धर्म र राष्ट्रियता


नेपालपाना प्रकाशित: २०७५-११-१५ गते 09:17:34 AM
धर्म र राष्ट्रियता

बंशी कुमार शर्मा
प्रजातन्त्र पुनः स्थापनापछि बनेको संविधान २०४७ लाई पूर्ण क्रियाशीलका लागि संघर्षरत तत्कालीन सात राजनीतिक दल र सशस्त्र संघर्ष गरिरहेको नेपाल कम्युनिष्ट पार्टी माओवादीबीच भारतको उपस्थिति र सहमतिमा भारतको दिल्लीमा १२ बुुँदे घोषणा पत्र सम्पन्न भएको हो । घोषणापत्र सम्पन्न हुने बेला नेपाल हिन्दूराष्ट्रभएको कारण प्रजातन्त्र, शान्ति र विकासमा अवरोध भएको ठहर पनि छैन र घोषणापत्रमा कहिकतै हिन्दूराष्ट्रलाई हटाएर नेपाल राष्ट्र धर्मनिरपेक्ष बनाउनु पर्दछ भन्ने पनि उल्लेख गरिएको छैन ।

 तत्कालीन राजाको सक्रियतालाई निस्तेज गर्नको लागि शान्तिपूर्ण १९ दिने जनआन्दोलनको माग राष्ट्रलाई धर्मनिरेक्ष बनाउने थिएन । जनता, राजनीतिक दलहरुको एजेण्डा पनि थिएन र त्यस एजेण्डालाई जनसमर्थन पनि पाएको छैन केवल दुई चारवटा शीर्ष नेताहरुको उक्साहटका कारण मुलुक धर्मनिरपेक्ष बन्न पुगेको हो । जसले गर्दा आजसम्म कायम राख्दै आएको धर्म संस्कृति, भाषा, भेषभूषा मुलुकबाट हराएर जाने सम्भावना देखिन्छ । राष्ट्रिय पहिचानमा चारैतिरबाट भएको आक्रमण कै कारण मुलुक सार्वभौमसत्ता सम्पन्न राष्ट्र रहने या नरहने भन्ने प्रश्न उब्जिएको छ । ॐकार परिवारभित्र (हिन्दू, वैद्व, सिख, किराँत) ९५ प्रतिशत जनसंख्या बसोबास भएको मुलुकमा धर्मनिरपेक्ष बनाउन कति उचित अनुचित हुन्छ त्यसको विश्लेषण नगरी मनपरी ढंगले धर्म निरपेक्ष बनाउनु राम्रो पक्ष होइन ।

पंत्तिकारको भनाई अनुसार धर्म सापेक्ष हुुँदैमा अरु धर्मावलम्बीहरुलाई बसोबास गर्नु हुुँदैन भन्न खोजेको होइन केवल राष्ट्रको पनि धर्म हुन्छ । त्यसलाई बचाइराखेमा सबैको अस्तित्व कायम हुन्छ भन्न खोजेको मात्र हो । संसारका विकसित र प्रजातान्त्रिक मुलुकहरुको इतिहास हेर्दा सबै राष्ट्रहरुका आ–आफ्ना धर्म भएको पाइन्छ । त्यसैले राष्ट्रको धर्म हुुदैन भनेर प्रचार गर्नु भ्रम फैलाउनु हो । संसारको सबैभन्दा शक्तिशाली लोकतान्त्रिक विकसित मुलुक संयुक्त राज्य अमेरिकाको मुद्रामा “हामी भगवानमा विश्वास गर्छौ” भनेर लेखिएको हुन्छ । सन् १९८२ मा लागू भएको क्यानडाको संविधानको प्रस्तावनामा नै क्यानडा भगवान र कानुनको सांसदको सर्वोच्चता स्वीकार गर्ने सिद्धान्तमा स्थापित छ । यो कारणहरुले ति विकासित मुलुकहरुले धर्मलाई राष्ट्रको पहिचानसँग गाँसेर अगाडि लगेको देखिन्छ । राष्ट्रको धर्म नै देशको अस्तित्वसँग गाँसिएको हुनाले सबै प्रजातान्त्रिक मुलुकहरुले आ–आफ्नै धर्मलाई अगाडि सारेको देखिन्छ ।

