शान्तीको मलामी जान जोकरतन्त्रलाई किन हतारो ? जनता मार्ने खेलोफड्कोमा कम्युनिष्ट सत्ता


नेपालपाना प्रकाशित: २०७५-११-३० गते 07:05:36 AM
शान्तीको मलामी जान जोकरतन्त्रलाई  किन हतारो ? जनता मार्ने खेलोफड्कोमा कम्युनिष्ट सत्ता

काठमाडौं । भनिन्छ : बाँदरको ज्यानमा घाउ लाग्यो भने आफैंले कोट्याउँदा-कोट्याउँदै मर्छ । सत्तामा पनि जब बाँदरे स्वाभावका मानिसहरूको बाहुल्यता रहन्छ, देश युद्धको भँड्खारोमा जाकिन्छ । 

नेपाल एकीकरणयता नै विभिन्न हत्याकाण्ड र शक्तिउन्मादका कारण दुर्घटनामा फसि लामो संक्रमण ब्यहोरेको नेपाल अहिले त्यस्ता शासकहरूको कब्जामा छ, जसले लगभग सकिएको संक्रमणलाई फेरि दोहो-याउन चाहन्छन् । 

दुइ तिहाइ बहुमतको सत्ता लगभग जोकरतन्त्रमा परिणत भएको छ । राजनीतिशास्त्रको सामान्य विद्यार्थीले पनि समाजमा बहुलता हुने हुनाले त्यहाँ असन्तुष्टि हुन्छ र त्यसलाइ राजनीतिक हिसाबले नै हल गर्नुपर्छ भन्ने बुझेको हुन्छ । तर नेपालको राजनीति र देशको मुहार फेर्छु भन्दै राष्ट्र र जनजीविकामाथि धावा बोलेका बर्तमान सत्ताधारी कम्युनिष्ट पार्टीका नेताहरूले यही बिषयलाई समेत बुझ्न सकेका छैनन । 

रिसराग, सत्ताउन्माद र अहमको चरमचुलीमा पुगेका ओली र प्रचण्ड यतिखेर फेरि देशलाइ गम्भीर दुर्घटनामा पार्ने षडयन्त्रको शिकार भइरहेका छन्, या उनीहरू स्वयं युद्धको खेती गर्न चाहन्छन । असन्तुष्ट नेपाल कम्युनिष्ट पार्टीमाथि प्रतिबन्ध लगाएर यी दुइ कम्युनिष्ट नेताले आफ्नो वास्तविक अनुहार अर्कै रहेको समेत खुलाएका छन् । 

विप्लवको असन्तुष्टिको मुख्य जिम्मेवारी ओली र प्रचण्डले लिनुपर्छ । किनकी, उनीहरूले नै साम्यवाद र समानताका ल्याउने भन्दै शुरू गरेको युद्धमा विप्लवहरू त पछि समेटिएका हुन् । शासक र व्यवस्था फेरिने तर जनताको जीवन नफेरिने अवस्थाका विरूद्ध विप्लवको लडाइँ केन्द्रीत भएको देखिन्छ । तर, कम्युनिष्ट सत्ता नै अर्को कम्युनिष्टविरूद्ध यति क्रुर भएको संसारमा सायदै छ । 

कम्युनिष्ट भ्रष्टीकरणका पर्याय बनेका ओली र प्रचण्डको जीवनशैली आम मानिसबाट पुरै अलग भएको छ र फरक छ । यिनका आसेपासे हनुमान र अरिङ्गालहरू समेत जनताको जीवनबाट पुरै अलगथलग भइसकेका छन् । संसदीय व्यवस्थाको निर्वाचनमा शासक चुन्नुपर्ने बाध्यताले मात्रै जनताको मत कहिले कांग्रेस, कहिले कम्युनिष्ट नामको बर्कोधारीहरूको कचाैरामा परिरहेको हो । अन्याथा : यदी छुट हुन्थ्यो भने जनताले शासकको इहलिला तमाम गरिसक्थे । 

देश बदल्छु भन्ने, निकै हल्लाबाजी गर्ने, विकासका खोक्रा र मनगढन्ते कुरामा जनतालाइ बारम्बार पंगु बनाउने, शासकको या सर्कसको जोकर नछुट्टिने खालका कुरा गर्ने, जिब्रोलाइ कहिल्यै नियन्त्रणमा नराख्ने, जनताको अभिव्यक्ति स्वतन्त्रतामाथि हमला गर्ने, आलोचना खेप्न नसकेपछि आक्रमणमै उत्रने वर्तमान ओली सरकारको विशेषता हो । देश विखण्डनको पासा फैलाइरहेको सिके राउत भन्ने कोही सनकीलाई मानमनितो गर्ने, तर सामाजिक न्याय र परिवर्तनका लागि ज्यू-ज्यान दिएका राजनीतिक व्यक्तिमाथि यतिविघ्न खनिनुका पछाडी जोकरतन्त्रको छनक मात्रै पाइन्छ ।

