'फानी' चक्रपातको प्रभाव नेपालमै देखिन थाल्यो, पूर्वमा मेघगर्जनसहित पानी पर्न शुरु 


नेपालपाना प्रकाशित: २०७६-१-२० गते
'फानी' चक्रपातको प्रभाव नेपालमै देखिन थाल्यो, पूर्वमा मेघगर्जनसहित पानी पर्न शुरु 

काठमाडौं । बंगालको खाडीमा सृजित फानी चक्रपातको प्रभाव नेपालको पूर्वी क्षेत्रमा पनि देखिन थालेको छ । भारतको उडिशा लगायतका राज्यमा तीब्र गतिमा ठोक्किँदै गरेको फानी चक्रवातकै कारण नेपालको हिमाली क्षेत्रमा समेत आगामी तीनदिनसम्म भारी हिमपात र हावाहुरी चल्ने मौसमविद्हरुले जनाएका छन । 

जल तथा मौसम पूर्वानुमान महाशाखाका अनुसार फानीको प्रभाव अझै बढ्नेछ । यो चक्रवात नेपालमा नआउने तर भारतको ओडिशा, झारखण्ड, पश्चिम बंगाल हुँदै बंगलादेश जाने भएकाले पूर्वी र मध्य नेपालमा असर गर्ने देखिएको छ । 

अर्कातर्फ अहिले रुपन्देही, कपिलवस्तुलगायत प्रदेश ५ को सीमा क्षेत्रमा चट्याङ र हुरीबताससहित पानी पारिरहेको प्रणाली पनि पूर्वतिर सरिरहेको महाशाखाले जनाएको छ । विपरित दिशाबाट आएका दुई फरक वायुको टकरावका कारण जोखिम बढ्नसक्ने भन्दै मौसमविदहरुले सतर्कता अपनाउन आग्रह गरेका छन् ।

साथै, चक्रवात फानीको प्रभावले पूर्व र मध्य क्षेत्रको हिमाली भेगमा भारी हिमपातको सम्भावना रहेकाले अबको तीन दिन पदयात्रा वा हिमाल आरोहणमा नजान पनि उनीहरुले सुझाईरहेका छन् । 

आज देशभरिकै मौसम पूर्ण रुपमा खुल्ने सम्भावना कम देखिएको छ । पश्चिममा पश्चिमी वायु तथा पूर्व र मध्य क्षेत्रमा फानीसँगै स्थानीय वायुको प्रभावले हुरीबतास, चट्याङसहित हिमपात हुने सम्भावना बढेको छ । फानीको प्रभाव आईतबारसम्म नै देखिने अनुमान छ । 


पदयात्रामा हराएका दुई युवाको शव भेट्टियो
पदयात्रामा हराएका दुई युवाको शव भेट्टियो

नुवाकोट । दुप्चेश्वर गाउँपालिका–१ घ्याङफेदीबाट हराएका दुई युवाको शव आज भेट्टिएको छ । गोसाइँकुण्ड पदयात्रामा जाने क्रममा गत माघ ३ गते हराएका सिन्धुपाल्चोक हेलम्बुका १७..

रसुवागढी नाकाबाट करोडौँ मुल्य बराबरको सुनसहित ६ जना पक्राउ
रसुवागढी नाकाबाट करोडौँ मुल्य बराबरको सुनसहित ६ जना पक्राउ

रसुवा । चीनको केरुङबाट अवैध रूपमा काठमाण्डौ ल्याउन लागेका साढे २ किलो सुनसहित रसुवागढी नाकाबाट ६ जना पक्राउ परेका छन् ।   पक्राउ पर्नेमा सिन्धुपाल्चोकको भोटेकोशी गाउँप..

कानूनअनुसार कारबाही भोग्न तयार छुः आस्था राउत 
कानूनअनुसार कारबाही भोग्न तयार छुः आस्था राउत 

काठमाडौं । गायिका आस्था राउतले पत्रकारहरुसँग कुरा गर्दै आफू कानूनअनुसार कारबाही स्वीकार गर्न तयार भएको प्रतिक्रिया दिएकी छिन् । सरकारी वकिलकहाँ जाने क्रममा गायिका राउतले कानून..

नेपालमा थप एकमा कोरोना भाइरसको संक्रमण भएको पुष्टि
नेपालमा थप एकमा कोरोना भाइरसको संक्रमण भएको पुष्टि

काठमाडौं । नेपालमा थप एक व्यक्तिमा पनि कोरोना भाइरसको संक्रमण पुष्टि भएको छ । यसअघि चीनबाट आएका एक युवकमा कोरोना भाइरसको संक्रमण भएको पुष्टि भएको थियो ।  योसंगै नेपालम..