कैदी खुलमखुला होटलमा महिलासँग मोजमस्ती गर्दै


नेपाल पाना प्रकाशित: २०७६-२-७ गते
कैदी खुलमखुला होटलमा महिलासँग मोजमस्ती गर्दै

धादिङ । धादिङ कारागारकाa एक कैदी खुलमखुला होटलमा मोजमस्ती गरिरहेको भिडियो सार्वजनिक भएको छ । यसले कारागारको सुरक्षामा समेत गम्भीर प्रश्न खडा गरेको छ ।

उत्तरी धादिङको रुवीभ्याली गाउँपालिका-४ सेर्तुङका प्रेम कैदीलाई २०७२ सालमा जवरजस्ती करणीको मुद्दामा ११ वर्षको जेल सजाय तोकिएको थियो । अदालतको आदेशअनुसार कैदी कारागारभित्र हुनुपर्ने हो । तर उनी सदरमुकामका होटलमा मोजमस्तीमा रमाइरहेको भिडियो सार्वजनिक भएको छ ।

अझ रोचक त के छ भने तामाङलाई होटलको कोठाभित्र राखेर बाहिरबाट ताल्चा लगाएर उनको सुरक्षाका लागि बियर खाँदै सादा पोशाकका प्रहरीहरु नै पहरा दिइरहेका छन् । गम्भीर बिरामी र एकदमै जटिल अवस्था बाहेक अरु बेलामा बाहिर जान नपाइने धादिङ कारागारका निमित्त प्रमुख मदनकुमार श्रेष्ठ बताउँछन् ।

नेपाल सरकारले तोकेका निश्चित क्रियाकलापभन्दा बाहेक अरु कुनै पनि काम कारागारभित्र गर्न पाइँदैन । तर धादिङ कारागारभित्र भने जुवातास खेलाउने र बजारमूल्य भन्दा ५ गुणा महंगोमा बाहिरबाट मदिरा ल्याएर बिक्री गर्ने गरिएको कारागारबाट बाहिरिएकाहरु नै बताउँछन् ।

कारागारभित्रका पैसावाल कैदीबन्दीले चौकीदार र कारागार सुरक्षाका लागि खटिएका प्रहरीलाई घूस खुवाएर बाहिर मोजमस्ती गर्न जाने, कारागारभित्रै जुवातास खेल्ने र मदिरा सेवन गर्ने गरेका छन् भने पैसा नहुनेहरु चौकीदारको शोषणमा बस्न बाध्य हुने गरेका छन् ।

धादिङको कारागारका केही कैदीबन्दीले आफूहरु शोषणमा परेको भन्दै न्यायिक छानबिनको माग गर्दै कारागार व्यवस्थापन विभाग काठमाडौंलाई लेखेको पत्रसमेत सार्वजनिक भएको छ । सम्पूर्ण कैदीबन्दीका तर्फबाट भन्ने लेखिएको पत्रमा प्रधानमन्त्रीको कार्यालय र गृह मन्त्रालयलाई समेत बोधार्थ लेखिएको छ ।


‘बाढीपीडितको राहत र उद्धारमा सरकार निरङ्कुश देखियो’
‘बाढीपीडितको राहत र उद्धारमा सरकार निरङ्कुश देखियो’

इटहरी । सरकारले गरेको गल्तीका कारण बाढीपीडित पीडित हुनुपरेको नेपाली कांग्रेसका सभापति शेरबहादुर देउवाले बताएका छन् । नेपाल प्रेस युनियन इटहरी नगर समितिले शनिबार इटहरीमा आयो..

मौसम: भारी वर्षाको सम्भावना, सतर्कता अपनाउन आग्रह
मौसम: भारी वर्षाको सम्भावना, सतर्कता अपनाउन आग्रह

काठमाडौं । बङ्गालको खाडीबाट आएको जलवाष्पयुक्त हावा र स्थानीय वायुको प्रभावले शनिवार देशका केही स्थानमा मध्यमदेखि भारी वर्षाको सम्भावना रहेको जल तथा मौसम पूर्वानुमान महाशाखाले..

‘ओली र प्रचण्डबीच आलोपालो कुनै पनि हालतमा कार्यान्वयन हुनुपर्छ’
‘ओली र प्रचण्डबीच आलोपालो कुनै पनि हालतमा कार्यान्वयन हुनुपर्छ’

बुटवल । ओली र प्रचण्डबीच आलोपालो सरकारको नेतृत्व गर्नेलगायतका ५ बुँदे सहमति कुनै पनि हालतमा कार्यान्वयन हुनुपर्ने सत्तारुढ दल नेपाल कम्युनिस्ट पार्टीका स्थायी समिति सदस्य देवे..

‘बुद्धमूर्ति तोडफोडमा सङ्लग्नलाई कारवाहीको दायरामा ल्याउन गम्भीर हुनुपर्छ’
‘बुद्धमूर्ति तोडफोडमा सङ्लग्नलाई कारवाहीको दायरामा ल्याउन गम्भीर हुनुपर्छ’

काठमाडौं । देश सरकारका उद्योग पर्यटन वन तथा वातावरणमन्त्री लीला गिरीले राजमार्गमा स्थापना गरिएका बुद्धमूर्ति तोडफोडमा सङ्लग्नलाई कारवाहीको दायरामा ल्याउन प्रशासन गम्भीर हुनुपर..