राज्यको धर्म हुुँदैन भनेर चर्को स्वरमा वकालत गर्ने नेताहरुले धर्मको व्यापार गर्न आएकालाई देउता सरह पूज्ने गरेका छन् । ती नेताहरुले पूर्खा र सन्ततिहरुलाई ठूलो धोका दिएका छन् । 

हुनतः धर्म निरपेक्ष बनाउनमा जोड गर्ने शीर्ष नेताहरुले पनि जन्मदेखि मृत्युसम्मका क्रियाकलाप हिन्दू परम्परामा नै गर्ने गर्दछन् । बोली र व्यवहार फरक गर्नेले विश्वको इतिहास हेर्न जरुरी देखिन्छ । विश्वकै ग्रन्थहरु मध्येमा उच्च कोटीका ग्रन्थ वेद, गीता, महाभारत, रामायण, पतञ्जली, शिव, उपनिषद सबैमा जातभात, छुवाछुत कहिँकतै उल्लेख छैन । त्यसैले विश्वले उच्च कोटीमा राखेका हाम्रा ग्रन्थहरुलाई मात्र अध्ययन मनन गर्ने हो भने धेरै कुरा जान्न सकिन्छ । यस्तो तथ्य बुझ्न नसकेकै कारण विश्वकै उत्कृष्ट संस्कृति बोकेको हिन्दू धर्मलाई मेटाउनु भनेको मुलुकको अस्तित्व नै मेटाउनु हो । समाज विज्ञानका विज्ञहरुले भन्ने गर्दछन् कुनै पनि राष्ट्रको धर्म संस्कृति नष्ट भएमा त्यो राष्ट्र स्वतः हराएर जान्छ । त्यसैले कुनै पनि राष्ट्रको अलग अस्तित्वको लागि मौलिकता नै अपरिवर्तनीय हुनुपर्दछ ।

विविधताले भरिएको हाम्रो मुलुकमा अनेकताको प्रचार प्रसार गरेर मात्र राष्ट्रियता बलियो हुन सक्दैन । विश्वको एकमात्र हिन्दूराष्ट्र नेपालको अस्तित्व र पहिचान विश्वमै बेग्लै छ । यही नै नेपालको राष्ट्रियता बलियो आधार हुन सक्छ । किनकी विश्वको लोकतान्त्रिक मुलुकहरुले पनि आफ्नो अस्तित्व र पहिचान कायम राख्नको लागि राष्ट्रिय धर्म कायम गरेका हुन्छन् । उदाहरणको लागि विश्वकै शक्तिशाली राष्ट्र अमेरिकाका राष्ट्रपति, उपराष्ट्रपतिहरुले सपथ लिँदा बाइबलमा हात राखेर लिने गर्दछन् । त्यति मात्र होइन विश्वकै शक्तिशाली मुलुक संयूक्त राज्य अमेरिकाको राष्ट्रपति बन्नको लागि क्रिश्चियन धर्मालम्बी अनिवार्य छ । अरु धर्मालम्बी राष्ट्रको प्रमुख कार्यकारी पदमा हुन पाउँदैन । । अरव मुलुकहरुमा स्लामीक धर्मालम्बीहरु मात्र मुलुकको कार्यकारी पदमा हुन पाउँछन् । हाम्रै दक्षिण एसियालीकै छिमेकी मुलुक पाकिस्तानमा स्लामीक धर्मालम्बी(मुस्लिम)मात्रै राष्ट्रको कार्यकारी पदमा भएका छन् । त्यसो भन्दै गर्दा हाम्रो मुलुकमा अरु धर्मालम्बीहरु मुलुकको कार्यकारी पदमा हुनु हुँदैन भन्ने तर्क होइन । वास्तवमा सबै धर्मालम्बीहरुलाई समान अवसर, समान सम्मान र संरक्षण गर्नु पर्दछ । 

