Logo

आइतवार, मंसिर १८ गते २०७९

आफ्नो हैसियतभन्दा बढी सिट माग्ने उपेन्द्रलाई देउवाले ल्याए औकातमा, मधेसमा अब कांग्रेसलाई सहज

आफ्नो हैसियतभन्दा बढी सिट माग्ने उपेन्द्रलाई देउवाले ल्याए औकातमा, मधेसमा अब कांग्रेसलाई सहज

नेपालपाना आश्विन १५ २०७९
  • 6.9K
    SHARES
  • आफ्नो हैसियतभन्दा बढी सिट माग्ने उपेन्द्रलाई देउवाले ल्याए औकातमा, मधेसमा अब कांग्रेसलाई सहज

    काठमाडौं । उपेन्द्र यादव नेतृत्वको जनता समाजवादी पार्टी जसपा सत्ता गठबन्धनबाट बाहिरिएको छ । 

    आफ्नो हैसियतभन्दा बढी सिट माग्ने उपेन्द्रलाई प्रधानमन्त्री एवं प्रमुख सत्ता घटक नेपाली कांग्रेसका सभापति शेरबहादुर देउवाले जसपाको असली औकात देखाइदिएपछि गठबन्धनबाट बाहिरिएको छ । 

    उपेन्द्र यादवको पार्टी पछिल्लो समय मधेसमा कमजोर बन्दै गएको छ । जसपाका पाँचवटा सांसद अर्काे पार्टीमा गइसकेका छन् । पार्टी कमजोर बन्ने तर गठबन्धनमा बार्गेनिङ भने धेरै गर्ने उपेन्द्रको प्रवृत्तिले गठबन्धनका शीर्ष नेता आजित बनेका थिए । उपेन्द्रले आफै गठबन्धन छोडेर जाओस् भन्ने परिस्थिति गठबन्धनमा आइसकेको थियो । 

    यो बीचमा देउवाले हैसियतभन्दा बढी सिट दिन नसकिने, पार्टी रित्तिसकेको कुरा नबिर्सिन भन्दै उपेन्द्रलाई असली औकात देखाएका थिए । 

    गठबन्धनमा बार्गेनिङ सफल नभएपछि उपेन्द्र आफै गठबन्धनबाट बाहिरिएका हुन् । जसपाका प्रवक्ता मनीष सूमनले बिज्ञप्ति जारी गरेर गठबन्धनमा सिट बाँडफाँडमा कुरा नमिलेका अरु दल (एमाले)सँग तालमेल गर्ने उल्लेख गरेका छन् । एमालेसँग सफल नभएमा एक्लै लड्ने निर्णय जसपा केन्द्रीय कार्यकारिणी समितिको शनिबार बसेको बैठकले निर्णय गरेको प्रवक्ता सूमनले जानकारी दिएका छन् । 

    जसपाको निर्णय सार्वजनिक भएसँगै जसपाबाट सरकारमा प्रतिनिधित्व गर्ने मन्त्रीहरु पनि खुसी देखिएका छन् । भौतिक पूर्वाधारमन्त्री इस्तियाक राईले फेसबुकमा ह्याप्पी मुडमा तस्बिर राखेका छन् । राईसँगै वनमन्त्री प्रदीप यादवले पनि एकसाथ प्रोफाइल पिक्चर परिवर्तन गरेका छन् । 

    गठबन्धनको सिट बाँडफाँडबाट जसपा बाहिरिएसँगै अब मधेसमा चुनाव लड्न कांग्रेसलाई सहज हुनेछ । बढीभन्दा बढी सिट कांग्रेसले पाउने र स्थानीय तहको चुनावबाट जनाधारमा पहिलो भएकाले उत्कृष्ट नतिजा ल्याउनेछ ।

    आश्विन १५, २०७९ शनिवार १७:१९:१६ बजे : प्रकाशित

  • सम्बन्धित विषय:

  • # उपेन्द्र यादव

  • नेपालपाना

    सम्बन्धित समाचार
    ताजा अपडेट

    Copyright © All right reserved to Nepalpana

    Site By: SobizTrend