नेकपाका गाउँपालिका प्रमुख चन्दले बैतडीमा गाउँले कुटे

  |   प्रकाशित :

खलंगा । पञ्चेश्वर गाउँपालिकाका प्रमख गोरखबहादुर चन्दले गाउँलेमाथि हातपात गरेका छन । 

गाउँपालिका कार्यालयबाट वडा नं. ४–रोडिदेबल जाने बाटो बनाउनेबारे विवाद हुँदा चन्दले आफु सत्ताको मानिस भएको र दुईतिहाई सरकार समेत आफ्नै हातमा रहेको भन्दै गाउँलेमिाथ निर्घात कुटपीट गरेको स्थानीयले बताएका छन । 

चन्दले एकतर्फी निर्णय गरि जंगल हुँदै सडक लैजान खोजेपछि गाउँलेले सुविधा हुने गरि गाउँको बीचबाट लैजानुपर्ने माग राखेका थिए । गाउँलेले आफ्नो योजनाभन्दा फरक माग राखेपछि गाउँपालिका प्रमुख चन्दले स्थानीय बल बहादुर भण्डारी र हिक्मत भण्डारी माथि निर्घात कुटपिट गरेका हुन् । कुटेपछि उल्टै प्रहरी बोलाएर हातपात गरेको उल्टो आरोप लगाई पीडितलाई नियन्त्रणमा लिईएको स्थानीय बिरेन्द्र भण्डारीले जानकारी दिए । 

गाउँपालिकाको अध्यक्षमा चुनिएका चन्द यसअघि कुलाय माध्यामिक विद्यालयका प्रधानाध्यापक रहिसकेका व्यक्ति हुन । विद्यालयमा शिक्षण गर्दा पनि चन्दमाथि व्यापक भष्टाचार गरेको आरोप लागेको थियो । गाउँपालिका प्रमुखमा निर्वाचित भएपछि चन्दले जथाभावी मनोमानी गरिरहेको गाउँपालिकाबासी बताउँछन् । 

© Copyright Nepalpana.com 2020. All rights reserved.
Design & Developed By : Journey For Tech