ओली र प्रचण्डको भागवण्डाले नेकपामा बबाल, जताततै पोखियो नेताहरुको आक्रोश


नेपालपाना प्रकाशित: २०७६-२-३ गते
ओली र प्रचण्डको भागवण्डाले नेकपामा बबाल, जताततै पोखियो नेताहरुको आक्रोश

काठमाडौं । सत्तारुढ नेपाल कम्युनिस्ट पार्टी (नेकपा) विवादमा फसेको छ। शुक्रबार जनवर्गीय संगठनको नेतृत्वको नाम सार्वजनिक गरेको नेकपाभित्र युवा तथा विद्यार्थी नेताहरु असन्तुष्ट बनेका छन्। खासगरी विद्यार्थी संगठनमा कनिष्टलाई संयोजक बनाइएको भन्दै तत्कालिन एमाले र माओवादी दुबैतर्फका नेता रिसाएका छन्। उनीहरुले सामाजिक सन्जालमा सार्वजनिक रुपमै आक्रोश पोखेका छन्। विद्यार्थी संगठनमा एमालेनिकट अनेरास्ववियुका महासचिव ऐन महरलाई सयोजकको जिम्मेवारी दिएपछि विवाद बढेको हो।

अनेरास्ववियु र अखिल क्रान्तिकारीका अध्यक्ष र उपाध्यक्षलाई वाइपास गर्दै महासचिवलाई संयोजक र क्रान्तिकारीका अध्यक्ष रन्जित तामांगलाई सहसयोजकको जिम्मेवारी तोकिएको छ। यो अध्यक्षद्धय केपी शर्मा ओली र प्रचण्डको भागवण्डाका आधारमा भएको हो। युवा संगठनको नेतृत्व तत्कालिन माओवादी समूहले पाउँदा विद्यार्थी संगठनको तत्कालिन एमालेको भागमा परेको थियो। जसमा ओली र माधव नेपालले ऐन महरलाई संयोजक बनाइदिए। महर संयोजक तोकिएपछि पार्टीभित्र असन्तुष्टि बढेको हो। विद्यार्थी नेता मात्र होइन पार्टी नेताले समेत कनिष्टलाई अघि बढाएको भन्दै रोष प्रकट गरेका छन्। 

यो विषयलाई लिएर अनेरास्ववियुका वरिष्ठ उपाध्यक्ष रश्मी आचार्यले असन्तुष्टि जनाएका छन् । विचित्रको एकता भन्दै उनले फेसबुकमा लेखेका छन्, ‘अध्यक्ष नहुने भए उपाध्यक्षलाई बनाउनुपर्नेमा अनेरास्ववियूमा एकैचोटी महासचिवमा पो झरेको भन्ने सुनियो । अध्यक्षपछि रोल नम्बर २ उपाध्यक्षको हो भन्ने कुरा स्वयंसिद्ध होइन र ?’ अनेरास्ववियु अध्यक्ष नविना लामा समानुपातिक कोटाबाट सांसद बनेपछि आचार्य कार्यवाहक अध्यक्षको जिम्मेवारीमा थिए । उनले एकतापछि विद्यार्थीको नेतृत्वमा दावी गर्दै आएका थिए । तर महासचिव संयोजक बनेपछि उनले आफ्नो गुनासो सामाजिक सञ्जालमा पोखेका छन्। 

महरको मातहत सहसंयोजक तोकिएका रञ्जित तामाङले पनि असन्तुष्टि व्यक्त गरेका छन्। उनी राजीनामा दिने तयारीमा छन्। तामाङले भने, ‘यो मेरो अपमान हो, नविना लामा संयोजक भएको भए म सहसंयोजक बन्थें । तर, महासचिवको मुनि बस्ने कुरा हुँदैन।’ आफ्नो अपमान भएको भन्दै तामाङ राजीनामा दिने तयारीमा छन् । उनले असन्तुष्टि जनाउँदै फेसबुकमा लेखेका पनि छन्, ‘कहिलेकाहिँ समयले पनि मजाक गर्दो रहेछ ।’

