Logo

बुधवार, भाद्र १ गते २०७९

images

नेपाल प्रहरीमा तीन एआईजी थपिँदै, गृहमन्त्री खाडले अन्यायमा पारिएका काबिल अफिसरलाई मौका दिँदै

नेपाल प्रहरीमा तीन एआईजी थपिँदै, गृहमन्त्री खाडले अन्यायमा पारिएका काबिल अफिसरलाई मौका दिँदै

नेपाल पाना पौष २६ २०७८
  • 25.8K
    SHARES
  • नेपाल प्रहरीमा तीन एआईजी थपिँदै, गृहमन्त्री खाडले अन्यायमा पारिएका काबिल अफिसरलाई मौका दिँदै

    काठमाडौं । सरकारले नेपाल प्रहरीमा प्रहरी अतिरिक्त महानिरीक्षक (एआईजी) थप्ने तयारी गरेको छ । नयाँ दरबन्दी सिर्जना गरेर एआईजी थप्न लागिएको हो । यसका लागि प्रहरी प्रधान कार्यालयले गृह मन्त्रालयलाई सिफारिस गरिसकेको छ ।

    प्रहरी हेडक्वार्टरको प्रस्तावमा गृहले एआईजी थप्ने प्रस्ताव क्याविनेटमा लैजाने तयारी गरेको छ । प्रहरी प्रधान कार्यालयले प्रशासन विभाग, प्रदेश समन्वय विभाग र केन्द्रीय अनुसन्धान ब्यूरोमा प्रमुख रहनेगरी एआईजी थप्न भनेको हो । यी निकायमा अहिले डीआईजी प्रमुख छन् । एआईजी थप भएसँगै अन्यायमा परेका केही काबिल र स्वच्छ छविका डीआईजीलाई न्याय हुनेछ ।

    गृहमन्त्री बालकृष्ण खाडले अन्यायमा परेका डीआईजीलाई न्याय दिने यो प्रस्तावमा सहमत छन् । अब एआईजीमा बढुवा हुने तीन डीआईजीले यसअघि पोलिटिकल पावरमा कुनै क्षमता नभए पनि एआईजी भएका विश्वराज पोखरेल र सहकुल थापासँगै आईजीपी हुन प्रतिस्पर्धा गर्नेछन् ।

    हालका आईजीपी शैलेश थापा क्षेत्रीले आउँदो वर्ष वैशाख १९ मा अवकाश पाउने भएकाले त्यसपछि अहिले बढुवा भएका मध्येबाट पनि जसको कार्यसम्पादन अब्बल हुन्छ उनी बढुवा हुन सक्नेछन् ।

    यस हिसाबमा कार्यसम्पादनमा अब्बल केन्द्रीय अनुसन्धान ब्यूरोका डीआईजी धीरजप्रताप सिंह, महानगरीय प्रहरी कार्यालय रानीपोखरीमा कार्यरत डीआईजी उत्तमराज सुवेदीलाई एआईजीमा बढुवा गर्ने तयारी छ ।

    त्यसैगरी अन्य एक पदमा घनश्याम अर्याल, ईश्वरबावु कार्की, बसन्त पन्त, बसन्त लामा र रविन्द्र धानुक, अरुण बिसी लगायत प्रतिस्पर्धामा छन् । सबैले आ-आफ्नो हिसाबले लबिइङ गरिरहेका छन् ।

    पौष २६, २०७८ सोमवार १३:१९:१० बजे : प्रकाशित

    सम्बन्धित समाचार

    Copyright © All right reserved to Nepalpana

    Site By: SobizTrend