Logo

बिहिवार, श्रावण २६ गते २०७९

images

कांग्रेसमा हिन्दु राष्ट्रको नेतृत्व लिने प्रस्ताव, अब कम्युनिस्टहरुको पत्तासाप हुने

कांग्रेसमा हिन्दु राष्ट्रको नेतृत्व लिने प्रस्ताव, अब कम्युनिस्टहरुको पत्तासाप हुने

नेपालपाना कार्तिक १६ २०७८
  • 14.5K
    SHARES
  • कांग्रेसमा हिन्दु राष्ट्रको नेतृत्व लिने प्रस्ताव,  अब कम्युनिस्टहरुको पत्तासाप हुने

    काठमाडौं । सत्तारुढ नेपाली कांग्रेसमा हिन्दु राष्ट्रको नेतृत्व लिनुपर्ने प्रस्ताव आएको छ ।

    कपिलवस्तु क्षेत्र नम्बर ३ बाट निर्वाचित सांसद अभिषेकप्रताप शाहले हिन्दु राष्ट्रको प्रस्ताव गरेका हुन् । कांग्रेसमा पछिल्लो समय हिन्दुत्वको मुद्दाले जागरण ल्याएको छ ।

    सुरुमा खुमबहादुर खड्का समूह, महामन्त्री शशांक कोइरालाले यो विषय उठाउँदै आएका थिए । अब भने विमलेन्द्र निधि, बालकृष्ण खाँड, रामचन्द्र पौडेलहरु पनि हिन्दु धर्मको एजेण्डामा पुनर्विचार गर्नुपर्ने अवस्थामा पुगेका छन् । यस्तो बेला कांग्रेस सांसद शाहले औपचारिक रुपमै हिन्दु राष्ट्रको प्रस्ताव पार्टीमा राखेका हुन् ।

    उनले कांग्रेसले देशलाई फेरि ‘हिन्दु राष्ट्र’ बनाए मात्र कम्युनिस्टहरुलाई कडा जवाफ दिन सकिने पनि उल्लेख गरेका छन् । हिन्दु राष्ट्रको एजेण्डाले कम्युनिस्ट आफै विलुप्त हुँदै जाने उनको तर्क छ । कांग्रेस महाधिवेशनमा पनि हिन्दु राष्ट्रको एजेण्डा उठ्ने निश्चित छ ।

    अघिल्लै महाधिवेशनमा पनि ६ सय भन्दा बढी प्रतिनिधिले सामूहिक हिन्दु राष्ट्रको एजेण्डा उठाउन प्रस्ताव गरेका थिए ।

    कार्तिक १६, २०७८ मंगलवार ११:५८:२४ बजे : प्रकाशित

  • सम्बन्धित विषय:

  • # हिन्दु
  • # अभिषेकप्रताप शाह

  • नेपालपाना

    सम्बन्धित समाचार

    Copyright © All right reserved to Nepalpana

    Site By: SobizTrend