आतंकवादको बिछ्यौनामा समृद्धि खोजिरहेछ पाकिस्तान !


किन पुरानो लिगेसी छाडिरहेका छैनन इमरान खान ? 
- कैलाश कुमार  प्रकाशित: २०७६-१-५ गते
आतंकवादको बिछ्यौनामा समृद्धि खोजिरहेछ पाकिस्तान !

पाकिस्तानको नेशनल एसेम्बलीमा गत भदौ १ गते प्रधानमन्त्री पदका लागि निर्वाचन हुँदै गर्दा छिमेकी मुलुक सहित विश्वको ध्यान पाकिस्तानतिर आकृष्ट थियो ।

पूर्व क्रिकेटर, जो विश्वका सबैजसो प्रमुख शहरहरुमा पुगे, आधुनिकता देखे, खेल रणनीति बुझे, कहिले जिते, कहिले हारे  : हो उनै ईमरान खान पाकिस्तानको २२ औं प्रधानमन्त्री बन्दै थिए र दक्षिण एसियाली व्यवस्थाको दोस्रो ठूलो देश पाकिस्तानको नेतृत्व गर्दै थिए । 

ताहरिक ए ईन्साफका अध्यक्ष खान खेलजीवनपछिको अवकाशपूर्ण जीवनलाई आतंकवादबाट पाकिस्तानको शान्तीपूर्ण अवतरण र आर्थिक विकासको दिशातर्फ केन्द्रित गर्ने वाचा दोहो¥याईरहेका थिए । आतंकवाद र अमेरिकासँग दोहोरो खेल खेलेर बदनामी कमाएको पाकिस्तानका मुस्लिम लिगका पूर्वनेता तथा पूर्वप्रधानमन्त्री नवाज शरीफ भ्रष्टाचारको डबल क्रसिङमा जेल परेसँगै खानको लोकप्रियता बढिरहेको थियो । सोही लोकप्रियता र प्रतिष्र्धी मुस्लिम लिगको राजनीतिक पतनलाई खानले आफ्नो विजयका लागि हतियार बनाईरहेका थिए । 


पाकिस्तानमा तालिम गरिरहेका जैश-ए-मोहम्मदका लडाकुहरू ।

लिगका शाहज शरीफले ९६ मत पाउँदा खान १७६ मतसहित प्रधानमन्त्रीमा निर्वाचित भए । तर, क्षेत्रीय र विश्वशान्तीका लागि उनीबाट जे अपेक्षा गरिएको थियो, त्यसमा खानले पहिलेका पाकिस्तानी शासकले झैं चिसोपानी खन्याईदिए । 

पाकिस्तानको सत्तामा पुग्न या रहिरहन नागरिकले दिएको मतका अतिरिक्त मतपेटिकाभन्दा बाहिरबाट अन्य दुई शक्तिको निगाह आवश्यक पर्दै आएको छ । पहिलो शक्ति सेना हो : जसले बारम्बार सत्तापटक गरि लोकतान्त्रिक सरकारलाई अपदस्त गर्ने गरेको छ । दोस्रो शक्ति चाहिँ आतंकवादी संगठनहरु हुन, जसलाई भारतको भूमीमा विभत्स आतंकवादी हमला गराई मनोवैज्ञानिक रुपमा पाकिस्तानी नागरिकलाई भारतविरोधी बनाउन सकियोस । 

१८ अगस्ट २०१८ मा प्रधानमन्त्रीपदको सपथ लिएपछि खानले के हेरेर बसिरहेका थिए ? किन उनले आतंकवादी संगठनविरुद्ध कडा कदम चालेनन् ? किन पाकिस्तान आश्रित आतंकवादीहरुको क्याम्प बन्द गराएनन र उनीहरुमाथि दबाब दिन सकेनन ? यी प्रश्नको जवाफ पाकिस्तानी अधिकारीहरुले कहिल्यै दिने छैनन । किनकी, आतंकवादसँगको निकाहालाई उनीहरु तलाकमा बदल्न चाहँदैनन । किनकी पाकिस्तानी सत्ता, सेना, सरकार र राजनीति त्यसैमा अडेको छ ।

