तरूण दलले गाउँदेखि केन्द्रसम्म भईरहेको भ्रष्टाचार भण्डाफोर गर्ने

  |   प्रकाशित :

काठमाडौं । प्रमुख प्रतिपक्षी नेपाली कांग्रेसको भातृसंस्था नेपाल तरुण दलले केन्द्रदेखि स्थानीयतहसम्म भईरहेको भ्रष्टाचारविरुद्ध भण्डाफोर र जागरण अभियान सञ्चालन गर्ने भएको छ । 

नेकपा नेतृत्वको सरकारमाथि सुशासन कायम गर्न कडा दबाब दिने निष्कर्षसहित कांग्रेसनिकट युवाहरुको यो संस्थाले बैशाख ११ गतेदेखि देशव्यापी राष्ट्रिय जनजागरण अभियान सञ्चालन गर्न लागेको हो ।

तरुण दलका महासचिव भुपेन्द्रजंग शाहीले बिहीबार विज्ञप्ति जारी गर्दै यो अभियानमा तदारुकताका साथ खटिन तरुण दललाई निर्देशन दिएका छन् ।

भ्रष्टाचारविरूद्ध तरुण जागरणका लागि तयार रहन निर्देशन दिँदै शाही जारी गरेको विज्ञप्तिमा ७७ वटै जिल्लामा सुरू हुने जनजागरण अभियानमा सक्रियतापूर्वक खट्न कार्यकर्तालाई निर्देशन दिईएको छ ।

© Copyright Nepalpana.com 2020. All rights reserved.
Design & Developed By Journey For Tech