Logo

शनिवार, आषाढ ११ गते २०७९

images

एमसीसी अनुमोदनपछि आत्तियो चीन, चिनियाँ स्वार्थ केन्द्रित प्रस्तावसहित जिङपिङका दुत आउँदै

एमसीसी अनुमोदनपछि आत्तियो चीन, चिनियाँ स्वार्थ केन्द्रित प्रस्तावसहित जिङपिङका दुत आउँदै

नेपाल पाना फाल्गुण २५ २०७८
  • 8.4K
    SHARES
  • एमसीसी अनुमोदनपछि आत्तियो चीन, चिनियाँ स्वार्थ केन्द्रित प्रस्तावसहित जिङपिङका दुत आउँदै

    काठमाडौं । उत्तरी छिमेकी चीनले उच्चस्तरीय प्रतिनिधिमण्डल काठमाडौं पठाउने भएको छ । संसदबाट अमेरिकी एमसीसी सम्झौता अनुमोदन भएपछि चिन्तित बनेको बेइजिङले विदेशमन्त्री वाङ यीको नेतृत्वमा उच्चस्तरीय टोली पठाउन लागेको हो ।

    चैत दोस्रो साता दुईदिने भ्रमणका क्रममा ६ सदस्यीय चिनियाँ उच्च टोली काठमाडौं उत्रिने परराष्ट्र मन्त्रालयले जनाएको छ । चिनियाँ टोलीले एमसीसीलाई कार्यान्वयन हुन अवरोध हुनेगरी नयाँ प्रस्ताव बीआरआई कार्यान्वयन ल्याउन लागेको हो ।

    नेपालले हालैमात्र अमेरिकी सहयोग अनुदान मिलेनियम च्यालेञ्ज कर्पोरेशन (एमसीसी) सम्झौता प्रतिनिधि सभाको बैठकबाट पारित गरेसँगै त्यसको विरोधमा रहेको बेइजिङले विदेश मन्त्रीलाई नेपाल पठाउन लागेको हो । चीनले एमसीसी पारित गर्न नहुने भन्दै लबिङ गर्दै आएको थियो ।

    एमसीसी गत फागुन ८ गते संसदमा पेश भएसँगै त्यसलाई रोक्नसमेत चीनले नेकपा माओवादी केन्द्र र नेकपा एकीकृत समाजवादीका नेताहरुलाई सम्पर्क गरेर एमसीसी पारित नगर्न दबाब दिएको थियो ।

    चिनियाँ विदेश मन्त्रीले पटक पटक पत्रकार सम्मेलन गर्दै बेइजिङमै कसैले दबाबमा दिएको उपहार पनि लिन्छ ? भन्दै नेपाललाई भड्काइरहेका थिए । नेपालले एमसीसी पारित गर्ने विषयमा चीन र अमेरिकाबीच वाकयुद्ध नै चलिरहेको थियो । तर एमसीसी पारित गरेपछि चीनले ‘नोट गरेको’ मात्र प्रतिक्रिया दिएको थियो ।

    एमसीसी पारित नै भएपछि अब भने चीनले नेपालले यसअघि सहमति जनाएको बीआरआई (बेल्ट एन्ड रोड इनिसिएटिभ लाई अगाडि बढाउनका लागि नेपाल आउन लागेको बुझिएको छ । चीनले चर्को मूल्यमा ऋण दिएको आरोप लागिरहेका बेलामा बीआरआईमार्फत नेपाललाई जोड्नका लागि चिनियाँ विदेश मन्त्रीको टोली नेपाल आउन लागेको बताइन्छ ।

    फाल्गुण २५, २०७८ बुधवार ११:५०:१७ बजे : प्रकाशित

  • सम्बन्धित विषय:

  • # चीन
  • # एमसीसी

  • नेपाल पाना

    सम्बन्धित समाचार

    Copyright © All right reserved to Nepalpana

    Site By: SobizTrend