‘अहिलेका कम्युनिष्ट, कम्यूनिष्ट होइन ‘कमाउनिष्ट’ हो’ : अध्यक्ष उपेन्द्र यादव


नेपाल पाना प्रकाशित: २०७६-१-२३ गते
‘अहिलेका कम्युनिष्ट, कम्यूनिष्ट होइन ‘कमाउनिष्ट’ हो’ : अध्यक्ष उपेन्द्र यादव

काठमाडौं । समाजवादी पार्टी नेपालका कार्यसमिति अध्यक्ष उपेन्द्र यादवले अहिलेका कम्युनिष्ट पार्टी कम्युनिष्ट पार्टी नभएर कमाउनिष्ट भएको दाबी गरेको छन। 

राजधानीमा सोमबार आयोजित नयाँ शक्ति पार्टी नेपाल र संघीय समाजवादी पार्टी एकीकरण घोषणा कार्यक्रमलाई सम्बोधन गर्दै उपेन्द्र यादवले भने, ‘मैले कम्यूनिष्ट आन्दोलन लामो समयसम्म गरेँ, तर अहिलेका कम्यूनिष्ट कम्यूनिष्ट नभएर कमाउनिष्ट भएका छन् ।’

‘कम्यूनिष्टहरुले भन्दैछन् कि हाम्रो एजेण्डा संघीयता थिएन यो त मधेश आन्दोलनले जबरजस्ती ल्याएको छ ’ उनले भने, ‘हो मधेस आन्दोलनले यो संघीयता आएको हो ।’

यादव प्रमुख प्रतिपक्षी दल काँग्रेसमाथि पनि कडा रुपमा प्रस्तुत भए ।  उनले काँग्रेसको सिद्दान्त नै संवैधानिक राजतन्त्र भएको भन्दै सो पार्टी अहिले त्यसैमा लागेको बताए । उनले देशलाई दरिद्र बनाउने काम काँग्रेसले गरेको आरोप पनि लगाए । 

अरुबाट दान दक्षिणा लिएर देश समृद्ध नहुने भन्दै उनले देशलाई समृद्ध बनाउन आफै सक्षम हुनुपर्नेमा जोड दिए । उनले संविधान संशोधन गरेर प्रदेशलाई अधिकार सम्पन्न बनाउनु पर्नेमा पनि जोड दिए । 

उनले भने, ‘मुलुक आर्थिक रुपले यसरी सम्पन्न होस्, जसले देशका युवालाई खाडी मुलुक जान नपरोस् ‌।’ यादवले भने, ‘यो एकताले देशलाई जोडेको छ । यो एकीकरले हिमाल, पहाड र तराई मिलेको छ, जसले राष्ट्रिय एकतालाई बलियो बनाएको छ ।’


‘बाढीपीडितको राहत र उद्धारमा सरकार निरङ्कुश देखियो’
‘बाढीपीडितको राहत र उद्धारमा सरकार निरङ्कुश देखियो’

इटहरी । सरकारले गरेको गल्तीका कारण बाढीपीडित पीडित हुनुपरेको नेपाली कांग्रेसका सभापति शेरबहादुर देउवाले बताएका छन् । नेपाल प्रेस युनियन इटहरी नगर समितिले शनिबार इटहरीमा आयो..

‘ओली र प्रचण्डबीच आलोपालो कुनै पनि हालतमा कार्यान्वयन हुनुपर्छ’
‘ओली र प्रचण्डबीच आलोपालो कुनै पनि हालतमा कार्यान्वयन हुनुपर्छ’

बुटवल । ओली र प्रचण्डबीच आलोपालो सरकारको नेतृत्व गर्नेलगायतका ५ बुँदे सहमति कुनै पनि हालतमा कार्यान्वयन हुनुपर्ने सत्तारुढ दल नेपाल कम्युनिस्ट पार्टीका स्थायी समिति सदस्य देवे..

‘अबको साझा विचार जनताको जनवाद नै हो’
‘अबको साझा विचार जनताको जनवाद नै हो’

रुपन्देही । रिपोर्टर्स क्लव पाँच नम्बर प्रदेशले शनिबार बुटवलमा आयोजना गरेको साक्षात्कारमा बोल्दै नेकपाका नेता तथा स्थायी समितिका सदस्य देवेन्द्र पौडेलले सरकारको नेतृत्व पुष्पक..

नेकपा जिम्मेवारी बाँडफाँट, कसको नेतृत्वमा कुन विभाग ?
नेकपा जिम्मेवारी बाँडफाँट, कसको नेतृत्वमा कुन विभाग ?

काठमाडौं । अध्यक्ष तथा प्रधानमन्त्री केपी शर्मा ओलीसँग असन्तुष्ट रहेका वामदेव गौतमले नेकपाको संगठन परिचालनमा महत्त्वपूर्ण मानिने शक्तिशाली संगठन विभागको जिम्मेवारी पाउने भएका..