बर्बादी र दुर्भाग्यमा बदलिँदै कम्युनिष्ट सत्ता ! जनताको पीडामा ओली-प्रचण्डको भद्दा मजाक


पालैपालो भ्रष्टाचार गराउन मन्त्री हेरफेरको हल्ला ! यसरी कुम्ल्याउँदैछन् अहिलेका मन्त्रीहरूले
नेपालपाना प्रकाशित: २०७५-१२-३ गते
बर्बादी र दुर्भाग्यमा बदलिँदै कम्युनिष्ट सत्ता ! जनताको पीडामा ओली-प्रचण्डको भद्दा मजाक

काठमाडाैं । अहिलेका प्रधानमन्त्री केपी ओली र प्रचण्डलाई उनकै कार्यकर्ताले मार्क्स वा लेनिन मान्दा हुन्, तर सर्वसाधारण अधिक नागरिकले यी दुईप्रति हेर्ने दृष्ट्रिकोण निकै फरक छ । 

बृद्धभत्ता दोब्बर बनाइदिन्छु भन्दै बुढाबुढी झुक्याएर चुनाव जितेका ओली-प्रचण्डको पार्टी (ने.क.पा.) को सरकार दिनहुँ जोक्करतन्त्रमा बदलिँदैछ । कमाउ धन्धाबाहेक ओलीका मन्त्रीहरूले महशुश हुनेगरि न अहिलेसम्म कुनै गतिला काम गरेका छन्, न हल्लाखल्लाको प्रपञ्च त्यागेका छन् । 

यतिखेर, ओली र प्रचण्ड अर्को नाटकमा लागेका छन् : मन्त्री फेर्ने । कारण : जनताको पक्षमा प्रभावकारी काम गर्न नसकेको । झट्ट सोच्दा दुइतिहाइ बहुमतको कम्युनिष्ट सत्ताले मन्त्री फेर्न देखाएको कारण जायज लाग्न सक्छ । कामै नगर्ने मन्त्रीलाई किन राख्नु र ? 

तर कुरा अर्कै छ । साविकको माओवादी र एमाले पार्टी गाभिएर अहिलेको (ने.क.पा.) बनेको हो । थोरै सांसद हुँदा पनि राजनीतिमा च्याँखेदाउ थापेर सत्तामा गइरहने बानी परेका प्रचण्ड र ओलीले चुनावमा पनि धेरै नै सांसद जिताउन सके । अब सकस भयो दुवैतर्फका नेताहरूको व्यवस्थापन । 

प्रचण्डले त आफ्ना जनसेनालाई नै शिविरबाटै चेक खोसेर खेदेका हुन् । साविकको माओवादी कार्यकर्ताहरू कि त निराश हुँदै विदेश भासिए, कि त हनुमानगिरी गर्दै गाउँगाउँमा भ्रष्टाचारी र आपराधिक गतिविधीमा सामेल भए । निकै थोरै मात्र इमान्दार कार्यकर्ताहरूले माओवादी पार्टी  जोगाउँदै आएका हुन् , त्यै पनि प्रचण्डले एमालेमा मिसाइदिए । 

महाकाली सन्धीअघि नै आर्थिक अनियमिततामा चुर्लुम्मै मुछिएका ओलीबारे त्यतिखेर बामदेव गाैतमले एमाले फुटाउँदा नै छरपष्ट पारिदिएका हुन् । पञ्चायतले झण्डै डेढदशक ठिंगुरामा कोचेपछि त्यसैको ब्याज खाँदै आएका ओली अहिले प्रधानमन्त्री छन् । यी मानिस देश र नागरिकप्रति जवाफदेही छैनन् भन्ने कुरा काठमाडाैंमा एकदिन सार्वजनिक यातायात चढ्दैमा थाहा हुन्छ । नगरबाट धुवाँ, धुलो, फोहोर र दुर्गन्ध समेत हटाउन नसक्ने यी ओलीले सत्ता टिकाउन र आफुलाई महान शासक कहलाउन अनेक फण्डा गर्दै आएका छन् । 