नेकपाले अन्य जनवर्गीय संगठनहरुको संयोजक पहिले अध्यक्ष जो थियो उसैलाई तोकेको छ । तर महासचिवलाई एकैपटक संयोजकको जिम्मेवारी दिइएको विद्यार्थी संगठनमा मात्र हो । यो विषयमा अखिल क्रान्तिकारीका उपाध्यक्ष सुरेन्द्र बस्नेतले यसरी जिम्मेवारी तोकिनुलाई विधि विपरित भनेर टिप्पणी गरेका छन् । बस्नेतले फेसबुकमा लेखेका छन्, ‘एकापट्टीको निर्वाचित अध्यक्षलाई अर्कापट्टीको अध्यक्ष मुनि मात्र हैन, उपाध्यक्ष मुनिसमेत पनि हैन, महासचिवभन्दा मुनि राखेर विधि भनिन्छ भने त्यो अरुअरु कुरा होला, कमसेकम विधि चाहिँ हैन ।’

अनेरास्ववियू क्रान्तिकारीका पूर्वअध्यक्ष रमेश मल्लले पनि असन्तुष्टि फेसबुकमा पोखेका छन्। उनले नेतृत्वलाई सुझाव भन्दै लेखेका छन्, ‘पाइलापिच्छे फरक मापदण्ड निर्माण गरेर कार्यकर्ताको हुर्मत लिने काम नगरियोस् । विश्वासको धरातल कमजोर भयो भने अहंकारको पर्खाल गर्ल्याम गुर्लुम ढल्न कुनै आइतबार कुर्नु पर्दैन ।’


अर्घाखाँचीमा यात्रुबहाक जीप दुर्घटना, ४ जनाको मृत्यु 
अर्घाखाँचीमा यात्रुबहाक जीप दुर्घटना, ४ जनाको मृत्यु 

अर्घाखाँची । यात्रुबहाक जीप दुर्घटना हुँदा ४ जनाको मृत्यु भएको छ भने दर्जन भन्दा बढी घाईते भएका छन।  सन्धिखर्कबाट प्युठानतर्फ जाँदै गरेको जिप अर्घाखाँचीको लात्तेबाँझमा..

देशमा देशभक्त सरकार छ, एक इन्च भूमि पनि कसैलाई मिच्न दिदैँन: प्रधानमन्त्री 
देशमा देशभक्त सरकार छ, एक इन्च भूमि पनि कसैलाई मिच्न दिदैँन: प्रधानमन्त्री 

काठमाडौं । राजधानीमा नेपाल कम्युनिष्ट पार्टीको भातृ संगठन युवा संघको राष्ट्रिय भेलालाई सम्बोधन गर्दै प्रधानमन्त्री केपी शर्मा ओलीले देशको एक इन्च भूमि मिचिन नदिने बताएका छन् ।..

जेलर चिरञ्जिवी थापाविरुद्ध १ करोड १३ लाखको भ्रष्टाचार मुद्दा
जेलर चिरञ्जिवी थापाविरुद्ध १ करोड १३ लाखको भ्रष्टाचार मुद्दा

काठमाडौं । अख्तियार दुरुपयोग अनुसन्धान आयोगले गरेको छानबिनका क्रममा कारागार कार्यालय भीमफेदी, मकवानपुरका तत्कालीन जेलर चिरञ्जिवी थापाले अकूत सम्पत्ति आर्जन गरिएको देखिएपछि थाप..

काँग्रेसका नेता पौडेल भन्छन्- उपनिर्वाचनलाई जनमत सङ्ग्रहको रुपमा लिएका छौँ
काँग्रेसका नेता पौडेल भन्छन्- उपनिर्वाचनलाई जनमत सङ्ग्रहको रुपमा लिएका छौँ

कास्की । नेपाली काँग्रेसका केन्द्रीय सदस्य प्रदीप पौडेलले उपनिर्वाचनलाई जनमत सङ्ग्रहको रुपमा लिन सकिने बताएका छन् । उनले देशमा बढिरहेका विकृति, विसङ्गति र भ्रष्टाचारको अन्त्यक..