भिक्षुले आमरण अनसन सुरु गरेपछि मुस्लिम मन्त्रीहरुले दिए राजिनामा


नेपाल पाना प्रकाशित: २०७६-२-२१ गते
भिक्षुले आमरण अनसन सुरु गरेपछि मुस्लिम मन्त्रीहरुले दिए राजिनामा

श्रीलंका । बौद्ध भिक्षुले आमरण अनसन सुरु गरेपछि केन्द्रीय मन्त्रिमण्डलमा रहेका सबै मुस्लिम मन्त्री, उपमन्त्री तथा राज्य मन्त्रीहरुले पनि राजीनामा दिएका छन् । दुई मुस्लिम गभर्नरले राजिनामा दिएपछि मन्त्री तथा मन्त्रीमण्डलका सबै सदस्यले राजिनामा दिएका हुन् ।

बौद्ध भिक्षु अतरालिए रतना थिरोले एक मुस्लिम मन्त्री र एक गभर्नरको राजीनामा माग गर्दै आमरण अनसन बसेको केही दिनपछि सोमबार दुई मुस्लिम गभर्नरले राजीनामा दिएका हुन् ।

गएको अप्रिलमा इस्टर सन्डेको दिनमा चर्च तथा होटलमा आतंककारी आक्रमण भएपछि श्रीलंकाका मुस्लिम संगठनमाथि प्रश्न उठाउन थालिएको छ। शुक्रबारदेखि एक बौद्ध भिक्षु अतरालिए रतना थिरोले मन्त्री रिशाद बाथिउद्दीन र गभर्नर एएलएएम हिज्बुल्दाह तथा अजत शैलीको राजीनामा माग गर्दै भोक हडताल सुरु गरेका हुन्।

बौद्ध भिक्षु रतना थिरो सांसद पनि हुन् । उनी प्रधानमन्त्री रानिल विक्रमासिंघेको पार्टी यूएनपीबाट संसदमा प्रतिनिधित्व गर्छन् । रतना थिरो र अरु केही कट्टर बौद्ध संगठनले मुस्लिम नेताहरुलाई इस्टर सन्डेका दिन गराइएको आक्रमणमा संलग्न भएको आरोप लगाएका छन्। 

तर मुस्लिम मन्त्री तथा संगठनले यो आरोपको खण्डन गर्दै आएका छन् । रतना थिरो र केही बौद्ध संगठनले मुस्लिम नेताहरुमाथि जाँच हुनुपर्ने माग राख्दै आएका छन् । बौद्ध भिक्षु आमरण अनसन बसेपछि श्रीलंकाका विभिन्न क्षेत्रमा प्रदर्शनसमेत भएको थियो ।

त्यसैलाई मध्यनजर गर्दै सोमबार दिउँसो मुस्लिम समुदायका दुई गभर्नर अजत सैली र हिज्बुल्लाहले राजीनामा दिएका छन् । राष्ट्रपति मैत्रिपाला सिरिसेनाले दुवै जनाको राजीनामा स्वीकार गरेका छन् ।


अष्ट्रेलियाको अध्यागमनमा दुई नेपाली नागरिक पक्राउ
अष्ट्रेलियाको अध्यागमनमा दुई नेपाली नागरिक पक्राउ

अष्ट्रेलिया । अष्ट्रेलियाको अध्यागमनले दुई नेपाली नागरिकलाई पक्राउ गरेको छ ।  एक वर्षको मल्टीपल भिषा पाएका उनीहरू तीन महिनाको पहिलो बसाइँ सकिएपछि भिषा थप्न नजिकको गन्त..

इरानी सर्वोच्च नेता खमेनीले भने–'इजरायललाई समाप्त पारिदिन्छौं'
इरानी सर्वोच्च नेता खमेनीले भने–'इजरायललाई समाप्त पारिदिन्छौं'

काठमाडौं । इरानका सर्वोच्च नेता अयातोल्लाह अलि खमेनीले इजरायललाई समाप्त पारिदिने चेतावनी दिएका छन् ।  मध्यपूर्वमा अमेरिकी प्रतिनिधीजस्तै रहेको इजरायलको अन्त्यलाई यहुदी..

इन्डोनेसियामा गयो शक्तिशाली भू-कम्प
इन्डोनेसियामा गयो शक्तिशाली भू-कम्प

काठमाडौं । इन्डोनेसियाको मालुकु प्रान्तमा शक्तिशाली भूकम्प गएको छ । अनुसार स्थानीय समयअनुसार शुक्रबार बिहान गएको ७.१ रेक्टर स्केलको भूकम्प गएको अमेरिकन भौगर्भिक सर्भेले जनाएको..

जेलमा रहेका पाकिस्तानी पूर्वप्रधानमन्त्री सरिफलाई विदेश जान अनुमति
जेलमा रहेका पाकिस्तानी पूर्वप्रधानमन्त्री सरिफलाई विदेश जान अनुमति

पाकिस्तान । भष्ट्राचार आरोपमा जेलमा रहेका पाकिस्तानका पूर्वप्रधानमन्त्री नवाज सरिफलाई इमरान खान नेतृत्वको सरकारले उपचारका लागि विदेश जान अनुमति दिएको छ । पाकिस्तानी क्याबिन..