विप्लवलाई गोली हान्न ओली-प्रचण्डको निर्देशन

  |   प्रकाशित :

काठमाडाैं । प्रतिबन्ध लगाएको एकसाता नपुग्दै सत्ताधारी (ने.क.पा.) का अध्यक्ष तथा प्रधानमन्त्री खड्ग प्रसाद ओली र अर्का अध्यक्ष पुष्पकलम दाहालले नेपाल कम्युनिष्ट पार्टीका नेता नेत्र विक्रम चन्द 'विप्लब' र कार्यकर्ताहरूलाई गोली हान्न निर्देशन दिएको खुलेको छ । 

सुरक्षा व्यवस्था कडा बनाउन निर्देशन आएको र देख्नासाथ गोली हान्न सर्कुलर जारी गरिएको प्रहरीको उच्चस्रोतले जानकारी दियो । अहिले विप्लव नेतृत्वको पार्टीको वाहुल्यता रहेका जिल्लामा प्रहरीले ब्यापक अप्रेसन गरिरहेको छ भने कार्यकर्ता गिरफ्तार गरिरहेको छ । 

प्रतिबन्धित पार्टीको प्रभाव रहेका क्षेत्रमा अहिले सरकारले निकै संख्यामा प्रहरी खटाएको छ । प्रदेशबाट प्रहरी परिचालन गरिएपनि ओली र प्रचण्डकै निर्देशनमा काठमाडाैंबाट समेत थप प्रहरी पठाइएको स्रोतले जानकारी दियो ।

कर छली गरेको एनसेल टावर र विदेश पठाइदिने भन्दै युवा ठग्ने वैदेशिक रोजगारी व्यवसायी संघका अध्यक्ष रोहन गुरूङको घरमा विस्फोट गराएपछि अहिले सरकारले विप्लवको पार्टीमाथि प्रतिबन्ध लगाएको छ । ललितपुरमा विप्लव समूहले विस्फोट गराउँदा १ जना सर्वसाधारणको समेत मृत्यु भएको थियो । 

व्यापक चन्दा असुली र विस्फोट तथा विदोहोन्मुख राजनीतिक गतिविधी बढाउँदै लगेपछि सो पार्टी प्रतिबन्धमा परेको हो । 

© Copyright Nepalpana.com 2020. All rights reserved.
Design & Developed By : Journey For Tech