धनगढी प्रिमियर लिग : रुपन्देहीको लगातार दोस्रो जित

  |   प्रकाशित :

कैलाली । धनगढी प्रिमियर लिग (डीपीएल) ट्वेन्टी–२० क्रिकेटमा रुपन्देही च्यालेन्जर्सले लगातार दोस्रो जित हासिल गरेको छ ।

मंगलबार धनगढीस्थित फाप्ला क्रिकेट मैदानमा भएको खेलमा रुपन्देहीले विराटनगर किंग्सलाई ५ विकेटले हरायो । टस जितेर पहिले ब्याटिङ गरेको विराटनगरले निर्धारित् २० ओभरमा ९ विकेटको क्षतिमा ९३ रनमात्र बनाउन सक्यो ।

राजेश पुलामीमगरले सर्वाधिक १७ रन बनाएको इनिङ्सलाई सस्तैमा समेट्नेक्रममा रुपन्देहीका पुनित मेहराले ३ तथा कप्तान वसन्त रेग्मी र ललित भण्डारीले समान २र२ विकेट लिए ।

जवाफमा रुपन्देहीले १३ ओभर १ बलमै ५ विकेटको क्षतिमा जित हासिल गर्‍यो । अलराउन्डर पुनितले २७ बलमा ४६ रन जोडे । विराटनगरका अभिनाश यादवले २ विकेट लिए । खेलको ‘म्यान अफ दी म्याच’ रुपन्देहीका पुनित मेहरा घोषित भए ।

© Copyright Nepalpana.com 2020. All rights reserved.
Design & Developed By : Journey For Tech