Logo

मंगलवार, आषाढ २१ गते २०७९

images

आगामी आर्थिक वर्षको बजेट छपाइको काम सुरु

आगामी आर्थिक वर्षको बजेट छपाइको काम सुरु

नेपालपाना जेठ ८ २०७९
  • 2.5K
    SHARES
  • आगामी आर्थिक वर्षको बजेट छपाइको काम सुरु

    काठमाडौं। आगामी आर्थिक वर्षको बजेटको अन्तिम तयारीमा रहेको सरकारले छपाइको काम सुरु गरेको छ । आर्थिक विधेयकबाहेक अरु कामलाई अर्थ मन्त्रालयले लगभग टुङ्गो लगाएपछि छपाइ सुरु भएको हो ।

     चैत १ देखि ‘रुटिन’ नै तयार गरेर अर्थ मन्त्रालयले बजेट निर्माण सुरु गरेको थियो। यसअनुसार आज जेठ ८ मा व्यय अनुमान र खर्च शीर्षकगत अनुमानको अंक रुजुसहित (रातो किताब) अन्तिम मस्यौदा तयार भएको छ। यसलाई आजैदेखि छाप्न थालिने मन्त्रालयले जनाएको छ। 

    जेठ १२ गते आर्थिक विधेयक र विनियोजन विधेयकलाई अन्तिम रुप दिने तयारी छ। सोही दिन बजेट भाषण पनि अन्तिम टुंगो लगाउने आफ्नो रुपरेखामा अर्थ मन्त्रालयले समावेश गरेको छ। 

    जेठ १३ मा स्रोतपुस्तिका छपाइका लागि प्रेसमा पठाउने र जेठ १४ गते संसदको दुवै सदनमा आर्थिक सर्वेक्षण र संस्थानको प्रगति विवरण प्रस्तुत गरिनेछ।  जेठ १५ गते संसदको दुवै सदनमा बजेट प्रस्तुत गरिनेछ।

    यही जेठ ३ गतेदेखि बजेट अधिवेशन सुरु भएको थियो। आगामी आर्थिक वर्षको नीति तथा कार्यक्रम १० गते सार्वजनिक हुँदै छ। 

    जेठ ८, २०७९ आइतवार १८:५५:२३ बजे : प्रकाशित

  • सम्बन्धित विषय:

  • # अर्थ
  • # बजेट

  • नेपालपाना

    सम्बन्धित समाचार
    ताजा अपडेट

    Copyright © All right reserved to Nepalpana

    Site By: SobizTrend