“ठूला भ्रष्टाचारीहरु कारबाहीमा परेनन्, खै सरकारको नाता साइनो के छ कुन्नी ?”


नेपाल पाना प्रकाशित: २०७६-२-२७ गते
“ठूला भ्रष्टाचारीहरु कारबाहीमा परेनन्, खै सरकारको नाता साइनो के छ कुन्नी ?”

काठमाडौं । देशको हालखबर सन्तोषजनक हुन नसकेको राष्ट्रिय जनमोर्चाका अध्यक्ष चित्रबहादुर केसीले बताएका छन् । अध्यक्ष केसीले केपी ओली नेतृत्वको सरकारले देश र जनताका लागि राम्रो काम गर्न नसकेकाले हालखबर सन्तोषजनक हुन नसकेको बताए ।

सरकारले गर्न सक्ने सामान्य काम पनि नगरेको केसीको अरोप छ । भ्रष्टाचार पूर्ण रुपमा नियन्त्रण गर्न नसके पनि न्युनिकरण गर्नुपर्नेमा त्यो पनि हुन नसकेको केसीले बताए । “ठूला भ्रष्टाचारीहरु कारबाहीमा परेनन् । सरकारले कारबाही गर्न सकेन । खै सरकारको नाता साइनो के छ कुन्नी ?” केसीले भने ।

सरकारले साना भ्रष्टाचारका काण्डमा मुछिएकालाई मात्रै कारबाही गरेर ठूलालाई उन्मुक्ति दिएको केसीको आरोप छ । देशलाई संघीयतामा लगेपछि केके न हुन्छ भन्नेहरु नै अहिले टाउको समातेर बस्नुपर्ने अवस्थामा पुगेको केसीको तर्क छ । संघीयता ल्याउनेहरुलाई नै अहिले कार्यान्वयन गराउन घाँडो भएको केसीले बताए ।

“संघीयता आएपछि त देश स्विजरल्याण्ड नै बन्छ भनेर संघीयतापक्षधरहरुले ठूला ठूला कुरा गरे । स्थानीय निकायमा चुनाव भएको २ वर्ष भइसक्यो । तर जनतालाई माछो माछो भ्यागुतो भयो ।”

नेपालको लागि संघीयता संजिबनी बुटी बन्नै नसक्ने केसीले जिकिर गरे । “नेपाल र नेपालीका लागि संघीयता बरदान हुन सक्दैन । नेपाल राष्ट्रका लागि संघीयता श्राप हो, यसले दुश्परिणामा ल्याउँछ । त्यसैले संघीयता खारेज गर्नुपर्छ ।” केसीले बताए । संघीयता बोक्नेहरुलाई नै अहिले यो भालुको कञ्चट भएको केसीको जिकिर छ ।







'कालो दिवस' मनाए मन्त्रीबाट हटाइदिने चेतावनीपछि उपेन्द्र यादव डराए, संविधानको विरोध नगर्ने
'कालो दिवस' मनाए मन्त्रीबाट हटाइदिने चेतावनीपछि उपेन्द्र यादव डराए, संविधानको विरोध नगर्ने

काठमाडौं ।  प्रधानमन्त्री केपी शर्मा ओलीले सत्तामा बसेर संविधान दिवसको दिनलाई कालो दिवसको रुपमा मनाए मन्त्रि पदबाट बर्खास्त गर्ने चेतावनी दिएका छन्। समाजवादी पार्टीको केन..

जेलभित्र दिपेन राईलाई के भयो ? किन छाडे विप्लव समुह ? 
जेलभित्र दिपेन राईलाई के भयो ? किन छाडे विप्लव समुह ? 

इलाम । नेत्रविक्रम चन्द विप्लव नेतृत्वको प्रतिबन्धित नेपाल कम्युनिष्ट पार्टीका इलाम जिल्ला इञ्चार्ज दिपेन राई सत्ताधारी (ने.क.पा.) मा प्रवेश गरेका छन् । राईलाई प्रहरीले गत..

योगेश भट्टराईले विज्ञप्ति निकाले, सचिवालयले भन्यो–'नेपालगञ्जमा दुर्ब्यवहार भयो'
योगेश भट्टराईले विज्ञप्ति निकाले, सचिवालयले भन्यो–'नेपालगञ्जमा दुर्ब्यवहार भयो'

काठमाडौं । शनिबार साँझ नेपालगञ्ज विमानस्थलमा दुव्र्यवहार भोगेका संस्कृति, पर्यटन तथा नागरिक उड्डयनमन्त्री योगेश भट्टराईले निजी सचिवालयमार्फत विज्ञप्ति निकालेका छन् । ..

कांग्रेसले संसद चल्न दिएन, गृहमन्त्रीले जवाफ दिएपनि बैठक अवरुद्ध 
कांग्रेसले संसद चल्न दिएन, गृहमन्त्रीले जवाफ दिएपनि बैठक अवरुद्ध 

काठमाडौं । प्रमुख प्रतिपक्षी नेपाली कांग्रेसले बाँके जिल्ला सभापति किरण कोइरालामाथि सत्तारुढ दलका कार्यकर्ताले आक्रमण गरेको विरोधमा आज (आइतबार) बसेको संसद बैठक अवरुद्ध पारेको..