मन्त्री हेरफेरको नाैटंकी 

जसरी हल्ला गरेपनि, अनेक राजनीतिक दुर्घटना गराएपनि जनताले खेदो खन्न नछाडेपछि अहिले ओली-प्रचण्डले नयाँ फण्डा फालेका छन् : मन्त्री फेर्ने । यसभित्रको कुत्सित नियत बुझ्ने हो निकै भयंकर छ । 

एमालेमा मिसिएपछि प्रचण्डको समीकरण यसै-उसै भत्किएकै छ । साविकको एमालेका नेताहरूले पनि पद र प्रतिष्ठाका लागि गाभिएको दलका नेतासँग प्रतिष्पर्धा गर्नुपर्ने नै भयो । जड कुरो यहीँनेर छ । 

चुनावमा राम्रै संख्यामा सांसद बनाउन सकेपछि सबैलाई अवसर दिनैप-यो । सबैलाई करोडपति बन्नुछ, जनताको नाम जपेर सत्ताको तृष्णा मेट्नुछ । कम्युनिष्ट राजनीतिका सत्ताधारीहरूको सिंगो शक्ति नै साम्भ्रान्त वर्गमा बदलिँदै गरेका बेला अवसर नदिए त हनुमान र अरिंगालहरूले नै साथ छाड्ने भए । हो यहीँनेर जोडिएको छ मन्त्री फेर्ने सवाल । 

डंका पिटाएका मन्त्रीहरूको हविगत 

मन्त्री बनेपछि जनताका लागि सक्दो गर्ने प्रोपोगाण्डा मच्चाएका ओली क्याबिनेटका मन्त्रीहरू यतिखेर नराम्ररी नांगिएका छन् । गृहमन्त्री रामबहादुर थापा 'बादल' सत्तापतनको अग्रस्थानमा छन् । 

सिन्डिकेटधारी यातायात व्यवसायीमाथि कारबाही गर्ने जनाएका थापा कतिखेर ति व्यवसायीसँग बिके कुन्नि ! देशैभर यात्रुहरू सास्तीपूर्ण यात्रा गर्न बाध्य छन् । सरकार भन्छ : सिन्डिकेट हटिसक्यो । जनतामाथि यो भन्दा भद्दा मजाक के होला र ? 

श्रममन्त्री बनेका गोकर्ण बिष्ट मलेसियाको रोजगारी बन्द गरेर बसेका छन् । न यी देशमा रोजगारी सृजना गर्न सक्छन्, न त भिसा लागेका युवाहरूलाई परदेश जान दिन्छन् । बिष्ट यतिखेर पुरै मानवतस्कर र दलालहरूको चंगुलमा फसेका छन् । 

प्रचण्डले लोप्पा खुवाएपछि साविकको पार्टी नै फुटाएर चर्का क्रान्तिकारी भाषण गर्दै हिँड्ने मातृका यादव अहिले उद्याेग, बाणिज्य तथा आपूर्ति मन्त्री छन् । 'धम्क्याउने र उठाउने' गरेको भन्दै स्वार्थ समूहले नै यिनको बदनाम गरिरहेको छ । स्टन्ट गर्न माहिर यादवलाई पनि जनताले नपत्याइदिएपछि अहिले धुप सुँघेको लामखुट्टे झैं लठ्ठिएर बसेका छन् । 

भाैतिकमन्त्री रघुबीर महासेठको त चर्चा गरेर साध्यै छैन । सिन्डिकेटधारी यातायात व्यवसायीको स्वार्थमा यिनले जे काम गरे : त्यो गतिविधीले यी महासेठलाई  बदनाम पेटी ठेकेदारको हैसियतमा झारिदिएको छ । उपप्रधानमन्त्री नै बनेका इश्वर पोखरेलले त केहीअघि सिन्डिकेटधारी व्यवसायीकै कार्यक्रममा पुगेर सरकारले बन्द गरेको बैंकखाता खोलिदिने ठेक्का नै लिएका थिए । 

संसदमा दुइतिहाइ बहुमतको सत्ता, संविधान बनेर राजनीतिक संक्रमण लगभग सकिएको अवस्था, असन्तुष्ट खेमामा पनि कम्युनिष्टकै एक समूहमात्रै रहेको स्थिति, स्थायी सरकार...तर ओली र प्रचण्डमण्डलीको नाकामी र असक्षमताका कारण मुलुकको पोल्टामा बल्लतल्ल आएको यो अवसर क्रमश : दुर्भाग्यमा परिणत हुँदैछ । 



खाडीमा यसरी हुन्छ नेपाली चेली बलात्कारको सिकार

रेशम चौधरीको फैसलामा उपेन्द्र यादवको ठुलो हात रहेको सनसनीपूर्ण खुलासा!

