ट्रेल विश्व च्याम्पियनसिमा बेलायत पहिलो, नेपाली धावकलाई १७औं स्थान


नेपालपाना प्रकाशित: २०७६-२-२७ गते
ट्रेल विश्व च्याम्पियनसिमा बेलायत पहिलो, नेपाली धावकलाई १७औं स्थान

लिस्वन । सन् २०१९ ट्रेल विश्व च्याम्पियनसिपमा पुरुषतर्फ बेलायतका जोनाथान अल्बोन च्याम्पियन बनेका छन्। उनले ३ घण्टा ३५ मिनेट ३४ सेकेण्डमा निर्धारित दूरी पार गर्दै विश्व च्याम्पियन बनेका हुन्।

उक्त च्याम्पियनसिपमा फ्रान्सका जुलियन रान्कन ३ घण्टा ३७ मिनेट ४७ सेकेण्डमा दूरी पार गरी दोस्रो भए भने ३ घण्टा ४० मिनेट ३४ सेकेण्डमा दूरी पार गरेर स्विट्जरल्यान्डका क्रिष्टियान माथेस तेस्रो भए।

यस्तै महिलातर्फ फ्रान्सकी ब्लान्डिन लिरोन्डेल प्रथम, न्युजिल्यान्डकी रुथ क्रोफ्ट द्वितीय तथा स्पेनकी सेइला अभिलेस तृतीय भइन्। उनीहरुले क्रमशः ४ घण्टा ६ मिनेट १७ सेकेन्ड, ४ घण्टा १४ मिनेट २८ सेकेन्ड तथा ४ घण्टा १५ मिनेट ४ सेकेण्डमा निर्धारित दूरी पार गरेका थिए।

नेपाली झण्डा विदेशी भूमिमा फहराउँदै उत्साहका साथमा उक्त च्याम्पियनशिपमा सहभागी नेपालका धावकहरुले पनि सन्तोषजनक खेल प्रदर्शन गरेका छन्। पुरुषतर्फ दुर्गाबहादुर बुढाले १७औँ स्थान तथा आइते तामाङले ६७औँ स्थान प्राप्त गरे। महिलातर्फ सुनमाया बुढा मगरले ४६औँ स्थान प्राप्त गरिन्।

सहभागी खेलाडीहरुले शुक्रबार उद्घाटन सत्रमा नेपालको झण्डा फहराएका थिए। पोर्चुगलको कोइम्ब्रामा भएको उद्घाटन सत्रमा नेपाली समर्थकलेसमेत नेपाली झण्डा फहराएका थिए।


आइतबार पनि त्रिभुवन अन्तर्राष्ट्रिय विमानस्थल साढे २ घण्टा बन्द गरिँदै
आइतबार पनि त्रिभुवन अन्तर्राष्ट्रिय विमानस्थल साढे २ घण्टा बन्द गरिँदै

काठमाडौं । चीनियाँ राष्ट्रपति सी जिनपिङ्ग नेपाल भ्रमण सकेर स्वदेश फर्कने भएपछि मुलुकको एकमात्र अन्तर्राष्ट्रिय विमानस्थलमा आजपनि साढे दुई घण्टासम्म उडान÷अवतरण बन्द गरिन..

आज ४० औं विश्व पर्यटन दिवस, विविध कार्यक्रम गरी मनाइँदै
आज ४० औं विश्व पर्यटन दिवस, विविध कार्यक्रम गरी मनाइँदै

काठमाडौं । आज विश्व पर्यटन दिवस, विभिन्न कार्यक्रम गरी नेपालमा पनि मनाईँदैछ। ४० औं पर्यटन दिवसको नारा ‘सबैको उज्ज्वल भविष्यका लागि, पर्यटन र रोजगारी’ भन्ने तय गरिए..

नेपाल एअरलाइन्सले जेष्ठ नागरिकलाई ५० प्रतिशत भाडा छुट दिने 
नेपाल एअरलाइन्सले जेष्ठ नागरिकलाई ५० प्रतिशत भाडा छुट दिने 

काठमाडौं । ७० बर्ष कटेका जेष्ठ नागरिकले नेपाल एअरलाइन्सको जहाज चढ्ृदा ५० प्रतिशत भाडा छुट पाउने भएका छन् । राष्ट्रिय ध्वजाबाहक एयरलाइन्सले बुधबारबाट लागू हुने गरी ज्येष्ठ न..

बर्षा नरोकिएसम्म हिमाल आरोहण नगराउन पर्यटन विभागको आग्रह 
बर्षा नरोकिएसम्म हिमाल आरोहण नगराउन पर्यटन विभागको आग्रह 

काठमाडौं । मौसम प्रतिकुल भएकाले बर्षा रोकिएपछि मात्रै आरोहीहरुलाई हिमाल आरोहण गराउन पर्यटन विभागले आग्रह गरेको छ ।  मौसम पूर्वानुमान महाशाखाले निरन्तर परिरहेको झरी अझै..