गौतमबुद्ध विमानस्थलमा ठेक्का लगाईएभन्दा पाँचगुणा बढी खर्च हुँदै 


नेपालपाना प्रकाशित: २०७६-३-९ गते
गौतमबुद्ध विमानस्थलमा ठेक्का लगाईएभन्दा पाँचगुणा बढी खर्च हुँदै 

भैरहवा  भैरहवामा निर्माणाधीन गौतमबुद्ध अन्तर्राष्ट्रिय विमानस्थलको लागत ३५ अर्ब रुपैयाँ पुग्ने भएको छ। साढे ७ अर्ब रुपैयाँ मात्रै लागत तय गरेर ठेक्का गरिएको भए पनि त्योभन्दा ५ गुणा बढी खर्च हुने देखिएको छ।

विमानस्थल निर्माणभन्दा तीन गुणाबढी रकम जग्गा अधिग्रहणमा लागेकाले लागत बढेको नेपाल नागरिक उड्डयन प्राधिकरणले जानकारी दिएको छ। जग्गा अधिग्रहणलाई विमानस्थलको भौतिक पूर्वाधारसँग नजोडिएकाले पनि यसलाई एकमुष्ट खर्चमा देखाउँदा भने विमानस्थल निर्माणमा ठूलो रकम खर्च भएको प्राधिकरणको भनाइ छ।

विमानस्थल निर्माण र पछिल्लो समय लागेको प्राविधिक कामको ठेक्कासमेत गरेर करिब साढे ७ अर्ब छुट्टयाइएको छ। २३ अर्ब ५९ करोड मुआब्जाको निम्ति, कार्गो भवन निर्माणमा ९० करोड, बाहिरी पेरिमिटर सडक ९० करोड, फिनिसिङ तथा खोला डाइभर्सनमा ५० करोड खर्च हुने अनुमान आयोजनाको छ।

विमानस्थल निर्माणका निम्ति कार्गो विल्डिङबाट एप्रोनसँग जोड्ने सडक निर्माण गर्नुपर्ने, एरोब्रिज राख्नेसहितको काममा अझै डेढ अर्ब खर्च अनुमान गरिएको छ। सम्पूर्ण काम सक्दा र यो विमानस्थल सञ्चालनमा ल्याउँदासम्म करिब ३५ अर्ब रुपैयाँ खर्च हुने अनुमान पनि विमानस्थल आयोजनाको छ।

प्राधिकरणका अनुसार यो विमानस्थल बनाउन करिब साढे ७ अर्ब रुपैयाँको मात्रै ठेक्का भएर मुख्य भौतिक पूर्वाधार निर्माणको काम गरिएको हो। यो रकमबाट विमानस्थलको मुख्य धावनमार्ग, यात्रु सेवा भवन, कन्ट्रोल टावर, ट्याक्सी वे, एप्रोनसहितको काम हुनेछ।

यो बाहेक ठूलो रकम विमानस्थलका निम्ति आवश्यक जग्गामा खर्च भएको विमानस्थल आयोजना प्रमुख प्रवेश अधिकारीले बताए। यो समाचार आजको अन्नपूर्ण पोस्ट् दैनिकमा छापिएको छ ।


पशुपतिक्षेत्रमा हिन्दू धर्मावलम्बीको पर्व महाशिवरात्रिको तयारी
पशुपतिक्षेत्रमा हिन्दू धर्मावलम्बीको पर्व महाशिवरात्रिको तयारी

काठमाडौं । वाग्मती सफाइ महाअभियानको ३५३ औँ हप्तामा महाशिवरात्रिको तयारीका लागि पशुपति क्षेत्रको आर्यघाट, सूर्यघाट, राममन्दिर लगायत क्षेत्रमा सफाइ गरिएको छ । सफाइमा १८ संस्थ..

जनकपुरधाममा विश्वकै सबैभन्दा अग्लो (१ सय ५१ फिट)को ‘माता सीता’को मूर्ति बन्दै 
जनकपुरधाममा विश्वकै सबैभन्दा अग्लो (१ सय ५१ फिट)को ‘माता सीता’को मूर्ति बन्दै 

जनकपुरधाम । जनकपुरमा विश्वकै सबैभन्दा अग्लो जगत जननी माता सीताको मुर्ति बन्ने भएको छ । जनकपुरको बाह्रविघा रंगभुमी मैदानमा माता सीताको विश्वकै सबैभन्दा अग्लो मूर्ति बन्ने भएको..

कोरोनाको असरले लुम्बिनीमा घट्याे ४८ हजार पर्यटक, होटल बुकिङ धमाधम रद्द 
कोरोनाको असरले लुम्बिनीमा घट्याे ४८ हजार पर्यटक, होटल बुकिङ धमाधम रद्द 

काठमाडौं । नोवेल कोरोना भाइरसको असर नेपालको पर्यटकीय गनतव्य लुम्बिनीको पर्यटन क्षेत्रमा देखिएको छ । नेपाल सरकारले भिजिट नेपाल २०२० सुरु गरेसँगै जनवरीमा केही असर पारेको कोरो..

‘भिजिट नेपाल २०२०’ को पहिलो गाँसमै ढुङ्गा !
‘भिजिट नेपाल २०२०’ को पहिलो गाँसमै ढुङ्गा !

काठमाडौँ । प्रतिनिधिसभामा बोल्दै सांसद नेपाली कांग्रेसका सांसद देवेन्द्र राज कँडेलले नेपालले भव्यताका साथ भिजिट नेपाल २०२० सुभारम्भ गरे पनि पहिलो गाँसमा नै ढुङ्गा परेको बताएका..