रोम जलिरहँदा बासुरी बजाउने निरोजस्तै भएका छन् ओली र प्रचण्ड । यी कहिले 'सिग्नेचर पोज' को फोटो खिचाउन व्यस्त छन्र, कहिले जुँगामा ताउ लगाउन । कुनै समय ओलीले प्रचण्डलाई भन्थे : ''काठमाडाैंमा रिसाएको बिरालो रोल्पा गइ खाँबो चिथो-यो ।'' देशको मुहार फेर्न ज्यु-ज्यान दिएका जनयुद्धका सेनाहरूलाई माकाफुइँ (नेवारी भाषामा बाँदर), ठेट्ना, आतंकी गुरिल्ला, लुटेराहरूको जत्था भन्ने ओलीसँग यतिखेर प्रचण्डको पार्टी नै मिलान भएको छ । 

प्रचण्डचाहिँ 'पत्रु कम्युनिष्ट नेता' को हैसियतमा यतिखेर आफैंले हाँकेको युद्धमाथि विषवमन गर्ने ओलीको आलिंगनमा छन् । युद्धमा आफुलाइ छविलालबाट 'प्रचण्ड' बनाउन अहोरात्र खट्ने र ज्यू-ज्यानको बाजी राख्ने नेत्र विक्रम चन्द 'विप्लव' चाहिँ प्रचण्डका शत्रु करार भएका छन् । 

राजनीतिक शक्तिमाथि दमन गर्दा जे भयो वा हुन्छ, मुलुकलाइ ओली र प्रचण्डले त्यतै लैजान खोजेका छन् । हातहतियारको राजनीति त्यागेर शान्तीपूर्ण संघर्षमा ल्याउन कोशिस गर्नुको साटो १० बर्षसम्म चलेको यूद्धको विसर्जनपश्चात असन्तुष्ट बनेको ठूलो शक्तिलाइ चिढ्याएर देशलाई अधोगतिमा पार्ने खेलोफड्कोमा ओली र प्रचण्ड जसरी लागेका छन्, त्यो निकै डरलाग्दो सर्कसको दृश्यजस्तो छ ।



रेशम चौधरीको फैसलामा उपेन्द्र यादवको ठुलो हात रहेको सनसनीपूर्ण खुलासा!

मन्त्री बीनाको छुद्रतामाथि प्रकाशको पहिलो पत्नी प्रभाको कुटनीतिक प्रहार, सिर्जनाको पीडामा मलमपट्टी

योगी आदित्यनाथ भ्रमण प्रकरणः जनकपुर पुगेर राजेन्द्र महतोले दिए निधिलाई यस्तो चेतावनी !

सुरक्षा संयन्त्रको ब्रिफिङपछि प्रधानमन्त्रीको फोन: प्रचण्ड जी पहिलेकै जस्तो त हुन्न नी, के गराैं ?

प्रकाशको पहिलो पूण्यतिथिमा मन्त्री बीनाले गरिन सिर्जनाको अपमान, मेयर रेणु समेत बीनासंगै !

सुजाताको लञ्च मिटिङः कोइराला परिवारको विरासतसंगै गगन थापालाई कार्यकारी जिम्मेवारीको तयारी !

भीषण युद्धको तयारी गर्नेगरि हतियार भित्र्याउँदै विप्लव, ओलीलाई सिके राउतको प्रशंसा गर्दै ठीक्क !





विप्लवका कार्यकर्ताविरुद्ध प्रहरी आक्रामक भएपछि गोली हानाहान, सादा पोसाकमा सेना खटाइयाे
विप्लवका कार्यकर्ताविरुद्ध प्रहरी आक्रामक भएपछि गोली हानाहान, सादा पोसाकमा सेना खटाइयाे

अछाम । अछाममा विप्लव कार्यकर्ता र प्रहरीबीच  दिउँसो गोली हानाहान भएको छ।रामारोशन गाउँपालिका वडा नम्बर ४ बाटुलासेनको झाँता दोहोरो गाेली हानाहान भएको प्रहरीले जनाएको छ। स्थ..

धर्ना बस्न खोज्ने पक्राउ
धर्ना बस्न खोज्ने पक्राउ

काठमाडौँ । पूँजी बजारको विकासका लागि आफ्ना विभिन्न माग सम्बोधन नभएको भन्दै नेपाल स्टक एक्सचेञ्जको भद्रकालीस्थित कार्यालयमा धर्नामा उत्रिएका शेयर लगानीकर्ता दवाब समूहका प्रतिनि..

अब प्रअ हुनलाई आउँदैछ नयाँ नियम
अब प्रअ हुनलाई आउँदैछ नयाँ नियम

काठमाडौँ । शैक्षिक सुधारका लागि शिक्षा नीति, कार्यक्रम तथा ऐनमा व्यापक सुधारको खाँचो औँल्याइएको छ । यसका लागि विद्यालयलाई साधारण, व्यावसायिक तथा प्राविधिक तहमा विभाजन गर्नुपर्..

इन्जिनियरहरूकाे शान्तिपूर्ण आन्दोलनमा प्रहरीले गरे लाठी चार्ज, दर्जनाै इन्जिनियर घाइते
इन्जिनियरहरूकाे शान्तिपूर्ण आन्दोलनमा प्रहरीले गरे लाठी चार्ज, दर्जनाै इन्जिनियर घाइते

काठमाडौं । सरकारले सेवा, सुविधावापतको रकम कटौति गरेको विरोधमा आन्दोलनरत इन्जिनियरहरुमाथि प्रहरीले लाठी चार्ज गरेको छ । पुनर्निर्माणमा खटिएका इन्जिनियरहरुले मंगलबार निषेधित क्ष..