरामलाई सिध्याउने योजना अनुसार मलाई यातना दिएका रहेछन् । त्यतिबेलाको चोट देखाउँदै पराजुलीले भने,–आफ्नै साथीले आफुले सपनामा पनि नचिताएको विषयमा आरोप लगाएर यातना दिने गर्दा मानसिक रुपले ठूलो आघाथत पर्दो रहेछ ।

मोहनबिक्रम सिंहदेखि प्रचण्डसम्मले बाबुराममाथि अनुशासनको प्रश्न उठाए । अनुशासनसम्बन्धी कम्युनिष्ट पार्टीको बुझाई नैँ बेठीक छ । बाबुराम भन्छन्,–पार्टीको आलोचना गर्ने, भिन्न मत राख्नेलाई प्रताडित गर्ने चलन छ । काम गर्न र पार्टी कमिटी मैले कहिल्यै छोडिनँ, दिएको जिम्मेवारी पूरा नगरेको कुनै छैन । खालि मैँले नेतृत्वको आलोचना गर्दा अनुशासन तोडेको आरोप लगाउँछन्, बाबुरामको ठम्याई छ, नोकरशाही केन्द्रियतावादी जुन सोच हो, मोहनविक्रमदेखि प्रचण्डसम्म त्यो हावी छ । स्कुलिङ त दुवैको एउटै हो, स्टालिनवादी स्कुल ।

बाबुराम भन्छन्, मैँले न कुनैमाथि कहिल्यै षड्यन्त्र गरेँ, न अनैतिक काम गरेँ । फरक विचार राखकै भरमा अनुशासनको प्रश्न उठ्छ । काम नगरेको भए, भागेको भए, धोका दिएको भए हो यस्तो आरोप । नेतृत्व र पार्टीको गलत लाइन आलोचना गरेकै भरमा विभिन्न आरोप खेप्दै आए बाबुरामले ।
(पत्रकार अनिल थापाद्वारा लिखित पुस्तक ‘अविराम बाबुराम’ को एक अंश)



मन्त्री बीनाको छुद्रतामाथि प्रकाशको पहिलो पत्नी प्रभाको कुटनीतिक प्रहार, सिर्जनाको पीडामा मलमपट्टी

योगी आदित्यनाथ भ्रमण प्रकरणः जनकपुर पुगेर राजेन्द्र महतोले दिए निधिलाई यस्तो चेतावनी !

सुरक्षा संयन्त्रको ब्रिफिङपछि प्रधानमन्त्रीको फोन: प्रचण्ड जी पहिलेकै जस्तो त हुन्न नी, के गराैं ?

प्रकाशको पहिलो पूण्यतिथिमा मन्त्री बीनाले गरिन सिर्जनाको अपमान, मेयर रेणु समेत बीनासंगै !

सुजाताको लञ्च मिटिङः कोइराला परिवारको विरासतसंगै गगन थापालाई कार्यकारी जिम्मेवारीको तयारी !

गगन थापादेखि गल्यो सरकार, आजैदेखि हट्यो जोर विजोर प्रणाली !

निधिललाई जनकपुरको ‘माटो’को पाप लाग्यो, हिन्दूलाई दुश्मन देख्दा यसरी भए बर्बाद




देउवाले बनाए यी पाँच जनालई महासमिति सदस्य

काठमाडौं । नेपाली कांग्रेसका सभापति शेरबहादुर देउवाले पार्टीको महासमिति बैठकका लागि पाँच जना सदस्य थपेका छन् । उनले सांसद विनोद चौधरी, गोरखाका स्वर्णिम वाग्ले, पर्साका अनिलकु..

लेखक खगेन्द्र संग्रौलाको प्रश्न: शितल निवास राष्ट्रपति निवास कि बडामहारानी निवास ? 

काठमाडौ । लेखक खगेन्द्र संग्रौलाले शितल निवास दरबार राष्ट्रपति निवास नभएर बडामहारानी निवास भएको उल्लेख गरेका छन् । सामाजिक सञ्जाल फेशबुकमा स्ट्याटश पोष्ट गर्दै उनले लेखेका..

आगलागीले पार्यो सखाप, ६ घर खरानी, १० लाखको क्षति

लहान । गाईगोठबाट सल्केको आगो फैलिएर सप्तरीको बोदे बर्साइन नगरपालिका–७ बगबिरा टोलमा गए राति भएको आगलागीमा ६ वटा घर जलेर खरानी भएको छ । आगलागीबाट करीब रु १० लाख बराबरको क..

झलनाथ खनालको आक्रोसः प्रधानमन्त्री ओली राजा महाराजा हो र ? कि सन्त महन्त हो ?

काठमाडाैं । नेपाल कमयुनिष्ट पार्टीका नेता एवं पूर्वप्रधानमन्त्री झलनाथ खनालले प्रधानमन्त्री केपी शर्मा आेलीको कार्यशैली सहि ढंगले गतिमा नगएको भन्दै आलोचना गरेका छन् । एक रे..


'एक व्यक्ति एक पद' लागू गर्दै ओलीलाई पन्साएर प्रचण्डलाई अध्यक्ष बनाउने यस्तो छ बामदेवको लिखित दस्तावेज...
'एक व्यक्ति एक पद' लागू गर्दै ओलीलाई पन्साएर प्रचण्डलाई अध्यक्ष बनाउने यस्तो छ बामदेवको लिखित दस्तावेज...

काठमाडौं । कुनै समय केपी शर्माए ओलीका भक्त भएका नोकपाका नेता बामदेव गौतम यतिबेला केपी एन्टी भएका छ । उनले शनिबार भएको नेकपाको स्थायी समित बैठकमा अध्यक्ष केपी शर्मा ओलीको अधिका..

नेकपा स्थायी समिति बैठक : बामदेव गौतमले राखे लिखित रुपमै फरक मत
नेकपा स्थायी समिति बैठक : बामदेव गौतमले राखे लिखित रुपमै फरक मत

काठमाडौं । चार जना स्थायी समितिहरु बामदेव गौतम, झलनाथ खनाल, माधवकुमार नेपाल र नारायणकाजी श्रेष्ठले बहिस्कार गरेको एक हप्तापछि शनिबार बसेको नेकपा स्थायी समिति बैठकमा अध्यक्ष तथ..

विषको बोत्तल बोकेर कुलप्रसाद किन पटक पटक तड्पाउँदैछन् गृहमन्त्री बादललाई ?
विषको बोत्तल बोकेर कुलप्रसाद किन पटक पटक तड्पाउँदैछन् गृहमन्त्री बादललाई ?

काठमाडौं । सुसाइड नोट र बिषको बोत्तल बोकेर यतिबेला पूर्व जनमुक्ति सेनाका एक कमाण्डर गृहमन्त्री रामबहादुर थापा बादललाई चुनौती दिइरहेका छन् । उतिबेला मर्ने र मार्ने काशम खाएका ज..

काँग्रेस भित्रको गुटउपगुट अन्त्य गर्न रामबरण यादवको आग्रह
काँग्रेस भित्रको गुटउपगुट अन्त्य गर्न रामबरण यादवको आग्रह

काठमाडौँ । गणतन्त्र नेपालका प्रथम राष्ट्रपति डा रामवरण यादवले राष्ट्रिय एकता बलियो बनाउन र मुलुकका समस्या समाधान गर्न संविधानको कार्यान्वयन आवश्यक रहेको बताएका छन् । ..