Logo

मंगलवार, आषाढ १४ गते २०७९

images

बालुवाटारमा देउवा र ओलीबीच वार्ता, के यो मिलनको संकेत हो ?

बालुवाटारमा देउवा र ओलीबीच वार्ता, के यो मिलनको संकेत हो ?

नेपालपाना माघ २३ २०७८
  • 5.7K
    SHARES
  • बालुवाटारमा देउवा र ओलीबीच वार्ता, के यो मिलनको संकेत हो ?

    काठमाडौं। नेकपा एमालेका अध्यक्ष केपी शर्मा ओली आइतबार अपरान्ह बालुवाटारमा गएर प्रधानमन्त्री शेरबहादुर देउवासँग वार्ता गर्ने भएका छन् ।

    प्रधानमन्त्री देउवाले छलफलका लागि बोलाएपछि ओली अपरान्ह ४ बजे महासचिव शंकर पोखरेललाई लिएर बालुवाटार जान लागेका हुन् ।

    एमालेको प्रचार विभागले प्रधानमन्त्रीसँग समसामयिक विषयमा छलफल गर्न ओली बालुवाटार जाने कार्यक्रम तय भएको बताएको छ ।

    समसामयिक बिषयमा छलफल गर्ने भनिए पनि संसदमा देखिएको गतिरोध खुलाउने विषय, स्थानीय तह निर्वाचनको मिति र अमेरिकी परियोजना एमसीसीबारे छलफल हुने सम्भावना रहेको बालुवाटार स्रोतले जनाएको छ ।

    गत असारमा सरकारबाट बाहिरिएपछि ओली पहिलो पटक बालुवाटार जान लागेका कारण समेत ओलीको यो वार्तालाई अर्थपूर्ण तरिकाले हेरिएको छ ।

    यस्तै एमसीसीले सत्ता गठबन्धनमा किचलो भइरहेका बेला ओली र देउवाबीच वार्ता हुनुले सत्ता गठबन्धनलाई समेत तरंगीत बनाएको छ । 

    छलफलमा देउवाले माओवादी केन्द्रका अध्यक्ष पुष्पकमल दाहाल प्रचण्डलाई पनि बोलाएका छन् । यद्यपि, उनी जाने नजानेबारे टुंगो लागेको छैन ।

    माघ २३, २०७८ आइतवार १४:२३:२५ बजे : प्रकाशित

    सम्बन्धित समाचार

    Copyright © All right reserved to Nepalpana

    Site By: SobizTrend