नागढुंगा-नाैबीसे सुरुङ मार्ग ठेक्का चिनियाँलाई सुम्पिन मन्त्री महासेठको यस्तो हर्कत, प्रमले राजदुत भेटेपछि 'कायापलट'

  |   प्रकाशित :

काठमाडाैं । दुई तिहाई सरकारका भाैतिक पूर्वाधार तथा यातायात मन्त्री रघुवीर महासेठले सत्ताको प्रयोग गर्दै नागढुंगा-नाैबीसे सुरुङ मार्गको ठेक्कामा हस्तक्षेप गरेका छन् । 

जापान सरकारको सहुलियतपूर्ण ऋणमा निर्माण हुन लागेको उक्त आयोजना चीनलाई सुम्पिन मन्त्री महासेठले यस्तो षडयन्त्र रचेका हुन् । ठेकेदार छनाैटको अन्तिम अन्तिम मूल्याङकन हुनै लाग्दा बुधबार उनले आयोजना प्रमुखलाई हटाएका हुन् ।

आयोजना प्रमुख सञजय श्रेष्ठलाई रातारात हटाएका मन्त्रीले ठेक्कासम्बन्धी फाइल समेत च्याम्बरमा बोलाएका छन् । मन्त्री महासेठले आफ्ने रोहबरमा फाइल अध्ययन गराएर चीनलाई ठेक्का दिन विभिन्न चाल चल्दे आएका छन् ।

सुरुङ मार्ग बनाउन जापान सरकारले ठेक्का पाउन सक्ने आँकलन गर्दै चिनियाँ राजदुतले प्रधानमन्त्री केपी सर्मा आेली समक्ष असन्तुष्टि पोखेपछि आगामी चार महिनापछिसेवानिवृत्त हुन लागेका प्रमुख श्रेष्ठलाई हटाइएको हो । 

आयोजनाको अध्ययन तथा विस्तृत प्रतिवेदन (डीपीआर) तयार गर्ने, जग्गा अधिग्रहण प्रक्रिया अघि बढाउने र ठेक्कापट्टाका लागि सम्पूर्ण कार्य पूरा गरेर अन्तिम मूल्यांकन हुने बेला भएको छ । यतिखेर आयोजना प्रमुख हटाउनुलाई जापान सरकारले ‘गम्भीर षड्यन्त्र’ को रूपमा लिएको स्रोतले बतायो । नेपालका प्रमुख दातामध्ये जापान कुनै रणनीतिक स्वार्थ नभएको राष्ट्र हो।

जापानले यो आयोजनाका लागि करिब १६ अर्ब २८ करोड रुपैयाँ सहुलियत ऋण दिएको छ । यसमा १० वर्षसम्म ब्याज लाग्दैन र नेपाल सरकारले वार्षिक ०.०१ प्रतिशत ब्याजमा ४० वर्षभित्र ऋण तिरे पुग्छ । आयोजनाको जग्गा अधिग्रहण तथा मुआब्जाका लागि नेपाल सरकारले तीन अर्ब रुपैयाँ लगानी गर्दैछ ।

सुरुङ मार्गको लम्बाइ २.६८८ किलोमिटर छ। सुरुङको चौडाइ साढे नौ मिटर र उचाइ पाँच मिटर हुनेछ। ३.५ मिटरका दुई लेनको उक्त सुरुङमा १.५ मिटर चौडा इमर्जेन्सी ट्र्याक हुनेछ ।

© Copyright Nepalpana.com 2020. All rights reserved.
Design & Developed By : Journey For Tech