अधिनायकवाद बिरुद्ध एकजुट भएर संघर्ष गर्न नेतृ उपाध्यायको आह्वान, सर्लाहीमा नेकपाका कार्यकर्ता कांग्रेसमा प्रवेश !


नेपाल पाना प्रकाशित: २०७६-२-४ गते
अधिनायकवाद बिरुद्ध एकजुट भएर संघर्ष गर्न नेतृ उपाध्यायको आह्वान, सर्लाहीमा नेकपाका कार्यकर्ता कांग्रेसमा प्रवेश !

सर्लाही । प्रमुख प्रतिपक्षी दल नेपाली कांग्रेसकी नेतृ एवम् केन्द्रीय सदस्य महालक्ष्मी उपाध्याय ‘डिना’ले कम्युनिस्टहरूको अधिनायकवादविरुद्ध एकजुट भएर संघर्ष गर्ने बेला आएको बताएकी छिन् ।

सर्लाही जिल्लामा जागरण अभियानअन्तर्गत विभिन्न स्थानहरूमा भएका कार्यक्रमलाई सम्बोधन गर्दै नेतृ उपाध्यायले कम्युनिस्टहरूलाई दुई तिहाइको दम्भ पलाएको बताइन् ।

‘दुई तिहाइको दम्भले कम्युनिस्टहरूले देशमा अधिनायकवाद ल्याउँदै छन् । अधिनायकवादी शासन सत्ता चलाउने अभियानअनुसार स्वतन्त्र प्रेसमाथि प्रहार भएको छ’, उनले भनिन्, ‘नेपाली कांग्रेसले संविधानले दिएको अधिकार कटौती गर्ने कम्युनिस्टहरूको योजनालाई कुनै पनि हालतमा मान्दैनौँ ।’

नेतृ उपाध्याय सर्लाही जिल्लामा केन्द्रीय प्रतिनिधिका रुपमा खटिएकी छिन् । उनले एक हप्तादेखि निरन्तर जागरण अभियान चलाउनुका साथै स्थानीय नेता तथा कार्यकर्ताहरूसँग कांग्रेसको संगठन निर्माणका बारेमा परामर्श गर्दै आएकी छिन् ।

सर्लाहीको कडौना गाउँपालिका, विष्णुपुर गाउँपालिका लगायतका स्थानमा पनि जागरण कार्यक्रम भएका छन् ।

कांग्रेसको जागरण अभियान अन्तर्गत कांग्रेस नेतृ उपाध्यायले सर्लाही जिल्लामा सत्तारुढ नेकपासहित विभिन्न दल परित्याग गरेका दुई सयभन्दा धेरैलाई नेपाली कांग्रेसमा प्रवेश गराएकी छिन् ।


अर्घाखाँचीमा यात्रुबहाक जीप दुर्घटना, ४ जनाको मृत्यु 
अर्घाखाँचीमा यात्रुबहाक जीप दुर्घटना, ४ जनाको मृत्यु 

अर्घाखाँची । यात्रुबहाक जीप दुर्घटना हुँदा ४ जनाको मृत्यु भएको छ भने दर्जन भन्दा बढी घाईते भएका छन।  सन्धिखर्कबाट प्युठानतर्फ जाँदै गरेको जिप अर्घाखाँचीको लात्तेबाँझमा..

देशमा देशभक्त सरकार छ, एक इन्च भूमि पनि कसैलाई मिच्न दिदैँन: प्रधानमन्त्री 
देशमा देशभक्त सरकार छ, एक इन्च भूमि पनि कसैलाई मिच्न दिदैँन: प्रधानमन्त्री 

काठमाडौं । राजधानीमा नेपाल कम्युनिष्ट पार्टीको भातृ संगठन युवा संघको राष्ट्रिय भेलालाई सम्बोधन गर्दै प्रधानमन्त्री केपी शर्मा ओलीले देशको एक इन्च भूमि मिचिन नदिने बताएका छन् ।..

जेलर चिरञ्जिवी थापाविरुद्ध १ करोड १३ लाखको भ्रष्टाचार मुद्दा
जेलर चिरञ्जिवी थापाविरुद्ध १ करोड १३ लाखको भ्रष्टाचार मुद्दा

काठमाडौं । अख्तियार दुरुपयोग अनुसन्धान आयोगले गरेको छानबिनका क्रममा कारागार कार्यालय भीमफेदी, मकवानपुरका तत्कालीन जेलर चिरञ्जिवी थापाले अकूत सम्पत्ति आर्जन गरिएको देखिएपछि थाप..

काँग्रेसका नेता पौडेल भन्छन्- उपनिर्वाचनलाई जनमत सङ्ग्रहको रुपमा लिएका छौँ
काँग्रेसका नेता पौडेल भन्छन्- उपनिर्वाचनलाई जनमत सङ्ग्रहको रुपमा लिएका छौँ

कास्की । नेपाली काँग्रेसका केन्द्रीय सदस्य प्रदीप पौडेलले उपनिर्वाचनलाई जनमत सङ्ग्रहको रुपमा लिन सकिने बताएका छन् । उनले देशमा बढिरहेका विकृति, विसङ्गति र भ्रष्टाचारको अन्त्यक..