Logo

सोमवार, कार्तिक ८ गते २०७८

images

राजश्व विभागमा प्रविधिमैत्री  अनुसन्धान

राजश्व विभागमा प्रविधिमैत्री  अनुसन्धान

नेपालपाना आश्विन १ २०७८
  • 1.9K
    SHARES
  • राजश्व विभागमा प्रविधिमैत्री  अनुसन्धान

    काठमाडौं। मुख्यसचिव शङ्करदास बैरागीले राजश्व अनुसन्धान विभागले गर्ने अनुसन्धानलाई प्रविधिमैत्री बनाउन निर्देशन दिएका छन् । 

    विभागको समीक्षा गोष्ठीलाई आज सम्बोधन गर्नुहुँदै उनले कानून, नियम, कार्यविधिमा सुधार, समन्वय, क्षमता विकास, अनुगमन, प्रतिवेदन र आमसञ्चारसँग अन्तरक्रिया गर्ने विषयमा ध्यान दिन निर्देशन दिएका हुन् ।

    गोष्ठीमा प्रधानमन्त्री तथा मन्त्रिपरिषद्को कार्यालय, अर्थ मन्त्रालय, भन्सार विभाग, आन्तरिक राजस्व विभाग तथा सुरक्षा निकाय तथा निजी क्षेत्र समेतको उपस्थिति थियो । 

    प्रधानमन्त्री तथा मन्त्रिपरिषद्को कार्यालयका सचिव भरतमणि सुवदीले राजस्व चुहावट नियन्त्रण र विदेशी विनिमय अपचलन नियन्त्रणका लागि अन्तर निकायगत आवद्धता र समन्वय राखेर काम गनुपर्नेमा जोड दिए ।
     
    कार्यक्रमका अध्यक्ष तथा विभागका महानिर्देशक रामप्रसाद आचार्यले ‘भिसिटिएस’ कार्यान्वयनमा सहयोग गरेकोमा निजीक्षेत्रप्रति सम्मान व्यक्त गरे । 

    उनले राजस्व चुहावट तथा विदेशी विनीमय अपचलनजस्ता कानून विपरितका कार्यलाई हतोत्साही गर्न सम्वन्धित निकायहरूबीच समन्वय राखेर कार्य गर्ने र अनुसन्धानलाई प्रभावकारी बनाउँदै लैजाने बताए । 

    अर्थ मन्त्रालयका सहसचिव रामेश्वर दङ्गालले अपराधिक कार्य कुन हो  भन्ने छुट्याएर सोमा अनुसन्धान केन्द्रित गर्नुपर्ने र अदालतबाट भएको फैसला अध्ययन गरेर सोही बमोजिम अनुसन्धानको रणनीति अद्यावधिक गर्नुपर्ने आवश्यकता औंल्याए ।

    आश्विन १, २०७८ शुक्रवार २०:४९:२६ बजे : प्रकाशित

  • सम्बन्धित विषय:

  • # अर्थ

  • नेपालपाना

    सम्बन्धित समाचार

    Copyright © All right reserved to Nepalpana