पाकिस्तान प्रायोजित आतंकवादको स्वर्ग? यस्तो हुनुपर्छ नेपालको भूमिका

मन्त्री बीनाको छुद्रतामाथि प्रकाशको पहिलो पत्नी प्रभाको कुटनीतिक प्रहार, सिर्जनाको पीडामा मलमपट्टी

फरार नायब सुब्बा मदन गुप्ताले व्यापक भ्रष्टाचार गरेको प्रमाण भेटियो, १ अर्ब ५० करोडको सम्पति जोडेको दाबी (प्रमाणसहित)

योगी आदित्यनाथ भ्रमण प्रकरणः जनकपुर पुगेर राजेन्द्र महतोले दिए निधिलाई यस्तो चेतावनी !

सुरक्षा संयन्त्रको ब्रिफिङपछि प्रधानमन्त्रीको फोन: प्रचण्ड जी पहिलेकै जस्तो त हुन्न नी, के गराैं ?





कैलालीमा कडा सुरक्षा देखिएपछि रेशम चौधरीलाई छुटाउन सप्तरीमा चालियो यस्तो कदम, सिधै प्रधानमन्त्रीलाई...
कैलालीमा कडा सुरक्षा देखिएपछि रेशम चौधरीलाई छुटाउन सप्तरीमा चालियो यस्तो कदम, सिधै प्रधानमन्त्रीलाई...

पछिल्लो समयमा कैलालीमा कडा सुरक्षा बनाइएको छ। संघीय संसद सदस्य पदको शपथ लिएका रेशमलाल चौधरीसहित ११ जनामाथि लागेको जन्मकैदको मुद्दा खारेज गरी अविलम्ब रिहा गर्नु पर्ने भन्दै सप्..

शान्तीको मलामी जान जोकरतन्त्रलाई  किन हतारो ? जनता मार्ने खेलोफड्कोमा कम्युनिष्ट सत्ता
शान्तीको मलामी जान जोकरतन्त्रलाई किन हतारो ? जनता मार्ने खेलोफड्कोमा कम्युनिष्ट सत्ता

काठमाडौं । भनिन्छ : बाँदरको ज्यानमा घाउ लाग्यो भने आफैंले कोट्याउँदा-कोट्याउँदै मर्छ । सत्तामा पनि जब बाँदरे स्वाभावका मानिसहरूको बाहुल्यता रहन्छ, देश युद्धको भँड्खारोमा..

चिनीया सामानमाथि करबृद्धि स्थगन गर्ने ट्रम्पको घोषणा
चिनीया सामानमाथि करबृद्धि स्थगन गर्ने ट्रम्पको घोषणा

वासिङ्टन । संयुक्तराज्य अमेरिकाका राष्ट्रपति डोनाल्ड ट्रम्पले चीन र अमेरिकाबीचको व्यापार वार्तामा “सन्तोषजनक प्रगति” भएको भन्दै चिनीया सामानको आयातमा यसअघि घोषणा ग..

ओली–प्रचण्डले देखाए र्दुइ तिहाइको दम्भ, केही नलागेपछि गायक शर्माले युट्युबबाट हटाए गीत
ओली–प्रचण्डले देखाए र्दुइ तिहाइको दम्भ, केही नलागेपछि गायक शर्माले युट्युबबाट हटाए गीत

४ फागुन, काठमाडौं । सरकार, नेता र कर्मचारीहरूलाई ब्यंग्य गरेर गायक पशुपति शर्माले गाएको ‘लुट्न सके लुट कान्छा’ बोलको लोकप्रिय लोकगीत सरकारपक्षीय कार्यकर्ताको तिब्र..