सबै धर्मालम्बीहरुले आफ्नो अधिकार प्रयोग गर्न पाउनु पर्दछ । यति भन्दै गर्दा हाम्रो मुलुक विश्वको एक मात्र हिन्दु राष्ट्र हो । हाम्रो पहिचान हिन्दुत्व हो । हिन्दु गणतन्त्र सम्भव छ । वास्तविक जरोसम्म नपुगेकाले हिन्दु गणतन्त्र सम्भव छैन भन्ने वकालत गर्ने गर्दछन् । विश्वमा हाम्रो पहिचान, चिनारी र राष्ट्रमा छरिएर रहेका सम्पूर्ण जातजाति, भाषाभाषी सबैलाई एकै थलोमा एकीकरण गर्न सक्ने शक्ति हिन्दुत्वमा छ । विभिन्न राष्ट्रहरुले आ–आफ्नो राष्ट्रिय धर्म कायम गरेका हुन्छन् त्यसैले आफ्नै अस्तित्व मेटाउने गरी नयाु नेपालको खोजी गर्नुभन्दा अस्तित्वको जगेर्ना गर्दै समृद्धशाली नेपाल बनाउनु नै राष्ट्रियता हो ।
 



रेशम चौधरीको फैसलामा उपेन्द्र यादवको ठुलो हात रहेको सनसनीपूर्ण खुलासा!

मन्त्री बीनाको छुद्रतामाथि प्रकाशको पहिलो पत्नी प्रभाको कुटनीतिक प्रहार, सिर्जनाको पीडामा मलमपट्टी

योगी आदित्यनाथ भ्रमण प्रकरणः जनकपुर पुगेर राजेन्द्र महतोले दिए निधिलाई यस्तो चेतावनी !

सुरक्षा संयन्त्रको ब्रिफिङपछि प्रधानमन्त्रीको फोन: प्रचण्ड जी पहिलेकै जस्तो त हुन्न नी, के गराैं ?

प्रकाशको पहिलो पूण्यतिथिमा मन्त्री बीनाले गरिन सिर्जनाको अपमान, मेयर रेणु समेत बीनासंगै !

सुजाताको लञ्च मिटिङः कोइराला परिवारको विरासतसंगै गगन थापालाई कार्यकारी जिम्मेवारीको तयारी !

भीषण युद्धको तयारी गर्नेगरि हतियार भित्र्याउँदै विप्लव, ओलीलाई सिके राउतको प्रशंसा गर्दै ठीक्क !





होलीको सदभाव !
होलीको सदभाव !

बंशी कुमार शर्मा हिन्दु धर्माबलम्बीहरुको रंगको चाड होली पूर्णिमा हो । हिन्दु संस्कृतिअनुसार प्रत्येक वर्षको फाल्गुन शुक्ल पूर्णिमाको दिनलाई होली पूर्णिमा भनिन्छ । हिन्दु धर..

बर्बादी र दुर्भाग्यमा बदलिँदै कम्युनिष्ट सत्ता ! जनताको पीडामा ओली-प्रचण्डको भद्दा मजाक
बर्बादी र दुर्भाग्यमा बदलिँदै कम्युनिष्ट सत्ता ! जनताको पीडामा ओली-प्रचण्डको भद्दा मजाक

काठमाडाैं । अहिलेका प्रधानमन्त्री केपी ओली र प्रचण्डलाई उनकै कार्यकर्ताले मार्क्स वा लेनिन मान्दा हुन्, तर सर्वसाधारण अधिक नागरिकले यी दुईप्रति हेर्ने दृष्ट्रिकोण निकै फर..

शान्तीको मलामी जान जोकरतन्त्रलाई  किन हतारो ? जनता मार्ने खेलोफड्कोमा कम्युनिष्ट सत्ता
शान्तीको मलामी जान जोकरतन्त्रलाई किन हतारो ? जनता मार्ने खेलोफड्कोमा कम्युनिष्ट सत्ता

काठमाडौं । भनिन्छ : बाँदरको ज्यानमा घाउ लाग्यो भने आफैंले कोट्याउँदा-कोट्याउँदै मर्छ । सत्तामा पनि जब बाँदरे स्वाभावका मानिसहरूको बाहुल्यता रहन्छ, देश युद्धको भँड्खारोमा..

चिनीया सामानमाथि करबृद्धि स्थगन गर्ने ट्रम्पको घोषणा
चिनीया सामानमाथि करबृद्धि स्थगन गर्ने ट्रम्पको घोषणा

वासिङ्टन । संयुक्तराज्य अमेरिकाका राष्ट्रपति डोनाल्ड ट्रम्पले चीन र अमेरिकाबीचको व्यापार वार्तामा “सन्तोषजनक प्रगति” भएको भन्दै चिनीया सामानको आयातमा यसअघि घोषणा ग..