Logo

बिहिवार, जेठ १२ गते २०७९

images

गणतन्त्र दिवसको अवसरमा नेपाल स्थित भूपू सेनालाई भारतले गर्याे ठूलो सहयोग

गणतन्त्र दिवसको अवसरमा नेपाल स्थित भूपू सेनालाई भारतले गर्याे ठूलो सहयोग

नेपालपाना माघ १२ २०७८
  • 8.9K
    SHARES
  • गणतन्त्र दिवसको अवसरमा नेपाल स्थित भूपू सेनालाई भारतले गर्याे ठूलो सहयोग

    काठमाडौं । भारतको ७३ औं गणतन्त्र दिवसको अवसरमा ‘आजादीका अमृत महोत्सव’ अन्तर्गतको  कार्यक्रममार्फत भारतीय राजदूतावासको रक्षा प्रभागले नेपालमा असहायतलाई गतिशीलता सामग्री वितरण गरेको छ ।

    ‘आजादीका अमृत महोत्सव’ अन्तर्गतको कार्यक्रमको रुपमा धरानस्थित पेन्सन वितरण कार्यालयको तत्वावधानमा भारतीय सेना तथा आसाम राइफल्सका भूपू सैनिकका लागि धरानमा मोबिलिटी एड डिस्ट्रिब्युसनको आयोजना गर्दै उक्त सामग्री वितरण गरेको हो ।

    भारतीय सेनाका भूपू सैनिकहरुको कल्याण हेतु रक्षा प्रभागले चालेका थुप्रै प्रयासहरुमध्येकै यो शिविर एक हो ।

    यस शिविरमा ३२ जना दिव्यङ्गजन भूपू तथा उहाँहरुका परिवारका सदस्यहरुलाई ह्वीलचेयर तथा वैसाखी प्रदान गरिएको थियो । 

    उमेर सम्बन्धी अशक्तता÷दुर्बलता र अन्य स्वास्थ्य समस्याबाट पीडित भूपू सैनिक तथा उहाँका परिवारका सदस्यहरुलाई पेन्सन डक्युमेन्टेसन क्याम्प तथा ¥यालीमार्फत पहिचान गरिएको थियो । 

    धरानस्थित वी।पी। कोइराला स्वास्थ्य विज्ञान प्रतिष्ठानको अर्थोपेडिक्स विभागले स्वास्थ्य परीक्षणमा सहयोग गरेको थियो । यस किसिमको मोबिलिटी एडले पीडितहरुको शारीरिक क्रियाकलापमा सघाउदै उहाँहरुलाई समाजसँग जोड्न मद्दत गर्नेछ ।

    महामारीको समयमा आफ्ना भूपू सैनिक तथा समाजको हित हुने काम गर्न तथा उहाँहरुको समस्या निराकरण गर्न रक्षा प्रभागले विविध उपायहरु अपनाइरहेको छ । 

    समयमै पेन्सनको भुक्तानी, भर्चुअल आइडेन्टिफिकेसन, डिजिटलाइजेसन, रक्तदान शिविर, रासन वितरण, मास्क तथा स्यानिटाइजरको वितरण, स्थानीय प्रशासनलाई सहयोग, ह्वीलचेयरको वितरण, धेरै भन्दा धेरै क्षेत्रहरु समेट्न नयाँ डक्युमेन्टेसन ¥याली जस्ता विभिन्न कार्यहरु प्रभागले गर्दै आएको छ । 

    विभागले यसलाई आफ्ना भूपू सेना तथा नेपाली समाजको कल्याणका लागि आफ्नो चासो र प्रतिबद्धतालाई जनाएको बताएको छ । विज्ञप्ती जारी गर्दै विभागले भनेको छ, “हाम्रा भूपू सेनाका लागि हामी थियौं, हामी छौं र हामी सदैव रहनेछौं” 

    माघ १२, २०७८ बुधवार १९:१२:३४ बजे : प्रकाशित

  • सम्बन्धित विषय:

  • # नेपाल–भारत सम्बन्ध

  • नेपालपाना

    सम्बन्धित समाचार
    ताजा अपडेट

    Copyright © All right reserved to Nepalpana

    Site By: SobizTrend