Logo

बिहिवार, श्रावण २६ गते २०७९

images

सुदूरपश्चिममा अध्यक्ष ओलीलाई आफ्नैबाट नसोचेको घात, अब ठूलो परिणाम भोग्नुपर्ने

सुदूरपश्चिममा अध्यक्ष ओलीलाई आफ्नैबाट नसोचेको घात, अब ठूलो परिणाम भोग्नुपर्ने

नेपालपाना जेठ २५ २०७८
  • 8.0K
    SHARES
  • सुदूरपश्चिममा अध्यक्ष ओलीलाई आफ्नैबाट नसोचेको घात, अब ठूलो परिणाम भोग्नुपर्ने

    धनगढी । सुदूरपश्चिम प्रदेशमा प्रधानमन्त्री एवं नेकपा एमालेका अध्यक्ष केपी शर्मा ओलीमाथि ठूलो घात भएको छ ।

    ओलीमाथि आफ्नैले पदलोलुपतामा घात गरेका हुन् । खासगरी भीम रावलको लहलहैमा लागेर आफ्नै समूहका सांसदले घात गरेपछि सुदूरपश्चिमका मुख्यमन्त्री त्रिलोचन भट्टले विश्वासको मत पाएका छन् ।

    मुख्यमन्त्रीको पक्षमा ३० जनाले मतदान गरे भने उनको विपक्षमा ९ मतमात्र परेकव थियो । १२ जना प्रदेश सांसद तटस्थ बसे । प्रतिपक्षी कांग्रेसले मुख्यमन्त्री भट्टलाई साथ दियो । अध्यक्ष ओली पक्षीय ७ सांसदले फ्लोर क्रस गरे । यो नै सबैभन्दा ठूलो घात थियो ।

    ओली समूहमा रहेका पठान सिंह बोहरा, लीलाधर भट्ट, गेल्बु सिङ बोहरा, रतन थापा, माया तामा बोहरा, नेपालु चौधरी, बलदेव रेग्मीले फ्लोर क्रस गरेका हुन् । अहिले प्रदेशसभामा सबैभन्दा ठूलो दल एमालेका सभामुख बाहेक २४, माओवादीका १३, कांग्रेसका १२ र जनता समाजवादी पार्टी नेपालका दुई जना छन् ।

    अध्यक्ष ओली समूहले सुदूरपश्चिममा माधव नेपाल पक्षका १५ जनालाई कारवाही गरेको थियो भने विपक्षमा मतदान गर्न ह्विप जारी गरेको थियो ।

    एमालेका प्रदेश अध्यक्ष कर्ण थापा र सचिव राजेन्द्र रावलले संसदीय दलका नेता प्रकाशबहादुर शाह र प्रमुख सचेतक दुर्गा विकलाई विपक्षमा मतदान गर्नका लागि ह्विप जारी गर्न निर्देशनसहित पत्र पठाएका थिए । माधव नेपाल पक्षका सांसदहरुको बैठकले एमाले केन्द्रको ह्विप उल्लंघन गर्ने निर्णय गरेको थियो ।

    आफ्नै समूहका र माधव नेपाल समूहकाले मिलेर अल्पमतमा रहेका भट्टलाई विश्वासको मत दिएपछि प्रधानमन्त्री ओली जवाफ दिने तयारीमा जुटेका छन् ।

    ओलीले सबैलाई कारवाही गर्ने रणनीति लिएका छन् । पार्टी अनुशासनमा नरहने सबैलाई पदमुक्त गर्ने पार्टीको तयारी छ ।

    जेठ २५, २०७८ मंगलवार १४:३५:४९ बजे : प्रकाशित

  • सम्बन्धित विषय:

  • # एमाले

  • नेपालपाना

    सम्बन्धित समाचार

    Copyright © All right reserved to Nepalpana

    Site By: SobizTrend