आज पन्ध्रअसार - दहीच्युरा खाएर धान दिवस मनाइँदै 


रासस प्रकाशित: २०७६-३-१५ गते
आज पन्ध्रअसार - दहीच्युरा खाएर धान दिवस मनाइँदै 

काठमाडौं । मुठी खाएर मुरी उब्जाउने महीनाको मध्य अर्थात् असार १५ गतेका दिन नेपाल राज्यभर धान दिवस, रोपाइँ यात्रा आदि नामले मनाइँदैछ।

कृषि प्रधान देश भएकाले नेपालका अधिकांश मानिसको पेशा खेतीपाती हो। किसान वर्षभरका लागि छाक जुटाउन यो महीनामा खेतीमा ब्यस्त हुन्छन्। आजका दिन असारे भाकामा लोकदोहोरी गाउँदै छुपुछुपु हिलोमा धान रोपिन्छ।

‘छुपु र छुपु हिलोमा धान रोपेर छोडौँला, बनाई कुलो लगाई पानी आएर गोडौँला’ जस्ता लोक लयका गीत गाएर खेतमै रमाइलो पनि गरिन्छ। मध्यगर्मीको यो समयमा युवा लाठे र युवती रोपाहारले खेतका गराको हिलो छ्यापाछ्याप गरेर मनोरञ्जन गर्छन्। कामको चटारोले थकित भएका किसान शक्तिप्राप्तिका लागि दही च्यूरा खान्छन्। यसबेला दही च्यूराले शरीरमा शीतलता भई शक्ति सञ्चय हुने विश्वास गरिन्छ।

असार १५ लाई नेपाली समाजमा दही च्यूरा खाने पर्वका रुपमा पनि लिइन्छ। खेतीपातीबाहेक अन्य पेशा र व्यवसायमा लागेका नेपालीले पनि आज दही च्यूरा खाई असार १५ मनाउँछन्। हाम्रो संस्कृतिमा दहीको स्थान महत्वपूर्ण छ । शुभकार्यका लागि घर बाहिर निस्कने, विदेश जाने आदि महत्वपूर्ण काम गर्नुअघि दही अक्षता मुछेर निधारमा रातो टीका लगाउने परम्परा छ।

यस्ता शुभकाममा निस्कनुअघि सगुनका रुपमा पनि दही खुवाएर बिदाइ गरिन्छ। दही खुवाएर बिदा गरे शुभ प्राप्त हुने सांस्कृतिक मान्यता छ। दही वैज्ञानिक दृष्टिले पनि स्वास्थ्यवर्द्धक मानिन्छ। गुरु गोरखनाथले नेपालको एकीकरणकर्ता पृथ्वीनारायण शाहलाई दही खान दिएर पराक्रमी हुने भविष्यवाणी गरेका थिए भनिन्छ।

आयुर्वेदमा भोजनको अन्त्यमा दही मथेर बनाएको मोही पिएमा औषधि उपचारका लागि स्वास्थ्यकर्मी कहाँ जानु नपर्ने बताइएको छ। दहीले पाचन शक्ति पनि बढाउँछ। पखाला लागेका बेला दही च्यूरा खाएमा औषधिको काम गर्छ। यसैले दही च्यूरा खाने संस्कारले नेपाली संस्कृतिमा बृहत् रुप लिएको छ।

यसरी असार १५ नेपाली समाजमा राष्ट्रिय सांस्कृतिक पर्व बन्न सफल भएको छ। असार १५ का दिन आज गाउँठाउँका हुने खानेले बेठी लगाएर धान रोपाइँ गर्छन्। यसरी धान रोपाइँ गरे खेतबाट सह बसी मनग्य उत्पादन हुने विश्वास रहेको छ।


अमेरिकी राजदूत र्‍यान्डी बेरी पशुपतिनाथ मन्दिरमा, यस्तो छ उनको १० वर्षे च्यालेन्ज !
अमेरिकी राजदूत र्‍यान्डी बेरी पशुपतिनाथ मन्दिरमा, यस्तो छ उनको १० वर्षे च्यालेन्ज !

काठमाडौं । शिवरात्रीको अवसरमा आज विहान अमेरिकी राजदूत र्‍यान्डी बेरी पशुपतिनाथ मन्दिर पुगेका छन् ।  धार्मिक आस्था राख्ने र्‍यान्डी बेरीले ट्वीटमा २ वटा फोटो अप..

भीमेश्वर मन्दिरको शिलामा पसिना, अनिष्टको संकेत
भीमेश्वर मन्दिरको शिलामा पसिना, अनिष्टको संकेत

दोलखा । प्राचीन, ऐतिहासिक मन्दिर भीमेश्वर मन्दिरको शिलामा आज बिहान ६ः४५ बजेबाट पसिना आएको छ ।  आज बिहानबाट पसिना आएको मन्दिरका मुख्य पुजारी काशीनारायण श्रेष्ठले बताए ।..

शिवरात्रीको अवसरमा पशुपतिनाथमा ५ हजार स्वयंसेवक
शिवरात्रीको अवसरमा पशुपतिनाथमा ५ हजार स्वयंसेवक

काठमाडौं । शिवरात्रीको अवसरमा पशुपतिनाथमा हुने भीडभाडलाई व्यवस्थित बनाउन ५ हजार स्वयंसेवक खटाइने भएको छ ।  स्वयंसेवकहरु दर्शन लाइनको सहजीकरणका लागि बाहिरी क्षेत्रमा मा..

मुस्लिम समुदायको धार्मिक सम्मेलनमा २ जनाको मृत्यु 
मुस्लिम समुदायको धार्मिक सम्मेलनमा २ जनाको मृत्यु 

 सप्तरी ।        सप्तरीमा भैरहेको मुस्लिम समुदायको धार्मिक सम्मेलनमा दुई जनाको ज्यान गएको छ । सम्मेलनमा सहभागी हुन आएका भारत मोतिहारी जिल्लाका हारु..