भारत र पाकिस्तानको सिमाना परम्परागत हिन्दु–मुस्लिम बाहुल्यताका आधारमा खिचिएको छ । ३३३३ किलोमिटर कुल लम्बाईको यो सिमानामा अति विवादास्पद जम्मु–काश्मीर क्षेत्र पनि पर्छ । यही जम्मु–काश्मीरमा रहेको मुस्लिम बाहुल्यताको अवस्थालाई उपयोग गर्दै पाकिस्तान निरन्तर भारतमाथि आतंकवादीमार्फत हमला साँधिरहन्छ । एक हिसाबले यसरी भारतमाथि मुस्लिम आतंकवादीहरुको प्रयोग गरि बारम्बार हमला गराउनु पाकिस्तानी सत्ताधारीका लागि विरासत धान्ने एक नियमित संस्कारजस्तै बनेको छ । हो, ईमरान खानबाट त्यही संस्कार अन्त्य हुन्छ भन्ने अपेक्षा गरिएको थियो । 


पाकिस्तानी प्रधानमन्त्री ईमरान खान ।

तर, खान प्रधानमन्त्री बनेपछि भारत र पाकिस्तानबीच युद्धसमानको स्थिति बन्यो । १४ फेब्रुअरी २०१९ का दिन भारत नियन्त्रित दक्षिण काश्मीरको पुलवामामा पाकिस्तानी आतंकवादी संगठन जैश–ए–मोहम्मदको लडाकुले आत्मघाती हमला गर्दा सेन्ट्रल रिजर्भ पुसिल फोर्स (सीआरपीएफ) का ४० जवानको ज्यान गयो । पुलवामाको सडकमा भारतीय सुरक्षाकर्मीको क्षतविक्षत शवमा ईमरान खानले फुक्काफाल छाडिदिएको जैशको आतंक नाचिरहेको थियो र भारतमा शोकमा डुब्दै गर्दा पाकिस्तानीहरु मृत्युउत्सव मनाउँदै थिए । 

दक्षिण एसियाको मुख्य समस्या नै आतंकवाद हो र त्यसको स्वर्ग पाकिस्तान । अलकायदा, ईस्लामिक स्टेट र तालिवानजस्ता अन्तरराष्ट्रिय आतंकवादी संगठनहरु तथा देशभित्रकै जैश ए मोहम्मदजस्ता क्रुर एवं पासविक आतंकवादी संगठनहरुको मुख्य र सुरक्षित आश्रयस्थल पाकिस्तान नै बनिरहेको छ । यतिखेर पाकिस्तानी भूमीमा अहिले झण्डै ४ दर्जन आतंकवादी सशस्त्र संगठनहरुले आश्रय लिईरहेका छन । 

सन् २००१ मै विश्वको प्रमुख आतंकवादी संगठन अलकायदाका नेता ओसामा बिन लादेनपछिका नेता यमिन अल जवाहिरीले पाकिस्तानको मेगासिटी कराँचीमा अलकायदाको अखडा नै खोलेका थिए । त्यसमा पाकिस्तानी सरकार मौन बस्यो । अर्कातर्फ, अमेरिकी सैनिकको नेभी टीमले सन् २०११ को मे २ तारिखमा विश्वकै सर्वाधिक खोजीको प्रमुख आतंकवादी ओसामा विन लादेनलाई पाकिस्तानी सैनिक एकेडेमीनजिकै अबोट्टावादमै मारिदिएको थियो । 


अन्तराष्ट्रिय आतंकवादी संगठनका नाईके ओसामा विन लादेन, जसलाई अमेरिकी नेभीले पाकिस्तानभित्रै छिरेर मारिदिएको थियो । 

