'प्रिपेड घुसखोरी' महेन्द्र यादव राजपाको संयोजक बन्दै

  |   प्रकाशित :

काठमाडाैं । वि.सं. २०६९ सालमा सिंचाइ मन्त्री हुँदा कर्मचारीको सरूवा र बढुवामा 'प्रिपेड घुस' खाएको आरोप खेपेका महेन्द्र यादवलाइ राजपाले संयोजक बनाउने भएको छ । 

महन्त ठाकुरपछि मंसिर ५ गतेबाट संयोजक रहेका राजेन्द्र महतोको दुइ महिने कार्यकाल सकिएसँगै प्रिपेड घुसवाला यादव राजपाको संयोजक हुन लागेका हुन् । 

यादव राजपाको अध्यक्ष मण्डलका सदस्य हुन् । मधेश केन्द्रित ६ दल गाभिएर बनेको राजपामा अहिलेसम्म पनि ६ जनाकै अध्यक्ष मण्डल कायम छ । पार्टी संयोजक भने म्यादी रूपमा तोक्ने गरिएको छ ।

राजपाको संयोजक चुनिन लागेका यादवले सिंचाइमन्त्री हुँदा इञ्जिनियरहरूको सरूवा बढुवामा प्रिपेड (काम हुनु अगावै) घुस लिएको समाचार सार्वजनिक भएको थियो । आफ्नो इच्छा बमोजिम सरूवा बढुवा नभएको भन्दै उनले त्यतिखेरकी उर्जा सचिव विन्द्रा हाडालाइ दुर्व्यवहार नै गरेका थिए । 

© Copyright Nepalpana.com 2020. All rights reserved.
Design & Developed By : Journey For Tech