युरोप भ्रमणमा गएकै बेला ओलीका निर्णयलाई प्रचण्डको ठाडै काउन्टर, चितवनमा खोले असन्तुष्टिको पोको


नेपाल पाना प्रकाशित: २०७६-२-२९ गते
युरोप भ्रमणमा गएकै बेला ओलीका निर्णयलाई प्रचण्डको ठाडै काउन्टर, चितवनमा खोले असन्तुष्टिको पोको

चितवन। नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले आफ्नै पार्टीको सरकार निर्णयको आलोचना गरेका छन्। प्रधानमन्त्री केपी शर्मा ओली युरोप भ्रमणमा गएकै बेला प्रचण्डले सरकारले अघि सारेका विधेयकमा कमीकमजोरी रहेको भन्दै परिमार्जन गरिने बताए। प्रधानमन्त्री तथा मन्त्रीहरुले विधेयकहरुको बचाउ गर्दै कुनै हालतमा परिमार्जन नहुने बताइरहेका बेला सरकारलाई काउन्टर दिँदै प्रचण्डले जनभावनालाई समेटेर विधेयक परिमार्जन गरिने बताए।

बुधवार गृहजिल्ला चितवन पुगेका प्रचण्डले सरकारले पछिल्लो समयमा ल्याएका विधेयकमा आवश्यक परिमार्जन गरिने स्पष्ट पारे। सरकारले ल्याएका विधेयकहरुमा तयारी राम्रो नपुगेकाले विरोध र गुनासाहरु आएको उनले बताए। भरतपुर विमानस्थलमा गरिएको पत्रकार सम्मेलनमा बोल्दै अध्यक्ष दाहालले विधेयकहरुका कारण भएका विरोधले सतर्क बनाएको बताए। ‘तयारी राम्रो नपुगेको हो, जति गृहकार्य भएर आउनुपथ्र्यो त्यो नपुगेकै हो’ उनले भने, ‘सरकार र पार्टी सतर्क भएको छ, प्रर्याप्त छलफल गरेर, सहमति बनाएर ल्याउने तिर सरकार जान्छ।’ मिडिया काउन्सिल विधेयकमा आवश्यक परिमार्जन गरेर अगाडी बढिने उनको भनाई छ। यस्तै, गुठी विधेयकको बारेमा पनि बहस र छलफल चलिराखेको र परिमार्जन गरिने उनी बताउँछन्।

सरकार आलोपालो चलाउने सहमतिलाई भने नयाँ कुरा नभएकाले पहिले भएका समझादारीका साथ अगाडी बढिने उनले बताए। लोक सेवा आयोगले ल्याएको कर्मचारी भर्ना प्रक्रियाको विज्ञापन विवादका विषयमामा संसदिय समितिले र सरकारले काम गरिराखेको उनले बताए। यस विषयमा प्रधानमन्त्री विदेश भ्रमणबाट फर्केपछि छलफल गरेर उचित ढंगले अघि बढिने उनको भनाइ छ।


गृहकार्य नपुगेको भन्दै नेकपा सचिवालय बैठक स्थगित्
गृहकार्य नपुगेको भन्दै नेकपा सचिवालय बैठक स्थगित्

काठमाडौं । नेकपानिकट उच्च स्रोतले दिएको जानकारीअनुसार गृहकार्य नपुगेको भन्दै नेकपाको आज तीन बजे बस्ने भनिएको सचिवालय बैठक स्थगित भएको छ।  आजको बैठकले केन्द्रीय आयोगहरू..

सरकारविरुद्ध कुनै पनि बेला आन्दोलनमा आउन सक्छु: सभापति देउवा
सरकारविरुद्ध कुनै पनि बेला आन्दोलनमा आउन सक्छु: सभापति देउवा

बुटवल । नेपाली कांग्रेसका सभापति शेरबहादुर देउवाले सरकारविरुद्ध आफ्नो पार्टी कुनै पनि बेला सडक आन्दोलनमा आउन सक्ने बताएका छन् । उनले केन्द्रीय नीति, अनुसन्धान तथा प्रशिक्षण..

नेकपाको सरकार पाँच वर्षसम्मै रहने  तर नेतृत्व कसको ?
नेकपाको सरकार पाँच वर्षसम्मै रहने  तर नेतृत्व कसको ?

काठमाडौँ । नेकपाका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी शर्मा ओली ‘समझदारी’ अनुसार चल्नुपर्ने बताएका छन् । सोमबार जनकपुर विमानस्थलमा द..

सत्तारुढ (ने.क.पा.) मा फेरि एक्लिए माधव नेपाल, वरियताक्रममा झलनाथ भन्दा पनि तल
सत्तारुढ (ने.क.पा.) मा फेरि एक्लिए माधव नेपाल, वरियताक्रममा झलनाथ भन्दा पनि तल

काठमाडौं । सत्तारुढ (ने.क.पा.) का बरिष्ठ नेता माधवकुमार नेपाल पार्टीभित्र फेरि च्यापिएका छन् । आइतबार साँझ बसेको (ने.क.पा.) सचिवालय बैठकले नेपालको बरियता खोस्दै झलनाथ खनालल..