आतंकवादमा यसरी नाङ्गिईरहेको मुलुकलाई खेलाडी प्रधानमन्त्री ईमरान खानले शान्तीको बाटोमा लैजालान् भन्ने ठूलो अपेक्षा संसारभरका मानिसहरुको थियो । तर खानले पनि आतंकवादकै परम्परागत बिछ्यौनामा सुतेर पाकिस्तानलाई समून्नत बनाउने सपना देखिरहेका छन् । सम्भवतः आतंकवाद नियन्त्रणमा खानको रुची नभएरै होला, यतिखेर पाकिस्तानी अर्थतन्त्र गम्भीर मोडमा पुगेका छ, जहाँ बच्चाहरुले पिउने दुधको मूल्य गाडीमा हाल्ने ईन्धनको भन्दा झन्डै दोब्बरले बढी छ । 

पाकिस्तान किन आतंकवाद पाल्छ त ? जवाफ सपाट छ । त्यो हो : भारतविरोधी अहंकार । जसरी भारतको चुनावमा पाकिस्तानविरोधी भावना मसालाका रुपमा प्रकट हुन्छ, पाकिस्तानभित्र पनि चाहे सैनिक तख्तापलट होस या निर्वाचन, सबैमा भारतविरोधी कर्कश नारा मुख्य मसाला हो । पाकिस्तानी शासकहरुले राजनीति र सत्तामा भारतविरोधी मसाला मिलाउने जिम्मा तिनै आतंकवादीहरुलाई दिएका छन्, जसले बारम्बार भारतभित्र भीषण आतंकवादी घटनाहरु घटाउने गर्छन ।

पाकिस्तानको गुप्तचर संस्था ईन्टर सर्भिस ईन्टिलिजेन्स (आईएसआई) र पाकिस्तानी सेनाको घेराभित्र आतंकवादीहरुले भारतविरुद्ध हमलाको योजना बनाउने र त्यसलाई मूर्तरुप दिने मुख्य कर्म पाकिस्तानकै सरकारी निकायहरुले सिकाईरहेको विश्वले नै थाहा पाईरहेको छ ।

लाईन अफ कन्ट्रोल (एलओसी) र जम्मु तथा काश्मीर उपत्यकामा सिमित आतंकवाद सन् २००० पछि भारतका प्रमुख शहरहरुसम्म विस्तार गर्न आतंकवादी संगठनहरु जसरी सक्षम भए, त्यसलाई रोक्न भारतले बारम्बार आग्रह गर्दा पाकिस्तानले वेवास्ता गरिरहेको छ । सन् २००३ मा भएको मुम्बई हमला, सन् २००५ मा भारतीय संसद भवनमा भएको आक्रमण, २००६ मा बारणासी र मुम्बईमा भएको हमला, सन् २००७ मा हैदराबाद, सन् २००८ मा जयपुर, अहमदाबाद, नयाँ दिल्ली र मुम्बई, पछिल्लोपटक सन् २०१५ र १५ मा पञ्जाबको गुर्दासपुर र पठानकोठमा भएको हमला : यी सबैमा पाकिस्तानी आतंकवादीहरुकै संलग्नता थियो । हमलाको जिम्मा पनि पाकिस्तानका अनेकन आतंकवादी संगठनहरुले नै लिएका थिए ।


पाकिस्तान आश्रित जैश–ए–मोहम्मद नामक आतंकवादी संगठनले पुलवामा हमला गराएपछिको तस्बीर । 

आफ्नै भूमीमा पालित–पोषित आतंकवादीहरुले बारम्बार छिमेकी मुलुकमा हमला गरिरहेको स्थिति, आतंकवादका कारण विश्वभर बदनाम बनेको मुलुकको छवी, आतंकवादकै कारण बढिरहेका गरिबी र आसन्न आर्थिक संकटलाई ईमरान खानले नबुझेका होईनन । तर, बुझेर पनि त्यसैमा सत्ताको रोटी सेकाउन उनले पनि कुनै कसर बाँकी राखेनन । 

