Logo

बुधवार, आषाढ २२ गते २०७९

images

यसकारण सभापतिमा अन्तिम पटक भिड्दैछन् शेरबहादुर देउवा, सिटौलाको ग्रिन सिग्नल

यसकारण सभापतिमा अन्तिम पटक भिड्दैछन् शेरबहादुर देउवा, सिटौलाको ग्रिन सिग्नल

नेपालपाना मंसिर २१ २०७८
  • 16.9K
    SHARES
  • यसकारण सभापतिमा अन्तिम पटक भिड्दैछन् शेरबहादुर देउवा, सिटौलाको ग्रिन सिग्नल

    काठमाडौं । नेपाली कांग्रेसको १४औं महाधिवेशनमा सभापति पद फेरि उठ्ने तयारीमा रहेका प्रधानमन्त्री शेरबहादुर देउवाले आफूलाई साथ दिन अपिल गरेका छन् । फेरि सभापतिमा चुनिए आफूले अझ राम्रो काम गर्ने देउवाको भनाइ छ । 

    सोमबार प्रधानमन्त्री निवास बालुवाटारमा सञ्चारकर्मीहरूसँगको कुराकानीमा देउवाले पार्टीको विधानबमोजिम एक पटक सभापति बन्न चाहेको बताए । आफू सभापति बन्ने यो मौका अन्तिम पटक भएको उनको भनाइ थियो । 

    उनले भने, 'म पार्टीको विधानबमोजिम एक पटक सभापति बन्न चाहेको छु । यो अन्तिम पटक हो । म प्रधानमन्त्री पनि छु । यो मुलुकको व्यवस्थाको रक्षाका लागि गठबन्धनको नेतृत्व गर्दै प्रधानमन्त्री भएको हुँ । मैले फेरि सभापति भए भने अझै राम्रो गर्न सक्छु । त्यसैले मैले पार्टीका साथीहरूलाई पनि आग्रह गरेको छु । तपाईंहरूमार्फत सबैलाई आग्रह गर्न चाहन्छु । एकपटक मलाई सहयोग गरिदिनुस् ।'

    त्यसो त देउवालाई पूर्वमहामन्त्री एवं कांग्रेसभित्र तेस्रो धार मानिने कृष्ण सिटौलाले पनि सघाउने संकेत गरेका छन् । वडा र क्षेत्रीय तथा जिल्ला अधिवेशनमा सिटौलासँग देउवाको सहकार्य भइसकेको छ । सिटौलाको ग्रीन सिग्नल पाएका देउवाले आफ्नो सभापतिमा बलियो दाबेदारी प्रस्तुत गरेका छन् ।

    मंसिर २१, २०७८ मंगलवार ०९:०५:०२ बजे : प्रकाशित

  • सम्बन्धित विषय:

  • # शेरबहादुर देउवा

  • नेपालपाना

    सम्बन्धित समाचार
    ताजा अपडेट

    Copyright © All right reserved to Nepalpana

    Site By: SobizTrend