१८ अगस्ट २०१८ मा प्रधानमन्त्रीपदको सपथ लिएपछि खानले के हेरेर बसिरहेका थिए ? किन उनले आतंकवादी संगठनविरुद्ध कडा कदम चालेनन् ? किन पाकिस्तान आश्रित आतंकवादीहरुको क्याम्प बन्द गराएनन र उनीहरुमाथि दबाब दिन सकेनन ? यी प्रश्नको जवाफ पाकिस्तानी अधिकारीहरुले कहिल्यै दिने छैनन । किनकी, आतंकवादसँगको निकाहालाई उनीहरु तलाकमा बदल्न चाहँदैनन । किनकी पाकिस्तानी सत्ता, सेना, सरकार र राजनीति त्यसैमा अडेको छ । 


पाकिस्तानमा तालिम र प्रचार गरिरहेका ईस्लामिक स्टेटका लडाकूहरु ।

यदी यसो हुँदैनथ्यो भने पाकिस्तानमा ईमरान खान प्रधानमन्त्री बनेको ५ महिनाको अवधिपछि जैश–ए–मोहम्मदले भारतको जम्मु–श्रीनगर नेसनल हाईवेमा गुडिरहेको प्रहरीको गाडीमाथि आतंकवादी हमला गर्ने योजना नै बनाउन पाउँदैनथ्यो । भारत–पाकिस्तानबीचको सिमाविवाद शान्तीपूर्ण मध्यस्थतामा टुंगिन सक्थ्यो र दक्षिण एसियामा शान्ती स्थापनाका लागि सत्कर्म गरेको भन्दै खानको प्रशंसा हुनसक्थ्यो ।

तर, खानले पुलवामा आक्रमणपछि जसरी भारतमाथि रिसिईबी साँधे र आतंकवादी अखडा भत्काउन उडेको लडाकु जहाज खसालिदिए, त्यसले आतंकवाद नियन्त्रणप्रति उनको बोली र ब्यवहार अमिल्दो रहेको पुष्टि भैसकेको छ ।

सम्बन्धित समाचारहरू ः

 


गोलीकाण्डः अमेरिकाको फ्लोरिडामा चार जनाको मृत्यु
गोलीकाण्डः अमेरिकाको फ्लोरिडामा चार जनाको मृत्यु

काठमाडौं । अमेरिकाको फ्लोरिडामा भएको गोलीकाण्डमा परी दुई जना सर्वसाधारण नागरिक र अरु दुई जना संदिग्ध व्यक्तिको ज्यान गएको छ । समाचारमा जनाइएअनुसार बिहीबार सो गोलीकाण्ड भएको..

सुडानको सेरामिक कारखानामा सिलिन्डर विस्फोट हुँदा २३ जनाको मृत्यु
सुडानको सेरामिक कारखानामा सिलिन्डर विस्फोट हुँदा २३ जनाको मृत्यु

सुडान । खार्तुमको एक सेरामिक कारखानामा सिलिन्डर विस्फोट हुँदा २३ जनाको मृत्यु भएको छ भने १ सय ३० जना घाइते भएका छन् ।   कारखानामा काम गर्ने श्रमिकमध्ये अधिकांश भारतीय..

सेनाको चौकीमा आक्रमण, २३ जना मारिए
सेनाको चौकीमा आक्रमण, २३ जना मारिए

काठमाडौं । अफ्रिकी मुलुक बुर्किना फासोमा सेनाको चौकीमा गरिएको दुई वटा आक्रमणका क्रममा करिब २० आतङ्कवादी र तीन सैनिक मारिएको सेनाले जनाएको छ । स्थानीय समयानुसार मङ्गलबार बिह..

भारत-तिब्बत सीमा प्रहरी क्याम्पमा आपसी गोलाबारी, ६ जवानको मृत्यु 
भारत-तिब्बत सीमा प्रहरी क्याम्पमा आपसी गोलाबारी, ६ जवानको मृत्यु 

नयाँ दिल्ली । छत्तीसगढको माओवाद प्रभावित नारायणपुर जिल्लामा भारत–तिब्बत सीमा प्रहरी बलको एक क्याम्पमा आपसी गोलाबारीमा ६ जवानको मृत्यु भएको छ ।   नारायणपुरका एसपी..